Jeremías 16:11 - Qullan Arunaka DC

¹¹ Jumasti jupanakarux sarakim: ‘Tatitux siwa: Jumanakan nayra awkinakaman nayar apanukusin yaqha diosanakar killt'asis yupaychapxatapat taqi akanakax juti; nayarusti apanukupxitänwa, janirakiw kuntix nayax jupanakar siskäyäta ukanak phuqhapkänti.

Aymar Bibliia 1986

¹¹ Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.

Qullan Arunaca

¹¹ Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.

Jeremías 16:11 Jak'a apnaqawi uñst'ayäwi

1 Reyes 9:9

Ukxaruw jupar sapxani: ‘Tatit Diosaparuw jaytanukupxi, khititix nayra awkinakaparu Egiptot apsunkäna ukaru, ukatsti jupanakax yaqha diosanakaru yupaychañataki, ukanakaru luqtañatakiw katuyasipxäna; ukat Diosax aka jach'a jan walt'añanak jupanakxar apayani’ ” sasa.

2 Crónicas 7:22

Ukatsti juparux sapxaniwa: ‘Aka jaqinakax Egiptot irpsunkäna uka nayra awkinakapan Tatit Diosaparuw apanukupxi, jupanakax yaqha diosanakaruw yupaychapxi, luqtapxaraki; ukat jupanakxarux uka jan walt'añanakax juti’ ” sasa.

Jeremías 13:22

Ukattix jiskt'asisma, ¿kunas kamachitu? sasa, jumax yatiñamawa, uka jach'a juchanak luratamat taqi ukanakax ukham lurasiski; ¡ukat jichhax q'alalsuyapxtam, warmt'asisaw p'inqachjapxaraktam!

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 22:9

Ukxarusti arusxatapxarakiniwa: ‘Jupanakax kuntix Tatitu Diosapax mä arust'äwi jupanakampi lurkäna uka apanukupxatayna, ukatsti yaqha diosanakaruw killisis yupaychapxarakitayna, ukat ukham uka markarux luri’ ” sasa.

Jeremías 44:3

kunayman ñanqhanak lurapxatanakap layku. Yaqha diosanakar killt'asisa, ukanakar inciensonaka luqtasisaw nayarux ñanqhachapxitu; uka diosanakampisti jumanakasa, nayra awkinakamas janiw kuna lurañanakamas utjkänti.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Jeremías 9:14

14 (13) Chuymanakapan jan wali amtatanakaparuw arkapxäna, ukatsti k'ari diosanakaruw yupaychapxarakïna, kunjämtix awkinakapax yatichkatayna ukhama.

Lamentaciones 5:7

Nayra awkinakaxaw juch lurapxäna, ukampis nanakaruw ukanakat Tatitux mutuyapxitu.

Ezequiel 11:21

Ukampis khitinakatix uka axtaskañ luräwinakar chuyma churat jakapxani ukanakarusti, luräwinakapatjam wayt'arakï. Naya, Tatituw uk arsta’ ” sasa.

Amós 2:4

Tatitux akham siwa: “Judá markankir jaqinakax walja ñanqhanak lurapxi, ukat jupanakarux mutuyarakï; Tatitun yatichäwinakap janiw katuqapkiti, janirakiw kamachinakaparus phuqhapkiti, jan ukasti kawkïr yaqha diosanakarutix awkinakapax yupaychapkän ukanakaruw yupaychapxi.

Malaquías 3:7

Jumanakax awkinakamjamarakiw nayan kamachi arunakaxat saranukupxtaxa, janiw kamachinak phuqhañ munapkaraktati. Naya, taqi ch'aman Tatituw sapxsma: ¡Nayar kuttanxapxam, nayasti jumanakar kuttanxarakïwa! Ukampis jumanakax sapxtawa: ‘¿Kunatsa nanakasti jumar kuttanipxäma?’ sasa.

1 Pedro 4:3

Jumanakasti kunjämtix Tatitur jan uñt'ir jaqinakax lurapki ukanak lurapxäyätaxa, jan walinak lurasa, jan walinak amtasa, manq'äwinak wakichasa, machantasisa, k'ari diosanakar yupaychasa.

Jueces 2:11

Israelitanakan luräwinakapax Tatit nayraqatan janiw walïkänti, jupanakax Baal diosan kunayman uñtasitanakaparuw yupaychañ qalltapxäna.