Jeremías 12:14 - Qullan Arunaka DC

¹⁴ Tatitusti Israel marka jak'ankiri ñanqha markanakaruxa, kawkïr uraqtix jupax Israel markaparu mä tuti churki uka uraqi t'unjirinakarux akham siwa: “Nayaw uka markanakarux uraqinakapat jik'inukü, Judá markarusti jupanak taypitxa apsunxarakïwa.

Aymar Bibliia 1986

¹⁴ Diosasti aqham siwa cawquïri marcanacatejj Israel marca jac'ancapqui uca ñankha marcanacarojja, cawquïrinacatejj aca orake t'unjapqui ucanacarojja, aca oraksti Diosaw marcaparu mä herenciäcaspas uqhama churaraqui: “Nayaw uca marcanacarojj orakenacapat jiq'inucü, Judá marcarusti jupanac taypitjja apsunjjaraquïwa.

Qullan Arunaca

¹⁴ Diosasti aqham siwa cawquïri marcanacatejj Israel marca jac'ancapqui uca ñankha marcanacarojja, cawquïrinacatejj aca orake t'unjapqui ucanacarojja, aca oraksti Diosaw marcaparu mä herenciäcaspas uqhama churaraqui: “Nayaw uca marcanacarojj orakenacapat jiq'inucü, Judá marcarusti jupanac taypitjja apsunjjaraquïwa.

Jeremías 12:14 Jak'a apnaqawi uñst'ayäwi

Salmos 105:15

Jupax sänwa: “Ajllitanakaxarux jan llamkt'apxamti, profetanakaxarus janirak t'aqhisiyapxamti” sasa.

Salmos 106:47

¡Tatit Diosaxay, qhispiyapxakitaya! ¡Yaqha markanak taypit irpthapxapxita, qullan sutim jach'añchañataki, kusisiñampi jumar yupaychañataki.

Jeremías 2:3

Juma sapakiw nayatakïyätaxa; ¡nayan nayraqat munasitaxäyätawa! Maynitix kuna ñanqhsa lurchiyätamxa, nayaw ukarux t'aqhisiñ apayanïyäta. Naya, Tatituw uk arsta” sasa.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 3:18

“Uka uru purinkani ukapachasti, Judá markax Israel markaruw jaqkattxani, ukatsti mayakiw amsta tuqinkir markat kutt'anxapxani, kawkïr uraqtix nayax mä tutïkaspa ukhama nayra pacha awkinakapar churkta uka uraqiru” sasa.

Jeremías 32:37

Nayaw jaqinakaparux taqi markanakat anthapinxä, kawkïr markanakarutix nayax jupanakatak sinti phiñasitäkäyät ukapacha ananukkäyät ukanakata. Nayasti jupanakarux aka pachpa uraqiruw kuttayanxä ukan k'uchik jakasxapxañapataki.

Jeremías 48:1

Israelan taqi ch'amani Tatitu Diosapax Moab markatakiw aka arunak arsu: “¡Ay Nebo marka! ¡Kunja t'unjatätasa! ¡Quiriataim sat markasti, katuntata, jisk'achjatawa! ¡Ch'amapas uraqir liwinukutawa!

Jeremías 48:47

Ukampisa tukuyarusti, nayaw Moab markan saräwipxa sumar tukuyxä; naya, Tatituw uk arsta.” Ukaw Moab markataki arsuta Tatitun mutuyäwipaxa.

Jeremías 49:1

Tatitun arunakapa, Amón markataki: “¿Kawkinkis Israel markan wawanakapaxa? ¿Kawkinkis tuti katuqirinakapaxa? ¿Kunatsa jichhax Gad uraqix Milcom sat diosankxi? ¿Kunatsa amonitanakax Gad uraqin markanakapan jakapxi?

Jeremías 49:7

Edom markataki taqi ch'amani Tatitun arunakapa: “¡Yatiñan jaqinakax janiw Temán markan utjkxiti! Janiw maynis utjkxiti. Yatiñ kankañax tukusiwayxiwa, janirakiw khiti iwxt'iris utjkxiti.

Ezequiel 28:25

Naya, Tatituw sista: “Nayaw Israel markarux ananukutäpki uka markanak taypit tantachthapï, ukatsti nayan q'uma kankañax taqi markanak nayraqatan uñacht'ayarakï. Israel markax pachpa uraqiparuw utjnuqtxani, Jacob luqtirixar churkta uka uraqiru.

Ezequiel 28:26

Ukan jupanakax suma samart'at jakasipxani, utanak utachasipxani, uva alinaksa ayrusipxarakini. Nayaw Israelar jisk'achiri uka taqi jak'ankir markanakarux juchañcharakï. Ukapachaw yatisini, nayan Israelan Tatitu Diosapätaxa” sasa.

Ezequiel 36:24

Nayaw jumanakarux taqi uka markanakat irpsunxapxäma, tantacht'asinsti uraqimaruw kuttayanxapxäma.

Ezequiel 36:5

Tatitux akham siwa: Uka yaqha markanakataki, ukat juk'ampis Edom markatakix wali phiñasitapunïtwa, jupanakax wali kusisiñampiw nayan uraqinakax katuntasipxi, wali jisk'achjañampiw pampanakapan achunakapsa lunthatjapxi’ sasa.

Ezequiel 37:21

ukatsti jupanakarux sarakim: ‘Tatitux akham siwa: Israelitanakarux kawki markanakantix jichhax jikxatasipki uka markanakat irpsunxä, taqi tuqit jupanakar tantacht'xä, ukatsti uraqiparuw kuttayanxarakï.

Oseas 1:11

11 (2) Ukapachaw Israel markankir jaqinakampi, Judá markankir jaqinakampix mayacht'asxapxani, mä sapa jilïr irpirik utt'ayasxapxani, taqi tuqitsa Jerusalén markarkamaw kuttanxapxani. ¡Uka urusti wali jach'a urupunïniwa!

Zacarías 1:15

Ukat q'apisiñaxax ninjam aqti, uka jan yäqasir markanakataki, kunapachatix q'apisiñaxax juk'akïkän ukkhaxa, jupanakax ñanqha lurañanak juk'amp lurapxäna.

Zacarías 2:8

8-9 (12-13) Taqi ch'amani Tatituw khithanitu, kawkïri markanakatix yänakam aparapktam uka markanakar juchañchañataki. Tatitux akham siwa: “Kawkïri markanakatix markaxar jan walinak lurapki ukanakarux mutuyäwa. Khititix markaxaru ñanqhachki ukaxa, nayarus ñanqhachkitaspa ukhamawa. Ukatpï, naya kipkaw uka markanakamp nuwasï, kipka uywatanakapampiw yänakapsa lunthatsuyarakï” Ukhamat taqi ch'amani Tatitux jach'a kankañap uñacht'ayani, ukat jumanakas Tatitun nayaru khithanitapxa amuyapxarakïta.

Deuteronomio 28:63

Kamisatix Tatitux suma askinak churasina, jumar mirantayasin kusiskäna, ukhamarakiw kusisini jumar aynacht'ayata, ch'usar tukut uñjasïta ukapachaxa, katkäta uka uraqitxa jan khuyapt'ayasis jik'inukutaw uñjasïta.

Deuteronomio 30:3

Tatit Diosamax jumanakat khuyapt'ayasisin, wasitat jumanakar aski waxt'äwinak churxapxätam; wasitat tantachxapxätam jaqunukupktam uka markanakat irpthapisa,