Jeremías 17:22 - Qullan Arunaka DC

²² Janiraki sábado urun utanakamat q'ipinak apsupxamti, jan kunsa uka urux lurapxamti. Uka sábado uru nayar luqtanipxita, kunjämtix nayra awkinakamaru siskäyäta ukarjama.

Aymar Bibliia 1986

²² Uqhamaraqui samarañ urunjja jan carganac utanacamatjja apsupjjamti, janiraqui uca urojj cuna casta irnakäwsa lurapjjamti. Samarañ ursti nayaru loktanipjjeta, cunjämtejj nayra awquinacamaru siscäyätjja uqhama.

Qullan Arunaca

²² Uqhamaraqui samarañ urunjja jan carganac utanacamatjja apsupjjamti, janiraqui uca urojj cuna casta irnakäwsa lurapjjamti. Samarañ ursti nayaru loktanipjjeta, cunjämtejj nayra awquinacamaru siscäyätjja uqhama.

Jeremías 17:22 Jak'a apnaqawi uñst'ayäwi

Nehemías 13:15

Khä urunakan nayax Judá uraqin uñjta: yaqhipanakax sábado uruna vino lurañatak uvanak takiskiri, trigo pichunak apnaqiri, asnonakxat vino, uva wayunaka, higonaka, kunayman q'ipinak khumunaqiri, ukhamaraki sábado uruna Jerusalén markaru apanipxiri. Ukat nayax jupanakar uka urun aljañanak aljapxatap layku tuqinuqta.

Éxodo 23:12

“Suxta uruw taqi lurañanakam luräta, paqallqüri urusti samarätawa, ukhamata vacamasa, asnomasa samarañapataki; ukatsti uywatamasa, yaqha markankir jaqis ch'ama katxatañapataki.

Isaías 58:13

“Sábado urxa yäqapxapunim; uka qullan uruxansti janipun kuna aljasiñanakansa sarnaqapxamti, uka urusti jumanakatakix kusisiñ urüñapawa, mä qullan urüñaparakiwa. Uka urux Tatitur luqtat urüñapawa. Ukham uka uruxarux yäqapxäta, jan kuna aljasiñanakar uskusisa, jan wali arunak jan parlasa.

Jeremías 17:24

“ ‘Naya, Tatituw ak arsta: Chiqpachapun ist'apxita, sábado urun janipun kuna q'ipinaksa markan punkunakap chiqa apantapxamti; uka ursti nayar luqtanipxita, janirak uka urun kuna irnaqañsa lurapxamti.

Ezequiel 20:12

Ukhamarakiw jupanakarux sábado urunakaxat yatiyta, uka urusti nayampin jupanakampin mä chimpüñapänwa, ukatsti mä amtawïñapänwa, naya Tatitun sábado uru nayatak yaqhachasitaxata.

Ezequiel 22:8

Nayan qullan chiqanakaxarusti jisk'achapxiwa, samarañ sábado urunakaxsa janiw imapkarakiti.

Levítico 19:3

“Sapa maynisa awkiparu taykaparu yäqas sarnaqpan. “Nayan sábado urunakaxsa imapxarakim. Nayätwa jumanakan Tatit Diosamaxa.

Levítico 23:3

“Suxta uruw irnaqäwim luräta, ukampis paqallqu urunsti janipuniw kunsa lurätati; uka urux samarañ urüniwa, uka urusti mä qullana tantachasïwi luräta. Kawkhansa jakaskam, uka urux Tatitur yupaychañ urüniwa.

Zacarías 1:4

Jan jumanakax nayra awkinakamjam lurapxamti, jupanakarusti nayra profetanakax parlapxirïnwa, jan wali sarnaqäwinakapa, jan wali luräwinakap jaytxapxañapataki, ukampis jupanakax janiw ist'añsa, jaysañsa munapkänti. Naya, Tatituw arsta.

Lucas 23:56

Utar kutinisinsti, suma q'apkir qullanak wakiyapxäna, ukatsti kamachin qillqatarjamaw uka warminakax sábado urun samarapxäna.

Lucas 6:5

Ukxarusti saskakïnwa: —Jaqin Yuqapax sábado urxarus munañanirakiwa —sasa.

Apocalipsis 1:10

Kunürutix Tatitun urupäkän uka urun nayax Qullan Ajayun apnaqat uñjasta, ukatsti mä jach'a aru ist'ta qhipäxaxat art'asiniri, uka arusti mä trompetas phust'askaspa ukhamänwa,