Jeremías 15:8 - Qullan Arunaka DC

⁸ Jupanak taypinsti ijma warminakxa, quta ch'allanakat sipansa juk'ampi waljan jaytarakta. Chika urpachaw jiwañ puriyanirakta, wayna yuqanakani warminakxarusa, akatjamat llakisiñampi axsarañampi puriyanirakta.

Aymar Bibliia 1986

⁸ Jupanac taypinsti ijma warminacjja, kotalac ch'allanacat sipansa juc'ampi jila jaytaractjja. Chica urpachaw jiwañsa puriyaniractjja, jach'a wawanacani warminacjjarusa, acatjamatwa jupanacjjarojj llaquisiñampi ajjsarañampi puriyaniracta.

Qullan Arunaca

⁸ Jupanac taypinsti ijma warminacjja, kotalac ch'allanacat sipansa juc'ampi jila jaytaractjja. Chica urpachaw jiwañsa puriyaniractjja, jach'a wawanacani warminacjjarusa, acatjamatwa jupanacjjarojj llaquisiñampi ajjsarañampi puriyaniracta.

Jeremías 15:8 Jak'a apnaqawi uñst'ayäwi

Isaías 3:25

Tatitusti saskakiwa: Jerusalén markankir nuwasirinakaxa, ch'axwañan nuwaskasin jiwarapxani.

Isaías 3:26

Jaqinakasti llakisiñat wal jachapxani, llakisiñ ch'iyar isinakampiw isthapisipxani, markasti q'ala apanukutarakïniwa.

Isaías 4:1

Uka urunsti mä juk'a chachanakakiw qhiparxani, mä chachatsa paqallqu warminakaw waykasipxani, warminakasti uka chachanakarux sapxaniwa: “Nanakasti janiw juman uywatäñ munapkäti, nanakpachaw qullqinakaxampi isinak alasisax isisisipkä, jan p'inqachatäñatakikiwa, jumampi jaqichasiñ munapxta” sasa.

Jeremías 16:3

Naya, Tatituw yatiyäma kunäkanitix aka markan yurir wawanakatakixa, awkinakatakisa ukanaka.

Jeremías 18:21

¡Jichhasti, wawanakap manq'atjam jiwarayam, jan ukax espadampi jiwarayatäpxpan; warminakapasti ijma, jan wawan qhiparapxpan! ¡Chachanakapasti usunakampi jiwarapxpan, waynanakasti nuwasïwin jiwarapxarakpan!

Jeremías 22:7

Jumatakisti mä jach'a ejército khithanï, jupanakaw jumarux tukjapxätam. Cedrot lurat suma pilaranakamsa q'al khuchhunukupxani, ninaruw phichhantapxarakini.

Jeremías 4:16

“Markanakaru, Jerusalén markarusa yatiyapxam, uñisirinakax mä jaya markat jutantapxi, nuwasiñatak arnaqt'asisaw jutantapxi, Judá uraqinkir markanakar t'unjiriw jutantapxi.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Jeremías 6:26

¡Markaxay, jichhax chhankha isinakampi isthapisim ukhamat t'aqhisitam uñacht'ayañataki; qhillar sunt'intam, llaki isinakampi isthapisim, ukatsti wal jacharakim, kunapachatix mä sapa yuqall wawax jiwki ukhama; jiwasar t'unjiristi jank'akiw jutantani!

Lamentaciones 5:3

Jan awkini wajchaw qhiparapxta; taykanakaxasti ijma warminakaw qhiparxapxi.

Ezequiel 22:25

marka apnaqirinakamasa leonanakjamaw jaqinakarux manq'antapxi; pachpa uraqipan katutanakaparus warart'asisa wikhanuqapxi, taqi imasitanakapsa, qamir yänakapsa q'al lunthatjapxi, walja warminakaruw ijma uñjasiyapxaraki.

Oseas 4:5

Jumax urpachaw aynacht'äta, arumarusti, jumamp chikaw profetax aynacht'ani; taykamarus t'unjarakïwa.