Jeremías 14:21 - Qullan Arunaka DC

²¹ ¡Sutiman jach'ätap laykukisay nanakat khuyapt'ayasipxita; kawkha markankkitix suma k'ajkir qunuñamaxa, uka markarux janikiy jisk'achañampi uñjamti! ¡Kuna arust'äwtix jumax nanakampi lurkta uk amtt'asikimaya, janikiy uka arust'äwir phuqhañ armt'asimti!

Aymar Bibliia 1986

²¹ ¡Sutiman jach'ätap laycuquisaya, nanacatjja qhuyapt'ayasipjjeta, cawqhancquitejj suma c'ajquiri konuñamajja, uca marcarusti janiquiy jisc'achañampi uñjamti! ¡Cuna arust'äwtejj jumajj nanacampi lurcta ucjja amtasimaya, uca arust'äwsti janiquiy armaraquimti!

Qullan Arunaca

²¹ ¡Sutiman jach'ätap laycuquisaya, nanacatjja qhuyapt'ayasipjjeta, cawqhancquitejj suma c'ajquiri konuñamajja, uca marcarusti janiquiy jisc'achañampi uñjamti! ¡Cuna arust'äwtejj jumajj nanacampi lurcta ucjja amtasimaya, uca arust'äwsti janiquiy armaraquimti!

Jeremías 14:21 Jak'a apnaqawi uñst'ayäwi

Salmos 106:40

Tatitux markapatakiw q'apisïna, jupankirinakarux uñisïnwa;

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Salmos 145:11

¡Aytat qullan sarayäwimat yatiyapxpan! ¡Jach'a luräwinakamat parlapxpan!

Salmos 25:11

Tatay, juchanakaxax waljapuniwa; sutiman jach'ätap laykuy pampacht'ita.

Salmos 51:11

11 (13) Nayraqatamat jan apanukusistati, janirak qullan ajayumsa irpaqasistati;

Éxodo 32:13

Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Isaías 62:6

Jerusalén, pirqanakamarusti uñjirinak uchta, jupanakasti uruy arumaw sapxi: “Tatitur yupaychirinakax jan amukt'apxamti,

Jeremías 14:19

Tatay, ¿Judá markarux q'alpunti apanukxta? ¿Jerusalén markampisa qaritäxaraktati? ¿Kunatarak ukham jan qullkañ chhuxriñchjapxistasti? Nanakax sum sarnaqañ suyt'asipkäyäta, ukampis jan walt'añakiw purinirapipxitu. K'umar sarnaqasiñ suyt'apxäyäta, ukampis jichhax axsarañakiw utjxi.

Jeremías 14:7

¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Jeremías 17:12

Jiwasan templosax qullan qunuñawa, qalltatpach wali jach'ar aptata.

Jeremías 3:17

Ukapachasti Jerusalén markax Tatitun qunuñapa satäniwa; taqi markanakaw ukan tantacht'asipxani, ukatsti nayaruw jach'añchapxitani, janirakiw chuymanakapan jan wali amtatanakapar arkxapxaniti.

Lamentaciones 1:10

Uñisirinakaw Jerusalén markan suma yänakap katuntasxi. Markasti, Diosar jan uñt'ir jaqinakan Tatitun utapar ch'amampi mantir uñjaraki, ¡kawkïr jaqinakarutix jumax: “Janiw nayan utaxar mantapxätati” siskta ukanakaw mantapxi!

Lamentaciones 2:20

Uñjam Tatay, amuyt'amaya, janipuniw khitirus nanakarjamax t'aqhisiyktati. ¿Taykanakan ñuñuskir wawanakapar manq'antasiñapax wakisipunpachati? ¿Sacerdotenakana, profetanakan qullan utaman jiwarayatäñapax wakisipunpachati?

Ezequiel 20:22

ukampis sutixan jach'ätap laykuw uk jan lurkti, ukhamat yaqha markanak nayraqatan jan jisk'achat uñjasiskañaxataki, uka markanakasti Israel markar Egiptot irpsunir uñjapxarakitänwa.

Ezequiel 24:21

‘Israel markar parlam: Tatitux akham siwa: Nayasti qullan utaxa q'al tukjä, kawkïrtix wal munapkta, muspharañampi uñch'ukt'apxarakta, uka utaxat jach'a jach'as tukupkarakta uka uta; Jerusalén markar jaytanipkta uka yuqall wawanakamasa, imill wawanakamasa jiwarayatäpxaniwa.

Ezequiel 39:25

“Ukatpï jichhax naya, Tatitux sistxa: Jichhax taqi Israel markpachat khuyapt'ayasï, Jacobun taqi wawanakapata. Israelan sarnaqäwipax sumar tukutäxaniwa, ukhamat nayan qullan sutixax suman uñjatäñapatak wayt'arakï.

Ezequiel 43:7

akham sasa: “Aka chiqax nayan qunuñaxawa, kayunakaxan takt'asiñapawa; aka chiqan nayax israelitanak taypin wiñayatak jakarakï. Janipuniw jupanakasa, reyinakapasa nayan qullan sutix juk'ampi jisk'achaykxapxaniti, jan taqi chuyma arkatanakapampi, jiwat reyinakapar yupaychatanakapampi.

Daniel (hebreo) 9:7

Jumax Tatay, chiqapapunïtawa, jichhürusti nanak judionakax wali p'inqa tukupxta; Jerusalén markan jakirinaka, taqpach Israel markankirinaka, jak'ankirinaka, jayankirinaka; kawkha markanakarutix jumax, jumataki sayt'asipxatap layku ananukkta ukan jakirinaka.

Levítico 26:11

“Nayaw jumanak taypin jakä, janirakiw jumanakarux apanukupkämati;

Amós 6:8

Taqi ch'amani Tatit Diosaw qhanpach arsu akham sasa: “Jacobun markapan jach'a jach'a tukutap uñistwa, reyi utanakapsa uñistwa; marksti uñisirinakaparuw katxaruyä, kunatix ukan utjki ukanakamppach katxaruyäxa.”

Lucas 1:72

nayra awkinakasat khuyapayasisa, janirakiw qullan arsutanakapat armt'askaniti.

Lucas 21:24

Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Efesios 2:7

Aksti jutir urunakan jupan munasiñapa, khuyapayasiñap uñacht'ayañatakiw luri, jiwasatak Cristo Jesús layku utjatapata.

Deuteronomio 32:19

Ukham uñjasin Diosax q'apisïna, ukat yuqall wawaparu, imill wawaparus apanuküna.

Apocalipsis 11:2

Ukampis uta anqäxäkis ukxa janiw tupt'kätati, ukasti jan judiöpkis uka jaqinakar katuyatäxiwa, uka jaqinakasti pusi tunka payan phaxsiw Jerusalén qullan marka apnaqapxani.

1 Samuel 12:22

Tatitusti sutipan sinti jach'ätap laykux janiw apanukupkätamti, jupasti jumanakarux markapa tukuyasiñ munapxtam.