Jeremías 17:1 - Qullan Arunaka DC

¹ “Judá marka, juchamax hierro cincelampi qillqantatawa, qala chuymamxar diamante arimpi qillqantatawa, altaranakamas juchanakamampi qillqantatawa.

Aymar Bibliia 1986

¹ “Judá marca, juchamajj hierro cincelampi kellkatawa, diamante puntampi kellkatawa, kala chuymamjjaru, altaranacaman wajjranacaparusa.

Qullan Arunaca

¹ “Judá marca, juchamajj hierro cincelampi kellkatawa, diamante puntampi kellkatawa, kala chuymamjjaru, altaranacaman wajjranacaparusa.

Jeremías 17:1 Jak'a apnaqawi uñst'ayäwi

Proverbios 3:3

Janipun kunapachas armasimti munasiñampita, chiqa kankañampita; mä wallqar uñtat kunkamar ukanak warkuntasim. Chuymamar ukanak sum imasirakim,

Proverbios 7:3

Ampar luk'anamar chinkatasim jan armasiñamataki, chuymaman sum katxäsim.

Isaías 49:16

Nayax amparaxan qillqantatpuni irpsma, pirqanakamatsti amtasipuntwa.

Jeremías 11:13

Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Jeremías 2:22

Lejiampis jariqasiskam, jabonampis jarisiskam, naya nayraqatansti juchaman q'añupax uñstaskakipuniniwa, Naya, Tatituw uk arsta.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Oseas 12:11

11 (12) Galaad chiqan yaqha diosanakaw utji, k'ari diosanakkamakiwa. Guilgal chiqansti urqu vacanakrak wilañcha luqtapxi; altaranakapasti q'ala tukjatawa, qala qutunakjam yapunak taypin willtatarakiwa.”

Oseas 7:2

Nayax jupanakarux sum uñt'ta: Ñanqha lurañanakampi phuqhantatäpxiwa, ukampis janiw ukhamäpxatap amuyasipkiti.

Oseas 8:11

“Israelitanakax walja altaranak lurarasiraki, uka altaranakasti jucha lurañatakikiwa.

Levítico 4:25

Ukxarusti sacerdotex juchat wilañcha luqtat chivon mä juk'a wilap luk'anapar juricht'asaxa, altaran waxranakaparuw jawirt'ani; ukat jilt'ki uka wilsti, pachpa altaran kayuparuw wartxani,

Zacarías 7:12

Chuymanakapsa ch'ullqhi diamante qalar uñtat qalarayasipxi, taqi ch'aman Tatitun ajayupampi nayra profetanakap tuqi parlawayki, uka yatichäwinakaru, kamachi arunakaru jan ist'añataki. Ukat Tatitux wali q'apisïna,

2 Corintios 3:3

Ukax qhanakïskiwa, uka qillqatax jumanakäpxtawa, pachpa Criston qillqantata, nanak tuqi churataraki; uka qillqatax janiw tintampi qillqatäkiti, jan ukasti jakkir Diosan Ajayupampi qillqatawa; uka qillqatax janiw sillp'a qalanakar qillqatäkiti, jan ukasti, jaqinakan chuymanakapar qillqatawa.