Jeremías 17:9 - Qullan Arunaka DC

⁹ “Jaqin chuymapjam ñanqha, sallqjirix janiw utjkiti. ¿Khitis ukan ukhamätap amuyt'aspa?

Aymar Bibliia 1986

⁹ “Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Qullan Arunaca

⁹ “Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Jeremías 17:9 Jak'a apnaqawi uñst'ayäwi

Génesis 6:5

Tatitux jaqinakan sinti jan walinak lurapxatap uñjäna, jaqin ñanqha lurañakpuni amtaskatapa,

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

2 Samuel 11:15

Uka qillqatansti akham sänwa: “Urías chacharux nayräx siqirupun uchapxam, kawkhantix nuwasiñax wali ch'amäki uka chiqaru, ukatsti sapak apanukupxam jupar jiwayapxañapataki” sasa.

Salmos 51:5

5 (7) Nayax yuritaxatpach juchanïtwa; taykaxan purakapatpach juchanïtwa.

Salmos 64:7

7 (8) Diosaw mich'inakapampi chhuxriñchjani, akatjamat chhuxriñchjataw uñjasipxani;

Proverbios 28:26

Jupa pachpan amuyt'äwipar alkatasir jaqixa; jan amuyt'asir jaqiwa, yatiñ kankañamp sarnaqir jaqisti qhispitaw uñjasini.

Eclesiastés 9:3

Akapachan taqi kunatix luraski ukanakat akaw jan walïkiti: taqinirus pachpakiw suyt'aski. Mä tuqitxa, jaqin amuyupax ñanqha lurañampi phuqt'atawa; taqi jakäwipansti luqhi kankañaw amuyuparux apnaqi; ukatsti tukuyarux jiwañarukiw purxi.

Isaías 1:5

Jumanakax Tatitur saykatañakpin munasipktaxa, janchinakaman janiw kawkhat jawq'antañas utjkxiti. P'iqimax q'ala chhuxriñchjatawa, ch'amamas janirakiw utjkxiti.

Isaías 1:6

Kayumat qalltasin p'iqikamax janiw kawkhas k'umaräkxiti; taqpach janchimax q'ala chhuxriñchjatawa, p'usuntata, llixtjtatarakiwa; jan khitinsa qullxatt'ata, janirak ch'uqxatt'ata, usuyasitanakamsa janirakiw khitis aceitempi qullxatt'as samart'aykiti.

Isaías 6:10

Aka markan amuyupsa q'al pixtuntam, ukhamat jan amuyt'asipxañapataki, jinchunakapsti llupantam, ukhamat jan ist'apxañapataki, nayranakapsa juykhu tukuyam, ukhamat jan uñjapxañapataki, ukhamat nayan ukar jan kuttanisipkañapataki, nayan jupanakar jan qullaskañaxataki” sasa.

Jeremías 16:12

Jumanakasti uka nayra awkinakamat sipansa juk'ampi jan walïpxtawa, sapa maynis chuymapan jan wali amtatanakaparukiw arki, janirakiw nayarux ist'kituti.

Jeremías 7:24

Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Mateo 13:15

Aka jaqinakan chuymapax qalaratawa, jinchunakapas jan ist'añatak llupantatawa, nayranakapas jan uñjañatak jist'antatawa; jan amuyt'apxañapataki, nayan ukar jan kuttaniñapataki, ukhamat nayan jupanakar jan qhispiyañaxataki’.

Mateo 15:19

Chuyma manqhat mistu: jan wali amtañanaka, jaqi jiwayañanaka, wachuqa jucha lurañanaka, lunthatasiñanaka, k'arisiñanaka, jaqxat jan wali parlañanaka.

Marcos 2:17

Jesusasti uk ist'asin jupanakaruw säna: —K'umaranakatakix janiw qullirix munaskiti, jan ukasti usutanakatakiw munasixa. Nayax janiw aski jaqinakar jawsir jutkti, jan ukasti, juchararanakar jawsiriw jutta —sasa.

Romanos 1:21

Diosar ukham uñt'kasasa, janiw Diosarjam yupaychapkiti, janirakiw yuspagarapkisa. Jan ukasti, juk'ampi jan wali lurañanakak lup'ipxi, amuyunakapas q'ala ch'amakt'atawa.

Romanos 7:11

juchasti kamachit katxarusi, ukat nayar sallqjitu, uka kipka kamachimpiw nayar jiwayitu.

Efesios 4:22

Ukat jumanakax nayra sarnaqäwim apanukupxañama, uka sarnaqäwix sallqantir amtäwinakampi tukjatawa.

Hebreos 3:12

¡Jilatanaka, amuyasipxam! Janiy jumanakat khitis jan iyawsir ñanqha chuymanix tukpati, janirak jakaskiri Diosatsa saraqpati.