Jeremías 17:26 - Qullan Arunaka DC

²⁶ Judá uraqita, Jerusalén marka jak'an utjir markanakatsti jaqinakax walipuniw jutapxani, Benjamín uraqitsa, quta iramatsa, qullu tuqinakatsa, Néguev tuqinakatsa. Tatitun utaparusti wilañcha luqtañatakiw uywanak apanipxani, granonakatsa, inciensonakatsa luqtäwinak churapxani, yuspagarañ luqtäwinak churapxarakini.

Aymar Bibliia 1986

²⁶ Judá orakena, Jerusalén marca muytata utjqui uca marcanacatsti jakenacajj jutapjjapuniniwa, Benjamín oraketsa, kota irama token utjirinacasa, kollu tokenacatsa, Néguev tokenacatsa. Templorusti apanipjjaraquiniwa animalanaca sacrificiot loktañataqui, yakha sacrificionacataqui cuna, granonacatsa, inciensonacatsa ofrenda churapjjaraquiniwa, yuspagaraña ofrendanacsa churapjjaraquiniwa.

Qullan Arunaca

²⁶ Judá orakena, Jerusalén marca muytata utjqui uca marcanacatsti jakenacajj jutapjjapuniniwa, Benjamín oraketsa, kota irama token utjirinacasa, kollu tokenacatsa, Néguev tokenacatsa. Templorusti apanipjjaraquiniwa animalanaca sacrificiot loktañataqui, yakha sacrificionacataqui cuna, granonacatsa, inciensonacatsa ofrenda churapjjaraquiniwa, yuspagaraña ofrendanacsa churapjjaraquiniwa.

Jeremías 17:26 Jak'a apnaqawi uñst'ayäwi

Esdras 3:11

Mayninakax yupaychañ q'uchunak q'uchupxäna, mayninakasti sapxarakïnwa: “Tatitur yuspagarapxam, jupax askiwa, munasiñapas Israel markapatakix wiñayatakiwa” sasa. Tatitun utap wasitat lurañ qalltasitapatsti markpachaw kusisiñat arnaqasis Tatitur yupaychapxäna.

Salmos 107:22

Jach'añchañ luqtäwinak jupar katuyapxam, luräwinakapatsti kusisiñamp yatiyapxam.

Salmos 116:17

Tatay, yuspagarañ luqtäwi katuyäma, sutimaruw jach'añcharakï.

Salmos 66:13

Utamar mantasin luqtäwinak churäma; ukhamat jumar arsutanakax phuqhä,

Isaías 58:13

“Sábado urxa yäqapxapunim; uka qullan uruxansti janipun kuna aljasiñanakansa sarnaqapxamti, uka urusti jumanakatakix kusisiñ urüñapawa, mä qullan urüñaparakiwa. Uka urux Tatitur luqtat urüñapawa. Ukham uka uruxarux yäqapxäta, jan kuna aljasiñanakar uskusisa, jan wali arunak jan parlasa.

Jeremías 30:19

Marka taypinsti, yuspagarañ q'uchunaka, kusisiñat arnaqasiñanakaw ist'asini. Jupanakax walja wawanakanïpxaniwa, walja jaqinakan markaw tukxani; mä askin uñjat markaw tukxarakini.

Jeremías 32:44

Suma q'umachat papelanakani, qhanañchirinakan sutinakapampi qillqantat uraqinak alasxapxani. Taqi akanakasti Benjamín ayllun uraqipan lurasini, Jerusalén marka thiyanakana, Judá uraqinkir markanakana, qullu tuqin utjir markanakana, jach'a quta thiya iraman utjir markanakana, ukhamaraki Néguev siski uka markanakansa uraqinak alasxapxani. Nayaw Babilonia markat kuttayanxarakï. Naya, Tatituw uk arsta.”

Jeremías 33:11

suma kusiskañ phunchhäwi q'uchunakax ist'asini, munasirinakan q'uchunakapaw ist'asini, ukatsti sapxarakiniwa: ‘Taqi ch'amani Tatitur yuspagarapxam, Tatitusti sumawa, munasiñapas wiñayatakiwa’ sasa. Tatitun utaparusti yuspagarañ luqtanak apanipxani. Jïsa, nayaw aka markan sarnaqäwip askir tukuyä, kunjämäpkäntix qalltanxa ukhamäpxañapataki. Naya, Tatituw uk arsta.”

Jeremías 33:13

Qullu tuqinkir markanakana, quta iran pampa uraqi tuqinakana, Néguev uraqina, Benjamín ayllun uraqipana, Jerusalén marka thiyanakana, Judá uraqinkir markanakansa, taqi uka chiqanakan awatirinakar oveja tamanakap jakhur uñjapxarakini. Naya, Tatituw uk arsta.”

Zacarías 7:7

Kuntix jichhax sapksma ukxa, khä urunakaw profetanak tuqi sapxayäsma, kunapachatix Jerusalén markaxa, ukhamaraki uka thiya markanakasa, jaqin phuqt'atäskäna ukapacha, kunapachatix Néguev sat chiqana, ukhamaraki pampanakan suman jakasiñax utjkarakïna ukapacha.

Hebreos 13:15

Ukat Diosarux Jesucristo tuqi yupaychañasa. Aka yupaychañsti aski waxt'äwjam luqtañasawa. ¡Ukhamasti lakanakasampi yupaychapxañäni!

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,