Jeremías 14:18 - Qullan Arunaka DC

¹⁸ Pamparuw mistta, ukansti nuwasïwin jiwaririnakan janchipak uñjta, markaruw mantanta, ukansti manq'atjam jiwaraskir jaqinakarukiw uñjarakta. Profetanakasa sacerdotenakasa, jan uñt'at jaya markanakaruw sarxapxaraki.’ ”

Aymar Bibliia 1986

¹⁸ Pamparuw mistta, ucansti guerran jiwaririnacan janchinacapaqui uñjaracta, marcaruw mantanta, ucansti mank'atjama jiwarasquiri jakenacacracwa uñjta. Profetanacasa sacerdotenacasa, jan uñt'ata jaya marcanacaruraquiw sarjjapjje.’ ”

Qullan Arunaca

¹⁸ Pamparuw mistta, ucansti guerran jiwaririnacan janchinacapaqui uñjaracta, marcaruw mantanta, ucansti mank'atjama jiwarasquiri jakenacacracwa uñjta. Profetanacasa sacerdotenacasa, jan uñt'ata jaya marcanacaruraquiw sarjjapjje.’ ”

Jeremías 14:18 Jak'a apnaqawi uñst'ayäwi

Isaías 22:2

Markasti ch'axwañampi, uxuñanakampi phuqhantatawa, aka markax kusist'añak munaski. Juman jiwirinakamax janiw espadampi jiwayatäpkiti, janirakiw nuwasïwinsa jiwapkiti;

Isaías 28:7

Profetanakasa, sacerdotenakasa, vino umantasaw uksar aksar liwinaqtas sarnaqapxi. Tatitun unañchäwi arunakap katuqañatakix vinompi q'ala machjatäpxiwa, jan walt'añanak taripañatakis machantatäpxiwa.

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 23:21

“Janiw nayax uka profetanakarux khithankti, janirakiw jupanakarux kuna arunaksa siskti, ukampis jupanakax nayan sutixar parlirix jalakamakiw misttawayapxi.

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Jeremías 6:25

¡Pampa tuqir jan mistupxamti, thakhinjamsa jan sarapxamti! ¡Uñisirisax wali wakichrantatawa, taqi chiqansa axsarañakiw utjaski!” sasa.

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.

Lamentaciones 1:20

¡Tatay, nayan t'aqhisitax uñtanimaya! ¡Chuymaxas phallañ munitu! Juchaxat amthapista ukapachaxa, llakisiñaw chuymaxar llupt'añ munitu. Khä anqanxa wawanakaxarux espadampiw jiwarayapxi, aka manqhansa jiwañakiw utjaraki.

Lamentaciones 2:19

Jerusalén, sartasim, arumanakas Tatitur arnaqasim; Tatitun nayraqatapan chuymamsa ch'allxtayasim, umar uñtat jalayarakim; amparanakam luqtas Tatitut mayt'asim, wawanakaman jakañapatakis jupat achikt'asim, uka wawanakamasti marka thakhinakan manq'atjam jiwaraski.

Lamentaciones 4:9

Taqiniw juk'ata juk'at manq'atjam jiwarxapxi. ¡Mä ch'axwäwin jiwañax askïspawa manq'atjam jiwañat sipana!

Ezequiel 7:15

Marka anqäxan qhiparirinakasti, nuwasïwin jiwarapxani, marka manqhan qhiparirinakasti manq'atjama, kunayman usunakampiw jiwarapxarakini.

Amós 4:6

“Nayaw jumanakar taqi markanakaman manq'at awtjayapxsma; nayaw taqi chiqanakan jaqinakatak manq'añ pist'ayta, ¡ukampis jumanakax janiw nayan ukarux kuttanipktati!” Tatitux ukham siwa.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Deuteronomio 28:36

“Diosan munañapat jumasa, reyimasa katuntat uñjasini, ukatsti yaqha markar apataw uñjasipxäta, uka marksti janiw jumasa, awkinakamas uñt'apkänti. Ukatsti uka markan yaqha diosanakar yupaychapxäta, lawata, qalat lurat diosanakaru.

Deuteronomio 28:64

Diosax taqi markanakaruw mä thiyat mä thiykam ananukütam, ukansti yaqha diosanakaruw yupaychäta, lawata, qalat lurat diosanakaru, ukanaksti janiw jumasa, nayra awkinakamas uñt'känti.

2 Pedro 2:3

Uka k'ari yatichirinakan qullqir sinti munapxatap laykuxa, k'ari yatichäwinakampix jumanakat q'al taqi kunsa apsupxätam; ukampis Diosax nayratpach jupanakar juchañchxi, janirakiw mutuyäwit qhispipkaniti.