Jeremías 11:20 - Qullan Arunaka DC

²⁰ Ukampis jichhax taqi ch'aman Tatitu, jumax chiqapa uñjirïtawa; jumax jaqin amtatanakapsa yattawa. Kunjämtix uka jaqinakar mutuykäta uk uñjayarakita, nayasti amparamaruw taqi akanak katuyaraksma.

Aymar Bibliia 1986

²⁰ Ucampisa jichhajj take ch'amani Tatitu, chekapa uñjirïtawa; jumajj jaken amtatanacapsa yattawa. Cunjämtejj aca jakenacar mutuycäta ucsti uñjayaraquita, nayasti amparamaruw take cunanacajjsa catuyasiracsma.

Qullan Arunaca

²⁰ Ucampisa jichhajj take ch'amani Tatitu, chekapa uñjirïtawa; jumajj jaken amtatanacapsa yattawa. Cunjämtejj aca jakenacar mutuycäta ucsti uñjayaraquita, nayasti amparamaruw take cunanacajjsa catuyasiracsma.

Jeremías 11:20 Jak'a apnaqawi uñst'ayäwi

Génesis 18:25

¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

2 Reyes 19:14

Ezequías reyisti khithat jaqinakax churapkatayna uka qillqat ullaräna. Ukatsti Tatitun utaparuw saräna, Tatit nayraqatan qillqat janatatasinsti,

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Job 5:8

Jumäsinxa, nayax Diosaruw makhatxirista, jan walt'añanakaxsti amparaparuw uchxirista;

Salmos 139:23

Diosay, uñakipitaya, chuymaxar uñantam; nayarux yant'itaya, lup'itanakax uñt'arakim;

Salmos 35:2

Jark'aqasiñam katxarusim, yanapt'iriy jutita;

Salmos 43:1

Diosay, chiqapar uñjita; ¡qhuru jaqinakat arxatita! ¡K'ari, ñanqha lurir jaqit qhispiyasita,

Salmos 57:1

1 (2) Diosaxay, nayat khuyapt'ayasita, jumampi arxatayasiñatakiw thaqsma, nayat khuyapt'ayasipunita. Jan walt'añ nayat jithiqañapkamasti, amparamampi imantayasiñ munta.

Salmos 58:10

10 (11) Aski jaqisti, phuqsur uñjasax kusispan; ¡ñanqha luririn wilapamp kayunakap wilachsuspan!

Salmos 7:10

10 (11) Alaxpachankir Tatituw imantasiñaxaxa, q'uma chuymaninakaruw jupax qhispiyi.

Salmos 7:8

8 (9) Tatay, jumaw markanakar tariptaxa: aski kankañaxarjamay uñjita; jan juchanirjamay taripita.

Salmos 7:9

9 (10) Chiqapar uñjir Tatay, jumaw amtäwinak uñakiptaxa, chuyma manqha amtäwinaka, ¡juchararanakan ñanqha lurañanakap tukusiyam, aski jaqirusti thuruñchat sayt'ayam!

Salmos 98:9

kusisiñampi art'asipxpan, aka uraq apnaqir jutir Tatitutaki. ¡Jupax chiqpach aski Diosawa, markanakarusti chiqap kankañampiw apnaqani!

Jeremías 12:1

Tatay, jumampi ch'axwañarutix uskusïxa, juman arumakipuniw chiqapaxa; ukampis nayax jiskt'añ munirisma, ¿kunatsa ñanqha jaqinakatakix taqi kunas sumak lurasirapi? ¿kunatsa ch'uxña luririnakax sumak jakasipxi?

Jeremías 12:3

Ukampis Tatay, jumax nayar uñt'istawa; jumax uñjistawa, jumatak amtatanakaxäki uksa yatirakistawa. ¡Uka jaqinakarux khariñ ovejanakarjam apasxam, khariñ urutak chimpt'awayarakim!

Jeremías 15:15

Tatay, jumax taqi kun yattaxa, juma laykuw jisk'achatas uñjasta. ¡Nayat amtasisax nayar yanapt'iriy jutam! ¡Janikiy ukhamak qhiparamti, khitinakatix nayar arknaqapkitu, ukanakar mutuyam janïr nayar jiwaykipana!

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 17:18

Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

Jeremías 20:12

Taqi ch'aman Tatitu, jumax taqi kunsa chiqaparuw uñjtaxa, jumax jaqin chuymapsa sum uñt'taxa, kunjämtix uka jaqinakar mutuykäta uk jichhax uñjayita, nayasti juman amparamaruw taqi kun katuysma.

Lamentaciones 3:58

Tatay, jumaw taqi jan walt'añanakaxan yanapt'ista, jumaw jakañaxsa qhispiyarakista.

Lamentaciones 3:59

Tatay, jumaw nayan t'aqhisitax uñjta, ¡kunatix chiqäki ukhamarjamay uñjarakita!

Lamentaciones 3:64

Tatay, jupanakarux kunatix wakt'ki ukhamar uñjam, luräwinakaparjam jupanakarux uñjarakim.

Ezequiel 11:5

Ukatsti Tatitun ajayupaw nayxar juti, ukat akham yatiyañaxatak sarakitu: “Tatitux akham siwa: ‘Israelita jaqinaka, ukpï jumanakax lup'ipxtaxa. Nayax jumanakan amtäwinakam yatiraktwa.

Hechos 17:31

Diosax mä uru wakichxi, uküruw chiqa kankañampi akapachar taripani, jupan ajllisit mä chacha tuqi. Uka jaqin chiqätapxa, jupar jiwatat jaktaykän ukapachaw taqi jaqinakar qhanpach yatiyi” —sasa.

Filipenses 4:6

Janipun kunatsa llakisipxamti, taqi kunsa Diosarupun mayisipxam, ukatsti yuspagarapxarakim.

2 Timoteo 4:14

Jiru liq'i Alejandrox jan walinakpun lurawayitu; Tatituw juparux kuntix nayar lurawaykitu ukat uñjaskani.

1 Pedro 2:23

Chuyma usuyir arunakamp tuqipkän ukkhaxa, janiw pachpa arunakamp kutt'aykänti; t'aqhisiyapkän ukanakatakisa, janiw achuskänti, jan ukasti chiqapar taripir Diosaruw katuyasïna.

Apocalipsis 18:20

“¡Alaxpacha, jichhax uka markan tukusitap layku kusisim. Qullananaka, apostolunaka, profetanaka, kusisipxam; Tatituw uka luratapampix chiqapar uñjapxtam” sasa.

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.

1 Samuel 24:15

15 (16) Uka layku, Tatitukiy jiwas paninirux taripistpan; ¡juparaki nayarus uñjitpan, ukhamarak juma reyitsa arxatitpan!” —sasa.