Jeremías 15:18 - Qullan Arunaka DC

¹⁸ ¿Kunatsa t'aqhisiñaxax jan tukusi? ¿Kunatsa chhuxrinakaxas jan waliptirjamäki, taqi qullanakampis jan qullkayäki? Nayatakix mä chhaqtir umar uñtataw tuktaxa.

Aymar Bibliia 1986

¹⁸ ¿Cunatsa t'akhesiñajjajj jan tucusi? ¿Cunatsa chhojjrinacajjas jan kollañjamäqui, take kollanacampis janirac kollasquiti? Nayataquejj maysa uñtjjtajja, chhaktir umar uñtataraquiw tuctajja.

Qullan Arunaca

¹⁸ ¿Cunatsa t'akhesiñajjajj jan tucusi? ¿Cunatsa chhojjrinacajjas jan kollañjamäqui, take kollanacampis janirac kollasquiti? Nayataquejj maysa uñtjjtajja, chhaktir umar uñtataraquiw tuctajja.

Jeremías 15:18 Jak'a apnaqawi uñst'ayäwi

Job 14:11

Jach'a qutan umapas wañsuwayxakispawa, jawiranakas wañantawayxakispawa,

Job 34:6

nayax aski jaqïtwa, ukampis k'arisir jaqjamätwa; janiw kuna juchsa lurkti, ukampis Diosax walpun janchixar chhuxriñchjitu” sasa.

Salmos 6:3

3 (4) ¡Axsarañat inakiw khathatiskta! Tatay, jumasti ¿kunapacharak jutätasti?

Jeremías 14:19

Tatay, ¿Judá markarux q'alpunti apanukxta? ¿Jerusalén markampisa qaritäxaraktati? ¿Kunatarak ukham jan qullkañ chhuxriñchjapxistasti? Nanakax sum sarnaqañ suyt'asipkäyäta, ukampis jan walt'añakiw purinirapipxitu. K'umar sarnaqasiñ suyt'apxäyäta, ukampis jichhax axsarañakiw utjxi.

Jeremías 14:3

Qamirinakax uywatanakaparuw um aptir khithapxi; uywatanakasti uma phujunakaruw sarapxi, ukampis janiw um jikxatapkiti, ch'usa wakullanak apt'atakiw kutt'anxapxi; mayjt'ata, p'inqachjataw p'iqinakapsa imxatasipxi.

Jeremías 20:18

¿Kunatarak nayasti taykaxan purakapat mistpachätsti, t'aqhisiñanaka, llakisiñanak uñjañataki, jakañaxasa mä p'inqa tukuyatäñapatakisti?

Jeremías 20:7

Tatay, nayarux suma arunakampiw jawsista, nayasti jawsatamarux iyawstwa. Jumax nayat sipansa juk'ampi ch'amanïtawa, ukat nayarux iyawsayista. Jichhax nayat kunapachas larusisipkakiwa; taqiniw nayat phiskasipxitu.

Jeremías 30:12

Tatitux siwa: “Chhuxrimax jan qullkayawa, usumatakix janiw qullax utjkiti.

Jeremías 30:15

¿Kunatarak uka chhuxrinakamat ayqtasti? Usuyasitamax jan qullkayawa. Walja jach'a juchanak luratamat ukham mutuysma.

Miqueas 1:14

Moréset-gat chiqatsti jan mayampitak sarxapxam. Aczib markasti Israel markan reyinakapatakix mä sipitjamäniwa.

Miqueas 1:9

Samarian chhuxripasti jan qullkayawa: Judá markakama, Jerusalén markakamaw puri, kawkhantix markaxax jakki ukakama.