Jeremías 18:10 - Qullan Arunaka DC

¹⁰ Ukampis uka markatix ñanqhanakak luraskaspa, nayan arunakaxarus janirak ist'kaspa ukapachaxa, janiw nayax kuna askinakatix jupanakatak wakichatäki ukanak apayankiristti.

Aymar Bibliia 1986

¹⁰ Ucampisa uca marcatejj ñankhanacaqui lurasqui, nayan arunacajjarusa janiraqui ist'quituti ucapachajj janiw nayajj cuna asquinacatejj jupanacataqui waquichata utjcän ucanacjja apayancäti.

Qullan Arunaca

¹⁰ Ucampisa uca marcatejj ñankhanacaqui lurasqui, nayan arunacajjarusa janiraqui ist'quituti ucapachajj janiw nayajj cuna asquinacatejj jupanacataqui waquichata utjcän ucanacjja apayancäti.

Jeremías 18:10 Jak'a apnaqawi uñst'ayäwi

Salmos 125:5

jan wali thakhinjam saririnakarusti, ñanqha luririnakampi chik aynacht'ayam. ¡Israel markansti samarañax utjpan!

Ezequiel 18:24

“Ukampis, aski jaqitix aski luräwinakap apanukuni, ukatsti kuntix ñanqha jaqix axtañanak lurki ukanak lurarakini ukasti, ¿uka jaqin jakaskañap jumanakax amuyapxtati? Nayasti janiw amtaskxäti kuna askinaktix jupax lurkän ukanakatxa, taqi chuymampi jan arkatap layku, jucha luratap laykuw jiwani.

Ezequiel 33:12

“Jumasti Ezequiel, marka masinakamarux sarakim: ‘Mä aski jaqitix jucha luranixa, nayra suma luräwinakapax janiw qhispiykaniti, mä jan wali jaqitix uka jan wali jakañap apanukxanixa, nayra jan wali sarnaqäwipax janiw juparux jiwañar puriykaniti. Mä aski jaqitix jucha luranixa, nayra aski luräwinakapax janiw jakaskañapataki askïkaniti.

Ezequiel 33:18

Mä aski jaqitix aski luräwip apanukusin jan wali lurañar katuyasini, ukapachasti uka jaqix juchap laykuw jiwani.

Ezequiel 45:20

Uka pachparak lurasini, uka phaxsin paqallqu uru saraqataru, maynitix jan amuyaskasin kuna juchsa lurchi ukatakixa. Ukhamat Tatitun utapax q'umäxarakini.

Sofonías 1:6

Ukatsti khitinakatix nayar arkkasin qhipar kuttapki ukanakarus tukjarakïwa, khitinakatix nayar jan thaqhapkitu, janirak nayar jiskt'asiris jutapki ukanakarus tukjäwa.”

Números 14:22

khitinakatix jach'a kankañax uñjkasinsa, Egiptompina, wasarampin muspharkañanak luratax uñjkasinsa, nayar wasaran mayampi mayamp yant'apxitu, arunakaxar jan jaysañ munirinakax,

Números 14:23

janipuniw jupanakat maynis arsut uraqi uñjkaniti, awkipar taykapar churañatak arskta uka uraqi. Janirakiw nayar jisk'achirinakat maynis uka uraq uñjapkaniti.

Números 14:34

Jumanakax pusi tunka uruw uraqinak uñakipasax sarnaqanipxtaxa; ukhamarakiw jichhax pusi tunka mara mutuyäwi phuqhapxäta, sapa uruta mä mara. Ukhamat jumanakax yatipxäta, kunjämäkitix nayar qallkatasiñax uka.

1 Samuel 13:13

Samuelusti juparux sarakïnwa: —¡Luqhir uñtataw lurtaxa! Tatitux kuntix sisktam uka arunakarutix jaysasamänxa, juman Israel markar apnaqañamax wiñayatakïsapänwa.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.

1 Samuel 15:35

Samuelusti janipuniw mayampsa Saúl reyirux uñjkxänti, chuymapansti jupat wal llakt'asiskäna, ukhamarakiw Tatitux Saúl reyiru Israel markan reyipat utt'ayasax llakisïna.

1 Samuel 2:30

Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.