Jeremías 18:21 - Qullan Arunaka DC

²¹ ¡Jichhasti, wawanakap manq'atjam jiwarayam, jan ukax espadampi jiwarayatäpxpan; warminakapasti ijma, jan wawan qhiparapxpan! ¡Chachanakapasti usunakampi jiwarapxpan, waynanakasti nuwasïwin jiwarapxarakpan!

Aymar Bibliia 1986

²¹ ¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Qullan Arunaca

²¹ ¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Jeremías 18:21 Jak'a apnaqawi uñst'ayäwi

2 Crónicas 36:17

Ukatsti Tatitux caldeonakan reyiparuw jupanak tuqir jutantayäna, waynanakarusti Tatitun utap pachpan cuchillompkam jiwarayäna, janiw uka reyix waynanakatsa, tawaqunakatsa, awkinakatsa, kayu usutanakatsa khuyapt'ayaskänti. Tatitux taqiniruw jupan amparapar katuyäna.

Salmos 63:10

10 (1) ¡espadampi jiwarayataw uñjasipxani, qamaqinakan manq'antataw tukusipxani!

Salmos 63:11

11 (1) Reyisti Diosankasaw kusisini; sutip layku juramento luririnakaw q'uchupxani, k'arinakan lakapasti llupt'atäniwa.

Éxodo 22:24

24 (23) ukatsti nayax wali q'apisitaw jumanakarux espadampkam jiwarayapxäma. Warminakamasti ijmaw qhiparani, wawanakamas wajchaw qhipararakini.

Isaías 13:18

Waynanakarux mich'inakapampiw jiwarayani. Asu wawanakatsa janiw khuyapt'ayasipkaniti, jisk'a wawanakatsa janirakiw khuyapt'ayasipkaniti.

Isaías 9:16

16 (15) Jilïrinakasti aka markarux maysaruw irpanukupxi, irpiri thaqhirinakasti maysar saranukusaw chhaqhapxi.

Isaías 9:17

17 (16) Ukat Tatitux waynanakat jan khuyapt'ayaskiti, wajchanakatsa, ijma warminakatsa janirakiw khuyapt'ayaskiti. Taqi markpachasti jach'a juchanak lurir ñanqhakamakiwa, taqinis ñanqha arunakak parlasipki. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Jeremías 12:3

Ukampis Tatay, jumax nayar uñt'istawa; jumax uñjistawa, jumatak amtatanakaxäki uksa yatirakistawa. ¡Uka jaqinakarux khariñ ovejanakarjam apasxam, khariñ urutak chimpt'awayarakim!

Jeremías 14:16

Janiw jupanakakit jiwarapkani, jan ukasti, kawkïr markarutix uka yatiyäwinak yatiyapki ukankirinakas manq'atjam nuwasïwin jiwarapxarakini, warminakapampi, wawanakapampi kuna. Jiwat janchinakapasti Jerusalén marka thakhinakan jaqtatäniwa, janirakiw jupanakarux khiti imt'iris utjkaniti. Ukhamat juchap uñt'asiyä.

Jeremías 15:7

Markat anqaruw jaqtansma, wichhu t'unar uñtat willtansma; markaxarux jan wawanakan antutarakta, uka ñanqha jakañap jan apanukuñ munatapat t'unjarakta.

Jeremías 15:8

Jupanak taypinsti ijma warminakxa, quta ch'allanakat sipansa juk'ampi waljan jaytarakta. Chika urpachaw jiwañ puriyanirakta, wayna yuqanakani warminakxarusa, akatjamat llakisiñampi axsarañampi puriyanirakta.

Jeremías 50:30

Ukat waynanakax marka thakhinakan jiwarapxani, nuwasir jaqinakapas uka urux taqiniw tukusipxani. Naya, Tatituw uk arsta.”

Jeremías 9:21

21 (20) “Jiwax utanakasaruw mantani; ventananak chiqaw mantani; wawanakarusti marka thakhinakan anataskir jiwarayi, waynanakarus plazanakan jiwarayaraki.

Lamentaciones 1:15

Tatitux khitinakatix ch'amampi nayar arxatapkitäna ukanakarux jayaruw apanuku. Nayar nuwantañatakisti mä ejército khithanukuni, ukhamat ch'aman jaqinakaxar tukjañataki. ¡Tatitux ukhampach nayarux takxatitu, uvar uñtataw ch'irwsurakitu!

Lamentaciones 5:3

Jan awkini wajchaw qhiparapxta; taykanakaxasti ijma warminakaw qhiparxapxi.

Ezequiel 16:38

Chachanakampi wachuqa jucha lurañanakan sarnaqatanakamata, jaqi jiwayatanakamat juchañchäma, wali jach'a q'apisiñampiw jumarux jiwañaru katuyäma.

Ezequiel 22:25

marka apnaqirinakamasa leonanakjamaw jaqinakarux manq'antapxi; pachpa uraqipan katutanakaparus warart'asisa wikhanuqapxi, taqi imasitanakapsa, qamir yänakapsa q'al lunthatjapxi, walja warminakaruw ijma uñjasiyapxaraki.

Amós 4:10

“Egipto markar apaykäyäta uka pachpa t'aqhisiñ jumanakarux apayanipxsma, waynanakarusti nuwasïwinakan jiwarayta, caballonakapsti uñisirinakaruw katxaruyta; nuwasïwin jiwaratanakan q'aphinakapsa mukhirayaraktwa, ¡ukampis jumanakax janiw nayan ukarux kuttanipktati!” Tatitux ukham siwa.

Deuteronomio 32:25

Thakhinakan wawanakapax espadampkam jiwarayataw uñjasini, uta manqhanakansa axsarañakiw utjani; yuqall wawasa, imill wawas jiwaraniwa, awkinakasa, ñuñuskir wawanakas jiwararakiniwa.

2 Timoteo 4:14

Jiru liq'i Alejandrox jan walinakpun lurawayitu; Tatituw juparux kuntix nayar lurawaykitu ukat uñjaskani.

1 Samuel 15:33

Ukampis Samuelux sänwa: —Kunjämatix jumax espadamampi walja warminakar jan wawani uñjasiytaxa. Ukhamarakiw taykamax jupanakjam uñjasini —sasa. Guilgal chiqansti, Samuelux jan axsart'asaw Tatit nayraqatan Agag reyirux pusir kharinuqäna.