Jeremías 17:19 - Qullan Arunaka DC

¹⁹ Tatitux sarakituwa: “Saram, ukatsti Marka Mantañ punkur sayt'asim, kawki chiqtix Judá uraqin reyinakapax mantapki, mistupkaraki ukkharu, ukhamaraki Jerusalenan yaqha punkunakapar sayt'asir saram.

Aymar Bibliia 1986

¹⁹ Tatitusti saraquituwa: “Saram, ucatsti Marca Mantaña puncuru sayt'asim, cawqui chektejj Judá oraken reyinacapajj mantapjje, mistupjjaraqui ucqharu, uca quipcaraqui Jerusalén marcan yakha puncunac jac'arus sayt'asiraquim.

Qullan Arunaca

¹⁹ Tatitusti saraquituwa: “Saram, ucatsti Marca Mantaña puncuru sayt'asim, cawqui chektejj Judá oraken reyinacapajj mantapjje, mistupjjaraqui ucqharu, uca quipcaraqui Jerusalén marcan yakha puncunac jac'arus sayt'asiraquim.

Jeremías 17:19 Jak'a apnaqawi uñst'ayäwi

Proverbios 8:1

Yatiñ kankañax jach'at arnaqasiski, ch'ikhi kankañasti arup ist'asiyaraki.

Proverbios 9:3

Ukatsti uywat tawaqunakaruw khiti, marka amsta chiqatpach art'apxañapataki:

Jeremías 17:18

Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

Jeremías 17:20

Jaqinakarusti sarakim: ‘Reyinaka, Judá uraqinkir taqi markanaka, Jerusalenankir taqi jaqinaka, aka punku chiqa mantirinaka, Tatitun arunakap ist'apxam.

Jeremías 19:2

Ukatsti Ben-hinom satäkis uka qhirwar saram, Jik'illita Punku sata uka uñkatasiru, ukansti kuna arunaktix nayax siskäma uka arunak yatiyam.

Jeremías 26:2

akham sasa: “Templon anqäxapar sayt'asim, ukatsti kuntix Judá markanakat sisksma ukanak khitinakatix templor yupaychir jutapki ukanakar yatiyam. Janipun mä arsa imaqamti.

Jeremías 36:10

Baruc chachasti Tatitun utapan jach'a anqäxaparuw saräna, Machaq Punku satäki uka mantañaru, jupasti Safán jaqin yuqapa Gemarías qillqirin utapatpach kuna arunaktix Jeremiasax qillqaykatayna uka arunak taqi jaqinakatak ullart'äna.

Jeremías 36:6

Uka layku, jutir ayuno lurañ urunxa jumaw saräta, ukatsti kuntix qillqayksma uka arunak ullararakïta, ukhamat Jerusalén markpacha, Judá uraqin utjir markanakan jakirinakat aka markar jutapki ukanakax Tatitun arunakap ist'apxañapataki.

Jeremías 7:2

“Tatitun utap punkur sayt'asim ukatsti aka arunak yatiyarakim: Judá uraqinkir taqi jaqinaka, khitinakatix aka punkunak tuqi Tatitur yupaychir mantapkta ukanaka, aka arunak ist'apxam.

Hechos 5:20

“Tatitun utapar sarapxam, ukatsti taqi jaqinakar aka machaq suma jakäwit yatiyanipxam” sasa.