Jeremías 14:12 - Qullan Arunaka DC

¹² Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Aymar Bibliia 1986

¹² Kawkhas ayunasipcpan, janiw mayisitanacapjja ist'cäti; kawkhas naqhantayat grano ofrendanacapsa apasinipcpan, janiraquiw ucjja take chuymampi uñtcäti. Guerrampi, mach'ampi, cunayman casta usunacampiw ucanacjja tucjaraquï.”

Qullan Arunaca

¹² Kawkhas ayunasipcpan, janiw mayisitanacapjja ist'cäti; kawkhas naqhantayat grano ofrendanacapsa apasinipcpan, janiraquiw ucjja take chuymampi uñtcäti. Guerrampi, mach'ampi, cunayman casta usunacampiw ucanacjja tucjaraquï.”

Jeremías 14:12 Jak'a apnaqawi uñst'ayäwi

Job 27:9

Jupax jan walt'añanakan jikxataskani ukapachax, Diosax janiw achikt'asitanakap ist'kaniti.

Proverbios 1:28

“Uka urukiw jumanakax jawsapxitäta, ukampis nayax janiw ist'apkämati; thaqhapxitätawa, ukampis janiw jikxatapkitätati,

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Proverbios 21:27

Tatitux ñanqha jaqinakan waxt'äwinakap uñisi, jan wali amtäwinakamp luqtapxatap layku.

Proverbios 28:9

Diosan kamachipar jan ist'añ munir jaqirux, janiw jupan mayisitap Diosax ist'kaniti.

Isaías 58:3

ukatsti sapxarakiwa: ‘¿Kunatakirak ayunañänisti?, Tatitux janixay uñjkchitixa. ¿Kunatakirak ch'am tukuskañänisti?, jupax janixay amuykchitixa’ sasa. Ayunañ urunsti jumanakax aljasiñanakaruw uskusipxtaxa, irnaqirinakamatsa ch'am q'al thalsupxtaxa;

Jeremías 11:11

Uka laykuw jichhax mä jach'a jan walt'añ jupanakarux apayanï, uka jan walt'añatsti janiw kawksarus jaltapkaniti. Yanap mayisas arnaqasisipkpan, janiw nayax jupanakar ist'käti. Naya, Tatituw uk arsta.

Jeremías 11:14

Ukhamasti jumax Jeremías, jan nayarux aka markataki mayistati; jupanakarusti janiw ist'käti kunapachatix jan walt'añanak taypinkkasin yanap mayipkitani ukapachaxa.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 16:4

Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 21:6

Aka markankir taqi jaqinakarusti, uywanakarusa mä jach'a usumpiw jiwarayä.

Jeremías 24:10

Jupanakxarusti nuwasiñanakampi, mach'anakampi, kunayman usunakampi apayanï, ukhamat kawkïr uraqtix jupanakaru nayra awkinakaparusa churkta uka uraqit q'al chhaqtayarakï.”

Jeremías 32:24

“ ‘Jichhasti Babiloniankir soldadonakax Jerusalén markar nuwantañatakiw wal wakicht'asipxi; nuwasiñampi, mach'ampi, kunayman usunak laykuw markax uñisirinakan amparapar purini. Tatay, kunjämtix jumax yatiykta ukanakaw phuqhasiski.

Jeremías 6:20

¿Kunatakis jumanakax Sabá uraqit incienso apanirapipxista? ¿Kunatakirak jaya markanakat q'apkir alinak apanirapipxistasti? Janiw nayatakix uka luqtasitanakamax kuna askïkisa, janiw yaqha waxt'äwinakamas askïkarakiti.”

Jeremías 8:13

Tatitux siwa: “Markaxarux trigor uñtat yawinukü. Janiw uva yapun mä uvasa qhiparkaniti, janirakiw mä sapa higosa higo quqan qhiparkaniti. Pharsut laphinakakiw qhiparxani.”

Jeremías 9:16

16 (15) Ukatsti kawkïr markanaktix awkinakapasa, jupanakasa jan uñt'apki uka markanakaruw ananukurakï; espadas ayt'ataw jupanakar arknaqayä, taqinin jiwarañapkama.”

Ezequiel 14:19

“Nayatix uka markxaru kunayman usunak apayanirista, phiñasiñaxantix jaqinakarusa, uywanakarus jiwarayarakirista,

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Oseas 5:6

Ovejanakapampi, vacanakapampi kunaw nayarux luqtäwi churañatak thaqhir jutapxäta, ukampis janiw jikxatapkitätati. ¡Nayax jaytanukuwayapxämawa!

Amós 5:21

“Nayax jumanakan uruyañ urunakam uñistwa, janiw yäqkaraktsa, jach'a tantachasïwinakamas janiw kusisiykituti.

Miqueas 3:4

Tatitur arnaqasipkäta uka urusti, jupax janiw ist'apkätamti. Ñanqhanak lurapxatanakam laykuxa, jumanakatxa imantasxaniwa.

Zacarías 7:13

sarakïnwa: “Kunjämtix jupanakax nayan jawsatax jan ist'añ munapkitänxa, ukhamarakiw nayax jan ist'käti kunapachatix jupanakax art'asipkitani ukkhaxa.

Malaquías 1:10

Taqi ch'aman Tatitux siwa: “¡Walïspaw jumanakat kawkïrisa utaxan punkunakap jist'antaspa ukaxa, ukhamat jan inamayataki altaraxan ninapa aqtayasipkañamataki. Janiw jumanakatak chuymaxax utjkituti, janiw waxt'äwinakam katuqkarakïti.

Malaquías 2:13

Ukhamarus jumanakax janiw ukanakak lurapktati, jan ukasti jumanakan waxt'äwinakam Tatitux taqi chuymamp jan katuqxatap laykusti, jachañanakamampi, warariñanakamampiw Tatitun altarap phuqhantayapxtaxa.

Apocalipsis 6:8

Uñtasinsti mä q'illu caballo uñjarakta. Uka caballor lat'xatatäkän ukan sutipasti “Jiwaña” satänwa, jupan qhipapsti manqha pachan jilïripaw arkäna. Ukatsti panpachaniw munañanïñ kankañ katuqapxäna, akapach uraqin jaqinakar chikatan chikatapar jiwayañataki, nuwasiñanak tuqi, mach'anak tuqi, usunak tuqi, qhuru animalanak tuqi.