Jeremías 15:6 - Qullan Arunaka DC

⁶ Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Aymar Bibliia 1986

⁶ Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Qullan Arunaca

⁶ Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Jeremías 15:6 Jak'a apnaqawi uñst'ayäwi

Isaías 1:4

¡Ay, jucharar jaqinaka, ñanqhampi phuqhantat marka, ñanqhanak lurir jaqinakat saraqirinaka, jan ist'asiri ñanqha wawanaka! Tatitut jayarst'atäpxtawa, Israelan Qullan Diosaparux apanukuwayapxtawa, qhiparuw kutt'awayxapxta.

Isaías 28:13

Ukatpï Tatitux jisk'a wawanakarjam parlxayapxätamxa, jichhas ullañ qillqañ yatiqasipkasma ukhama. Wawanakjamaw sarnaqañ yatiqapxäta, jikhanïxat liwisisaw usuchjasipxäta, janirakiw ukat sarthapirjamäpkätati.

Isaías 31:3

Egipcionakax aliq jaqinakakïpxiwa, janiw jupanakax diosanakäpkiti, caballonakapax janchikiwa, janiw wiñay jakirinakäpkiti. Tatitux egipcionakarux mutuyaniwa, khitinakarutix yanap mayipkani ukanakarus mutuyarakiniwa, taqiniw tukusipxani.

Jeremías 1:16

Ukham mutuyañatakiw nayax arsta, khitinakatix nayar apanukusina, jupanakpachan lurasita yaqha diosanakar inciensonaka luqtasipxi, killisipxaraki uka jucharar markatakixa.

Jeremías 13:14

Ukatsti sañunakjam p'akirpayä, maynix maynimpi, awkix yuqapampi ukham jupanakkam tukjasipxani. Janiw jupanakat khuyapt'ayaskäti, jan ukasti, q'alpun t'unjä. Naya, Tatituw uk arsta’ ” sasa.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:17

Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 20:9

Nayatix siristxa: “Janiw juk'ampi Tatitut amtkxäti, janirakiw jupan sutipatsa parlkxäti” sasa, ukapachasti arunakamax chuymaxan ninjamaw nakhantitu, ch'akhanakaxamppach nakhantitu. Janiw arunakam parlkxäti sistwa, ukampis janiw amukt'añjamäkiti.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 6:11

Tatay, phiñasiñaman phuqhantatätwa; janiw juk'ampi kunsa lurirjamäkxti” sasa. Tatitusti sarakituwa: “Uka phiñasiñam waynanakxar warxatam, tam tama sarnaqki uka waynanakxaru. Chachanakarux warminakapamppach katuntasin apapxani, ukhamaraki sinti chuymani jaqinakarusa.

Jeremías 6:12

Utanakapasa, uraqinakapasa, warminakapasa yaqhankxaniwa. Nayaw amparax aytä, aka markan utjirinakar mutuyañataki. Naya, Tatituw uk arsta.

Jeremías 6:19

Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Jeremías 7:16

“Jichhasti Jeremías, sum ist'ita: aka markatakix jan nayar achikt'istati. Jan ist'asis achikt'askakitäta ukkhasti, janiw nayax ist'kämati.

Jeremías 7:24

Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Jeremías 8:9

Ukampis uka yatiñan jaqinakax p'inqachjatäpxaniwa, jan mayan tukjatäpxarakiniwa. Jupanakax janipuniw kuna yatiñanïpkisa, nayan arunakaxsa janiw ist'añ munapkiti.

Ezequiel 14:9

“Mä profetatix k'ari yatiyäwinak churanixa, nayaw uka profetar ukham yatiyañapatak lurtxa, ukampis uka profetarux mutuyasin Israel markaxat chhaqtayarakï.

Ezequiel 25:7

Ukatpï jichhax jumanakarux mutuyapxämaxa, yaqha markanakaruw katuyapxäma, ukhamat jupanakan taqi yänakam aparañapataki. Jumanakarux q'al tukjapxäma, markanak taypitsa chhaqtayapxarakïmawa. Ukapachaw jumanakax nayan Tatitütax yatipxäta.’

Ezequiel 35:3

“ ‘Tatitux akham siwa: ¡Nayax jumanakan uñisirimaw sayt'ta, Edom uraqin jakir jaqinaka! ¡Luratanakamarjamaw mutuyapxäma! ¡Uraqinakamsti ch'usa wasararuw tukuyarakï!

Oseas 11:7

Ukhampachas markaxax nayat jayankañ munaskakiwa; diosanakarus art'asisipkakiwa, ukampis janiw khitis jupanakar yanapt'irix utjkiti.

Oseas 13:14

¿Ukatti jichhasti jiwañat qhispiyapxämasti? ¡Ukampis janiw khuyapayasiñ uñacht'aykxämati! Jiwa, ¡Jach'a ch'amamampi aka markar t'unjir jutam!”

Oseas 4:16

Israelitanakax uri vaca qallur uñtataw nayat jayarst'itu; ukhamasti, ¿Tatitux suma chhuxllanakaru, oveja qallunakäpkaspas ukham awatiskakispati?

Sofonías 1:4

“Judá markaruw mutuyä, Jerusalén markankirinakarux mutuyarakïwa. Nayaw, akawjan utjir jaqin lurata Baal diosat jilt'irinak q'al chhaqtayä, sacerdotenakapan sutinakapsa taqpach chhaqtayarakï.

Zacarías 7:11

Ukampis markax janiw kun ist'añsa munkiti. Taqiniw kutiqtawayxapxi, uqaraw tukupxaraki.