Jeremías 13:14 - Qullan Arunaka DC

¹⁴ Ukatsti sañunakjam p'akirpayä, maynix maynimpi, awkix yuqapampi ukham jupanakkam tukjasipxani. Janiw jupanakat khuyapt'ayaskäti, jan ukasti, q'alpun t'unjä. Naya, Tatituw uk arsta’ ” sasa.

Aymar Bibliia 1986

¹⁴ Ucatsti sañunacjamwa p'aquiraraquëjja, maynejj maynimpi, awquimpi yokampsa mayaqui p'aquiraraquï. Janiw jupanacatjja qhuyapt'ayascäti, jupanacarusti jan sintt'asisa, jan qhuyapt'ayasisaraquiw t'unjäjja. Naya Tatituw ucjja arsta’ ” siw Tatitojja.

Qullan Arunaca

¹⁴ Ucatsti sañunacjamwa p'aquiraraquëjja, maynejj maynimpi, awquimpi yokampsa mayaqui p'aquiraraquï. Janiw jupanacatjja qhuyapt'ayascäti, jupanacarusti jan sintt'asisa, jan qhuyapt'ayasisaraquiw t'unjäjja. Naya Tatituw ucjja arsta’ ” siw Tatitojja.

Jeremías 13:14 Jak'a apnaqawi uñst'ayäwi

2 Crónicas 20:23

Moabitanakampi amonitanakampix Seir qullun jakirinakaruw katuntapxäna, jupanakarusti q'alpun tukjapxäna, jupanakaru tukjasasti, jupanakkamaw tukjasipxarakïna.

Job 27:22

jaltañ munaskani ukasa, jan khuyapt'ayasisaw jupatak thayt'anini.

Salmos 2:9

Hierro thujrumpiw jupanakarux apnaqäta, ¡ñiq'i phukhunakarjamaw t'unjarakïta!” sasa.

Isaías 27:11

Mä quqan layminakapax wañsxi ukkhax p'akirtxiwa; warminakasti uka layminak apthapisaw phayasipxi. Mä jan amuyt'asir markawa. Ukatpï jupanakar irnuqir Tatitux jan khuyapt'ayaskanitixa.

Jeremías 15:5

“Jerusalén, ¿khitis jumat khuyapayasïtam? ¿Khitis jumat jachani? ¿Khitis k'umar jakasiñamat llakisini?

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 16:5

Tatitux sarakituwa: “Maynin jiwatap layku lutt'atäsipki uka utarux jan mantamti; uka jiwatat jan jachamti, janirak llakisiñamsa jupan jiwatapat uñacht'ayamti. Aka markatsti suman sarnaqasiñaxa, munasiñaxa, khuyapayasiñaxa q'al apaqxta. Naya, Tatituw uk arsta.

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 25:16

Kunapachatix umantapkani ukapachasti waq'aqiñ qalltapxani, ukatsti luqhi jaqinakjamaw sarnaqapxarakini, kuna nuwasiñanaktix nayax jupanakxar apayankä uka layku” sasa.

Jeremías 47:3

Caballonakan chhukhunitap ist'asa, carronakan jutatap ist'asa, llantanakapan ch'amampi muyutap ist'asaw, awkinakax ch'am pist'ayasipxi, ukatsti wawanakaparuw apanukuwayxapxi.

Jeremías 48:12

Ukampis Tatitux siwa: “Mä uruw purinini kunapachatix uñisiripax nuwantkani, ukatsti katuntasaw jaya markar apasxani. Naya, Tatituw uk arsta.

Jeremías 6:21

Ukatpï Tatitux sixa: “Aka markarux ch'anqtasiyasaw liwisiyä. Awkinakasa, wawanakasa, uta jak'anakasa, jilat masinakasa, taqiniw mayak jiwarapxani” sasa.

Lamentaciones 2:21

Waynanakampi, chuymani jaqinakampix marka thakhinakan jiwarataw liwirtasipki; markaxankir waynanakasa, tawaqunakasa, espadampi jiwarayataw uñjasipxi; phiñasiñam urunsti jiwarayañkamaw chhuxriñchjtaxa, ¡jan khuyapt'ayasisaw jiwarayaraktaxa!

Ezequiel 24:14

Naya, Tatituw uk arsta, ukasti ukhamapunïniwa. Naya kipkaw ukanak lurä, ukanaksti phuqhapunïwa; janipuniw khuyapt'ayaskäti, janirakiw chuymaxansa amtkäti. Taqi sarnaqäwimata, luräwinakamat mutuyapunïmawa. Naya, Tatituw uk arsta.’ ”

Ezequiel 7:3

Israel, juman tukusiñamax purinxiwa. Jumxaruw phiñasiñax wartanï; sarnaqäwinakamat wayt'äma, axtaskañ luräwinakamatsti mutuyarakïmawa.

Ezequiel 7:4

Janiw khuyapayasiñampi jumarux uñjkämati, sarnaqäwimatsti mutuyarakïmawa, jan wali luratanakamatsa t'aqhisirakïtawa. Ukapachaw jumanakax yatipxäta, nayan Tatitütaxa.

Ezequiel 7:9

Jichhax janiw jumarux khuyapayasiñampi uñjkämati; taqi sarnaqäwinakamatsti mutuyapunïmawa, axtaskañ luräwinakamatsa t'aqhisiyapunïmawa. Ukapachaw jumanakax nayan Tatitütaxa, mutuyirïtaxsa yatipxäta.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Ezequiel 9:10

Jichhasti jupanakat janipuniw khuyapt'ayaskäti, jan ukasti, luratanakapat wayt'askakipunïwa” sasa.

Ezequiel 9:5

Ukatsti mayni jaqinakar parlxayir ist'arakta: “Jupan qhipap Jerusalén marka uñatatir sarapxam, ukatsti nayan utaxat qalltasina, jan khuyapt'ayasis taqi chuyman awkinakaru, waynanakaru, tawaqunakaru, wawanakaru, warminakar jiwarayapxam. Ukampis parapar chimpu uchat jaqirusti janiw llamkt'apxätati” sasa. Ukhamasti jupanakax Tatitun utap nayräxankapkäna uka chuyman awkinakaruw jiwarayañ qalltapxäna.

Oseas 2:4

4 (6) Wawanakapatsa janiw khuyapt'ayaskäti, jan wal sarnaqäwin jikxatat wawanakätap layku.

Zacarías 11:6

Nayax ukhamarak lurä: ¡Aka markankir jaqinakat janiw khuyapayaskäti! Jan ukasti, aka jak'an utjir markanakan amparaparuw katxaruyä, reyipan apnaqatarakïniwa. Markapas q'ala tukjatäskani ukkhasa, janiw jupanakar yanapt'ir sarkäti. Naya, taqi ch'aman Tatituw uk arsta.”

Mateo 10:21

“Jilanakasti jilanakaparuw jiwayañatak katuntayani, awkinakasti wawanakaparuw katuntayani; wawanakasti awkinakaparuw kutkatasini, ukatsti jiwayapxarakiniwa.

Marcos 13:12

Mä jilax jilaparuw jiwayañatak aljantani, awkisti yuqaparuw aljantarakini; wawanakasti awkip taykapatakiw sayt'asipxani, ukatsti jiwayapxarakiniwa.

Deuteronomio 29:20

20 (19) Tatitux janiw uka jaqirux pampachañ munkaniti, jan ukasti uka jaqirux q'apisiñampiw mutuyani, ukatsti aka qillqatan utjki uka ñanqhachäwinakaw jupxankani, Diosasti uka jaqin saraqirinakap q'al aka uraqit chhaqtayarakini.

1 Samuel 14:16

Saúl reyin uñch'ukiri soldadonakapasti, Benjamín uraqin Guibeá chiqatpach filisteonakarux uksar aksar chhukhunaqaskir uñjapxäna.