Jeremías 13:25 - Qullan Arunaka DC

²⁵ Israel, ukaw jichhax juman tukuyamaxa, ukarak nayat katuqañ muntaxa. Naya, Tatituw uk arsta. Nayatsti armasxistawa, k'ari diosanakaruw iyawsaraktaxa.

Aymar Bibliia 1986

²⁵ Ucaw jichhajj tucuyamajj, Israel, ucaraqui muntajj nayat catokañjja. Naya Tatituw ucjja arsta. Nayatsti armastawa, c'ari diosanacaruw iyawsaractajja.

Qullan Arunaca

²⁵ Ucaw jichhajj tucuyamajj, Israel, ucaraqui muntajj nayat catokañjja. Naya Tatituw ucjja arsta. Nayatsti armastawa, c'ari diosanacaruw iyawsaractajja.

Jeremías 13:25 Jak'a apnaqawi uñst'ayäwi

Job 20:29

Tatitux ukanak ñanqha lurir jaqitak wakichi; ukanakaw ñanqha lurir jaqirux suyt'askaraki.

Salmos 11:6

Tatitux ñanqha lurir jaqinakxarux nina sank'ampi, azufrempi jalluyanini, mä junt'u thayaw jupanakarux q'al tukjani. ¡Tatitux lurataparjamaw mutuyani!

Salmos 9:17

17 (18) Ñanqha lurir jaqinakampi, Tatitur jan uñt'irinakampi, jupat armasirinakampix jiwañ mik'ayan jiwarapxani.

Isaías 17:4

Uka urunxa Jacobun jach'achasiñap Samaria markax jan ch'amaniw uñjasini, qamir kankañapas chhaqtayatäniwa.

Isaías 28:15

Jumanakax sapxtawa: “Jiwañampix arust'astanwa, jiwatanakan utjäwipampis arust'asiraktanwa, kunapachatix uka jach'a jan walt'añax jutkani ukkhaxa jiwasanakarux janiw katuntkistaniti; k'arisiñanakxaruw imantastanxa, sallqjasiñanakxaruw imantasiraktanxa” sasa.

Isaías 34:17

Sapaqat mayniruw utjäwip uñacht'ayi, amparapampiw utjäwip uñacht'ayi, wiñayatakiw ukan jakapxarakini.

Isaías 65:7

Uka markarux kunayman ñanqha juchanak luratapat mutuyä. Nayarux walpun chuyma ust'ayitu, jach'a qullunakana, jisk'a qullunakana k'ari diosanakar incienso q'uphichapxatapata. Ukat kunjämtix wakiski mutuyañax ukham mutuyarakï.” Kuntix arskta uk phuqhapunïwa.

Jeremías 10:14

Taqi jaqinakas pisi chuymäpxiwa, jan amuyt'asirïpxiwa. Uka diosanakasti luririnakapatakix mä p'inqawa: sallqjañatak diosanakakiwa, janirakiw jakañanïpkisa;

Jeremías 18:15

Ukampis markaxax nayar armituwa, ukatsti k'ari diosanakaruw inciensonak luqtasipki. Nayra thakhipatsti yaqha thakhiruw saranukupxi, jan uñt'at thakhinjam sarapxaraki.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:32

¿Mä warmix armasispati kunanakampitix jaqichasïwipan k'achachatäkän ukanakatxa? Ukampis jumanaka, nayan markaxax jaya pachaw nayat armasxapxista.

Jeremías 3:21

“Arunakaw wasar qullu tuqinakan ist'asi: ¡ukanakasti israelitanakan jachatanakapawa, khuyapayasiñ mayitanakapawa! Jupanakax chiqa thakhit saranukuwayapxi, naya, Tatitu Diosapatsti armasipxituwa.

Ezequiel 23:35

Ukatpï naya, Tatitux sistxa: “Jichhax nayar apanukutam layku, qhip uñtatam layku, jan wali sarnaqatanakamat mutuyäwi katuqäta” sasa.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Sofonías 3:2

Tatitun aruparux janiw ist'känti, chiqachäwi arunaksa janiw ist'añ munkänti, Diosaparus janiw katuyaskänti, juparus jak'achasiñ janiw munkarakïnti.

Mateo 24:51

juparusti kunjämatix k'ari chuymaninakar mutuyaski, uka kipka mutuyarakini. Ukapachaw jachani, laka ch'aksa t'urusirakini.

Romanos 1:25

Diosan chiqa kankañap lantix k'arisiñ thaqtapxäna, ukatsti kuntix Diosax lurkatayna ukanakaruw jach'achapxäna, yupaychapxarakïna, janiw kipka lurir Diosar jach'añchapkänti, jupaw wiñayatak jach'achatäñapa. Ukhamäpan.