Jeremías 15:21 - Qullan Arunaka DC

²¹ Ñanqha jaqinakan amparapat antutayäma, ¡qhuru jaqinakan amparapat qhispiyarakïma!”

Aymar Bibliia 1986

²¹ Ñankha jakenacan amparapatjja khespiyämawa, ¡Khoru jakenacan amparapatsa khespiyaraquïmawa!”

Qullan Arunaca

²¹ Ñankha jakenacan amparapatjja khespiyämawa, ¡Khoru jakenacan amparapatsa khespiyaraquïmawa!”

Jeremías 15:21 Jak'a apnaqawi uñst'ayäwi

Génesis 48:16

Jupaw angelapar khithanirakitu walja ñanqhanakat nayar imiri. Jupay aka pä wawarux aski waxt'äwinak churpan. Sutixasti jupanak tuqi amtatäpan, Abraham achachilaxan sutipasa, Isaac awkixan sutipasa. Jupanakasti walja wawanakanïpxpan, aka uraqinsti waljanirurak tukupxpan” sasa.

Salmos 27:2

Ñanqha lurir jaqinakasa, uñisirinakaxasa, nayar chhukxatasin jiwayañatakiw mayacht'asipxi; ukampis jupanakakiw lanqtasxapxi, tinkxapxaraki.

Salmos 37:40

Tatituw jupanakar qhispiñ yanapi, qhuru jaqinakan amparapat jaltayi, qhispiyaraki, jupar taqpach chuymamp thaqhapxatap layku.

Salmos 97:10

Tatitux ñanqhar uñisir jaqinakarux munasiwa; aski arkirinakapan jakañaparux imiwa; ñanqha lurir jaqinakan amparapat qhispiyaraki.

Isaías 29:20

Ñanqha jaqinakasti tukusxapxaniwa, jach'a jach'a tukur jaqinakas jiwarapxaniwa, ñanqha lurañ amtir jaqinakas tukusxapxaniwa,

Isaías 29:5

Ukampisa, akatjamatak taqi ch'aman Tatitux uñisirinakamar mutuyani, q'ixu q'ixunakampi, uraq khathatiñanakampi, jach'a ch'axwañanakampi, jach'a t'aqhisiñanakampi, jach'a thayampi, ninampi nakhantayañanakampiw mutuyani. Uka walja uñisirinakamasti q'ala tukjataw uñjasipxani, jichhu t'unar uñtat apatäpxaniwa.

Isaías 49:26

Jumar t'aqhisiyirinakarusti, pachpa janchip manq'asiyä, pachpa wilapampiw vinompjam macharapxani. Ukhamat taqi jaqinakax yatipxani naya sapaki Tatit Diosätaxa, nayätwa taqi ch'aman Tatituxa, Israel markar qhispiyirixa.”

Isaías 54:17

ukampis jumar tukjañatakix janiw khitis nuwasiñ yänak lurkiti. Jumar juchañchapkätam ukanakarux amukt'ayätawa. Nayar arkapkitu ukanakarusti atipt'añ churta”. Tatituw ukham arsu.

Isaías 60:16

Markanakasti suma manq'anakap churapxätam, reyinakasti qamir kankañanakap apanipxani; ukapachaw jumanakax yatipxäta naya, ch'amani Tatitun Israel markar qhispiyirïtaxa.

Jeremías 16:1

Tatitux nayaruw parlxayitu, ukatsti sarakituwa:

Jeremías 20:13

Tatitur q'uchupxam, Tatitur yupaychapxam, jupaw llakitarux ñanqha jaqinakan amparapat qhispiyi.

Jeremías 26:24

Ukampisa, Safán jaqina Ahicam sat yuqapaw Jeremías profetat arxatasis parläna, Jeremiasax markan amparapan jan jiwayat uñjasiñapataki.

Jeremías 31:11

Tatituw israelitanakarux qhispiyi; mä jach'a ch'aman markat qhispiyaniraki.

Jeremías 38:28

Jeremiasasti, Jerusalén markax katuntatäkän ukkhakamaw uñjirinakan uta anqapan katuntat qhipararakïna.

Jeremías 39:11

Babiloniankir Nabucodonosor reyix Nebuzaradán sata uñjirinakan jilïriparux akham arunak Jeremías tuqit churarakïna:

Jeremías 39:12

“Jeremiasarux juma kipka uñjam, janirak kuna ñanqhsa luramti, jan ukasti taqi kuntix maykätam uk churam” sasa.

Jeremías 50:34

Ukampis qhispiyiripax jach'a ch'amaniwa, sutipasti “Taqi Ch'amani Tatitu” satarakiwa. Jupaw taqi kunsa chiqapar uñjani; markarusti sumankañ apanini, ukampis Babiloniankir jaqinakatakix jach'a axsarkañanak apanirakini” sasa.

Daniel (hebreo) 3:17

Nanakan Diosaxasti, khitirutix nanakax yupaychapkta ukaxa, uka aqkiri ninatsa jark'aqasipkakitaniwa, kuna jan walinaktix juma reyix lurañ munapkista ukanakat qhispiyapxitaniwa.

Daniel (hebreo) 3:25

Reyisti sarakïnwa: —Nayax pusi jaqinak jararat uñjta, jupanakasti nina taypin sarnaqasipki, ninasti janirakiw jupanakarux kuns kamachkiti, jupanakat pusïri waynäki ukasti mä angelar uñtatawa —sasa.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Romanos 16:20

sumankayir Diosax jank'akiw supayar atipjasin kayunakamamp takxatayani. Tatit Jesusax jumanakar munasiñap churpan.

2 Corintios 1:10

Diosaw qhispiyapxitu, akat qhiparus axsarkañ jiwañat qhispiyasipkakitaniwa,