Jeremías 12:5 - Qullan Arunaka DC

⁵ “Kayut jalir jaqinakampi jalasatix wal qarstaxa, ¿kunjämarak caballot jalir jaqinakamp chik jalätasti? Suma uraqinxa k'uchikïsktawa, ukampis ¿Jordán tuqin walja alinak taypin kamacht'ätasa?

Aymar Bibliia 1986

⁵ “Cayut sariri jakenacampi sarasatejj wali karstajja, ¿cunjämaraqui saräta caballot sariri jakenacampi chicasti? Suma orakenjja c'uchiquïsctawa, ucampisa ¿cunsa luräta Jordán token alinac taypinjja?

Qullan Arunaca

⁵ “Cayut sariri jakenacampi sarasatejj wali karstajja, ¿cunjämaraqui saräta caballot sariri jakenacampi chicasti? Suma orakenjja c'uchiquïsctawa, ucampisa ¿cunsa luräta Jordán token alinac taypinjja?

Jeremías 12:5 Jak'a apnaqawi uñst'ayäwi

1 Crónicas 12:15

15 (16) Jupanakarakiw qallta phaxsin Jordán jawir makhatapxäna, kunapachatix umax jawirat jilarkän ukapacha, ukatsti qhirwankirinakarux taqiniruw inti jalanta tuqiru, inti jalsu tuqiru jaltayapxäna.

Salmos 42:7

7 (8) Uka manqhanakatpach ist'asi, uma waraqtaman qhuthutinakapaxa; juman apayanit lluxlla uma waraqtanakax, naya patanjam llumikipi.

Proverbios 24:10

Jan walt'añan uñjasisatix mayjt'asïta ukapachaxa, jan ch'amanïtam uñacht'aytaxa.

Proverbios 3:11

Munat wawaxay, janiy Tatitun yatichäwip jisk'achamti, janirakiy jumar chiqachatapatsa mayjt'asimti;

Jeremías 11:21

Anatot chiqan jakir jaqinakarusti, kawkïrinakatix nayar jiwayañ amtapkäna ukanakax sapxarakitänwa: “Tatitun sutipxar jan juk'ampi parlkxamti, ukhamatsti janiw jiwayapkämäti” sasa.

Jeremías 26:8

Ukatsti jupax taqi kuntix Tatitux parlañapatak churkatayna uka arunak parlañ tukuyxän ukkhasti, sacerdotenaka, profetanaka, uka markan jakirinakasa Jeremiasar katuntasin sapxäna “¡Jumax jiwätawa!

Jeremías 36:26

jan ukasti, Jerahmeel yuqapampiru, Azriel sat jaqin Seraías yuqapampiru, Abdeel jaqin Selemías yuqapampiruw mayïna Jeremías profetaru, Baruc sat qillqiripampir katuntapxañapataki. Ukampis Tatituw jupanakarux imantxäna.

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Jeremías 50:44

“Babilonia marka, jan kamsasakiw jumarux nuwantäma, kunjämatix mä leonax akatjamat khitirus thuqxatki ukhama. Mä juk'a pachanak jumar atipjañapatakix nayaw uñisirim ajllï. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayar saykatkitaspati.

1 Pedro 4:12

Munat jilatanaka, uka jach'a yant'anak jumanakxar jutatapatxa, jan mayjt'asipxamti, mä kuna jan walis jutkaspa ukhama.