Jeremías 16:10 - Qullan Arunaka DC

¹⁰ “Kunapachatix aka arunak jaqinakar yatiykäta ukapachasti, jiskt'apxarakïtamwa: ‘¿Kunatsa Tatitux nanakatak uka jan walt'añ apayani? ¿Kuna jan walsa lurapxtxa? ¿Kuna juchsa Dios Tatitu nayraqatan lurapxtxa?’ sasa.

Aymar Bibliia 1986

¹⁰ “Cunapachatejj aca arunaca jakenacar yatiyäta ucapachasti jisct'apjjaraquïtamwa: ‘¿Cunatsa Tatitojj nanacataqui uca jach'a jan walt'aña apayani? ¿Cuna jan walsa lurapjjtjja? ¿Cuna juchsa lurapjjtjja Dios Tatitu nayrakatanjja?’ sasa.

Qullan Arunaca

¹⁰ “Cunapachatejj aca arunaca jakenacar yatiyäta ucapachasti jisct'apjjaraquïtamwa: ‘¿Cunatsa Tatitojj nanacataqui uca jach'a jan walt'aña apayani? ¿Cuna jan walsa lurapjjtjja? ¿Cuna juchsa lurapjjtjja Dios Tatitu nayrakatanjja?’ sasa.

Jeremías 16:10 Jak'a apnaqawi uñst'ayäwi

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 13:22

Ukattix jiskt'asisma, ¿kunas kamachitu? sasa, jumax yatiñamawa, uka jach'a juchanak luratamat taqi ukanakax ukham lurasiski; ¡ukat jichhax q'alalsuyapxtam, warmt'asisaw p'inqachjapxaraktam!

Jeremías 2:23

¿Kunjämarak sätasti: ‘Janiw nayax q'añucht'askti, janiw k'ari diosanakarus yupaychkaraktti’ sasasti? Amuyasim kunjämänsa Ben-hinom sat qhirwan sarnaqatamaxa, jan wali luratanakamax luratanakamapunïnwa, qachu camellor uñtata, urqu camellon qhipap kawksarus jalakiraktawa;

Jeremías 2:35

Ukampis saskaktawa: ‘Nayax janiw kuna juchanïktsa, Diosax janiw nayatakix phiñasitäkxiti’ sasa. Jichhax walikiwa, niyakixay ‘Janiw juchanïkti’ sistaxa, ukhamax mä taripäwiruw mantañäni.

Jeremías 44:3

kunayman ñanqhanak lurapxatanakap layku. Yaqha diosanakar killt'asisa, ukanakar inciensonaka luqtasisaw nayarux ñanqhachapxitu; uka diosanakampisti jumanakasa, nayra awkinakamas janiw kuna lurañanakamas utjkänti.

Jeremías 5:19

‘¿Kunatarak Tatitu Diosasasti taqi akanak luristusti?’ sasa, ukxat jiskt'apkätam ukapachasti: jumax jupanakar sarakïtawa: ‘Kunjämatix jumanakax Tatitur apanukusin yaqha diosanakar aka pachpa uraqipan yupaychapxtaxa, ukhamarakiw jichhax jaya jaqin uraqipan yaqha markankir jaqinakar luqtas t'aqhisipxäta’ sasa.

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Oseas 12:8

8 (9) Israelitanakasti sarakiwa: ‘¡Jïsa, qamiriw tukta, taqi kun jikxatt'asirakta; ukampis janiw khitis jalaqtanak uñjataxat juchañchkitaspati, lunthatasiñampi jikxatatäkchi ukasa!’