Jeremías 16:15 - Qullan Arunaka DC

¹⁵ jan ukasti sapxätawa: ‘Israelitanakaru Asirio markata, Babilonia markata, yaqha markanakaru ananukutat kuttayankistu uka Tatitux jakaskiwa’ sasa. Nayaw jumanakarux uraqimar kuttayanxapxäma, kawkïr uraqtix nayra awkinakamar churkta ukaru.

Aymar Bibliia 1986

¹⁵ jan ucasti sapjjätawa: ‘Israelitanacaru amsta marcata uqhamaraqui yakha marcanacaru ananacutat cuttayanquistu uca Tatitojj jacasquiwa’ sasa. Nayaw jumanacarojj orakemaru cuttayanjjapjjäma, cawquïri oraktejj nayra awquinacamaru churcta ucaru.

Qullan Arunaca

¹⁵ jan ucasti sapjjätawa: ‘Israelitanacaru amsta marcata uqhamaraqui yakha marcanacaru ananacutat cuttayanquistu uca Tatitojj jacasquiwa’ sasa. Nayaw jumanacarojj orakemaru cuttayanjjapjjäma, cawquïri oraktejj nayra awquinacamaru churcta ucaru.

Jeremías 16:15 Jak'a apnaqawi uñst'ayäwi

Génesis 28:15

Nayaw jumampïskta; kawkirutix sarkäta ukan imaskapunïmawa, ukatsti aka pachpa uraqiruw kuttayanxäma. Arsutaxar phuqhañkamax janipuniw antutkämati” sasa.

Salmos 106:47

¡Tatit Diosaxay, qhispiyapxakitaya! ¡Yaqha markanak taypit irpthapxapxita, qullan sutim jach'añchañataki, kusisiñampi jumar yupaychañataki.

Isaías 14:1

Israel markat khuyapt'ayasitapatxa, Tatitux wasitat jupan ajllisit markapat uñt'asxistani. Tatitux uraqisaruw kuttayanxistani. Yaqha markan utjir jaqinakasti markas taypin jawsayasiñatakiw jutapxani, ukatsti markasampiw mayachasxapxani.

Jeremías 12:15

Ukham jik'inukutatsti, jupanakat khuyapayasirakïwa, pachpa uraqiparu, pachpa markaparuw kuttayanxä.

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 23:7

Tatitusti siwa: “Juramentonak jan lurañ urusti purininiwa, akham sasa: ‘Egipto markat israelitanakar apsunir Tatitux jakaskiwa’ sasa,

Jeremías 23:8

jan ukasti akham sasaw juramento lurapxani: ‘Israelitanakaru Babilonia markampita, kawkirutix ananukkatayna uka yaqha markanakampit kuttayanxir Tatitux jakaskiwa’ sasa. Ukatsti pachpa uraqinakapan israelitanakax jakasipxarakini” sasa.

Jeremías 24:6

nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Jeremías 29:14

Jïsa, jumanakax nayarux jikxatapxitätawa, ukatsti sarnaqäwinakam sumaruw tukuyarakï. Taqi markanakat jumanakarux tantacht'apxäma, kawkhanakarutix nayax jumanakar ananukupksma uka chiqanakat apsunxapxäma, ukatsti Jerusalén markaruw kuttayanxapxäma. Naya, Tatituw uk arsta.’

Jeremías 3:18

“Uka uru purinkani ukapachasti, Judá markax Israel markaruw jaqkattxani, ukatsti mayakiw amsta tuqinkir markat kutt'anxapxani, kawkïr uraqtix nayax mä tutïkaspa ukhama nayra pacha awkinakapar churkta uka uraqiru” sasa.

Jeremías 30:10

“Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Jeremías 30:3

mä uruw purinini, kunapachatix nayax Israel markaxaru, Judá markaxarus apanukutat kuttayankä uka uruxa. Naya, Tatituw uk arsta. Nayaw jupanakarux kawkïr uraqtix nayra awkinakapar churkta uka uraqir kuttayanxä” sasa.

Jeremías 31:8

Nayaw Babilonia markat kuttayanxapxäma, aka uraqi tukusitpach jumanakarux tantachxapxäma. Jumanakampi chikasti juykhunaka, kayu wixchunakaw kuttanxapxani, usur warminakasa, wawachasxapxi ukanakasa, ¡waljanipuniw kuttanxapxani!

Jeremías 32:37

Nayaw jaqinakaparux taqi markanakat anthapinxä, kawkïr markanakarutix nayax jupanakatak sinti phiñasitäkäyät ukapacha ananukkäyät ukanakata. Nayasti jupanakarux aka pachpa uraqiruw kuttayanxä ukan k'uchik jakasxapxañapataki.

Jeremías 50:19

Israel markarusti uraqiparuw kuttayanxä. Carmelo uraqina, Basán uraqina, Efraín qullunakana, Galaad uraqinsa naya pachpaw ovejanakarjam suma chhuxllanak churarakï.

Ezequiel 36:24

Nayaw jumanakarux taqi uka markanakat irpsunxapxäma, tantacht'asinsti uraqimaruw kuttayanxapxäma.

Ezequiel 39:28

Nayaw jupanakarux yaqha markanak taypir katuntat apaytxa, jichhax naya pachpaw wasitat jupanakarux pachpa uraqipar tantacht'xarakï. Janiw maynis jichhax yaqha markar apanukut uñjaskxaniti. Ukapachaw jupanakax yatipxani, nayan Tatitu Diosapätaxa.

Joel 3:1

1 (1) Tatitusti siwa: “Kunapachatix uka urux purinkani ukkhaxa, Judá markampiru, Jerusalén markampirux kuttayanxäwa.

Amós 9:14

Ukkhaw Israel markarux jaya markar apanukutat kuttayanï. Jupanakaw t'unjat markanak wasitat sayt'ayapxani, ukan jakasipxarakini; uva alinak ayruntapxani, jupanakan vinop umapxani, yapuchasinsti, achunakap manq'apxarakini.

Amós 9:15

Nayaw jupanakarux kipka uraqinakapar ayruntä, ukatsti janiw mayampis jupanakar churat uraqit jik'suta uñjasipkaniti.” Tatitu Diosaw uk arsu.