Jeremías 16:13 - Qullan Arunaka DC

¹³ Ukatpï jichhax aka uraqit jaya markar apayapxämaxa, kawkïr marktix jumanakasa, nayra awkinakamasa jan uñt'apkäna ukaru, ukansti uruy arumaw yaqha diosanakar yupaychapxäta, nayasti janiw jumanakat khuyapt'ayaskarakïti.’

Aymar Bibliia 1986

¹³ Ucatpï jichhajj aca marcatjja jaya marcaru apayapjjämajja cawquïr marctejj jumanacasa ni awquinacamasa uñjqui ucaru, ucansti uruy arumawa yakha diosanacaru yupaychapjjäta, jumanacatsti janiw qhuyapt'ayascaraquïti.’

Qullan Arunaca

¹³ Ucatpï jichhajj aca marcatjja jaya marcaru apayapjjämajja cawquïr marctejj jumanacasa ni awquinacamasa uñjqui ucaru, ucansti uruy arumawa yakha diosanacaru yupaychapjjäta, jumanacatsti janiw qhuyapt'ayascaraquïti.’

Jeremías 16:13 Jak'a apnaqawi uñst'ayäwi

2 Crónicas 7:20

jumanakarux kawkïr uraqtix churapksma ukat apanukupxämawa, nayax kawkïr uttix yaqhachaskta uksa apanukurakïwa, ukatsti taqi markanakaw jumanakat larusipxani.

Salmos 81:12

12 (13) Ukat munañaparjam sarnaqayta, munataparjamaw jakapxarakïna.

Jeremías 14:8

Israelan suyt'äwipa, jan walt'añanakan nanakar qhispiyiri, ¿kunatsa nanakatakix mä jaya jaqïkasmas ukham tukta, thakhi sarir jaqix mä jayp'uki ikt'awayi ukhama?

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 15:14

Juman jan uñt'at uraqinxa, uñisirinakaman t'aqhisiyatap tukuyarakïma, phiñasiñaxasti ninjamaw jumar nakhantañatakix aqtani.”

Jeremías 15:4

Taqi kunanaktix jupanakar lurkä ukanakatsti yaqha markanakampix axtasiyäwa, Judá uraqinkir reyipa, Ezequiasan Manasés yuqapan Jerusalén markan jan wali luratanakap layku.

Jeremías 16:5

Tatitux sarakituwa: “Maynin jiwatap layku lutt'atäsipki uka utarux jan mantamti; uka jiwatat jan jachamti, janirak llakisiñamsa jupan jiwatapat uñacht'ayamti. Aka markatsti suman sarnaqasiñaxa, munasiñaxa, khuyapayasiñaxa q'al apaqxta. Naya, Tatituw uk arsta.

Jeremías 17:4

Jumar churksma uka uraqsti apanukuwayañamawa, ukatsti jumax jan uñt'ktas uka uraqinxa, uñisirinakaman t'aqhisiyatap tukuyäma, phiñasiñaxasti ninjamaw aqti, uka ninaw nakhantarakïtam.”

Jeremías 22:26

Ukatsti jumarusa, taykamarusa yaqha jaya markaruw apanukupxäma, ukan panpachani jiwapxarakïta.”

Jeremías 22:28

¿Joaquín reyix mä p'akjat chatumpi sasiti, jan kunatak inamaya jan khitin munata jaqtatati? ¿Kunatarak jupasa, wawanakapasa jan uñt'at jaya markar apanukut uñjasipxisti?

Jeremías 5:19

‘¿Kunatarak Tatitu Diosasasti taqi akanak luristusti?’ sasa, ukxat jiskt'apkätam ukapachasti: jumax jupanakar sarakïtawa: ‘Kunjämatix jumanakax Tatitur apanukusin yaqha diosanakar aka pachpa uraqipan yupaychapxtaxa, ukhamarakiw jichhax jaya jaqin uraqipan yaqha markankir jaqinakar luqtas t'aqhisipxäta’ sasa.

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Deuteronomio 28:36

“Diosan munañapat jumasa, reyimasa katuntat uñjasini, ukatsti yaqha markar apataw uñjasipxäta, uka marksti janiw jumasa, awkinakamas uñt'apkänti. Ukatsti uka markan yaqha diosanakar yupaychapxäta, lawata, qalat lurat diosanakaru.

Deuteronomio 29:28

28 (27) Ukatsti jupanakarux taqi q'apisiñapampiw markapat jaqunuku, yaqha markanakar khithanukusa, jichhürun uñjasipki ukhama’ sasa.