Jeremías 11:17 - Qullan Arunaka DC

¹⁷ “Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Aymar Bibliia 1986

¹⁷ “Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”

Qullan Arunaca

¹⁷ “Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”

Jeremías 11:17 Jak'a apnaqawi uñst'ayäwi

2 Samuel 7:10

Ukhamarus Israel markaxatakix mä chiqawja wakicharakta, ukaruw jupanakar uchta pachpa uraqipan jakasipxañapataki, jan khitis kun jupanakar saskañapataki, janiraki jan wali jaqinakas t'aqhisiyaskañapataki, kunjämtix qalltan lurapkän ukhama,

2 Crónicas 28:25

Judá uraqin markanakapansti yupaychañ utanak lurayäna, inciensonak yaqha diosanakar nakhayañataki, ukhamat nayra awkinakapan Tatitu Diosapar q'apisiyasa.

Salmos 44:2

2 (3) Diosar jan uñt'irinakarux amparamampiw jaqunuktaxa, markanakaruw mutuytaxa, ukarurakiw nayra awkinakaxar utt'aytaxa.

Salmos 80:15

15 (16) amparamamp ayruntat uva alïchixaya, juman ch'amaniptayat alirakïchixaya.

Salmos 80:8

8 (9) Jumaw Egiptot uva alir uñtat apsuntaxa, Diosar jan uñt'ir jaqinak jaqunukusin ayrunttaxa.

Isaías 5:2

Uka uraq unxtayi, qalanaksa sum pallsu, suma ajllit alinak ayrunti. Uka yapu taypirusti mä torre sayt'ayi, uvanak ch'irwsuñatakiw mä chiq wakichi. Jupasti muxsa uvanak suyt'äna, ukampis k'allk'u uvanakakiw achxäna.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 1:14

Ukat Tatitux sarakitu: “Amsta tuqitpach jan walt'añanakax aka markan utjir jaqinakxarux jutani.

Jeremías 11:11

Uka laykuw jichhax mä jach'a jan walt'añ jupanakarux apayanï, uka jan walt'añatsti janiw kawksarus jaltapkaniti. Yanap mayisas arnaqasisipkpan, janiw nayax jupanakar ist'käti. Naya, Tatituw uk arsta.

Jeremías 11:13

Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Jeremías 12:2

Jumaw jupanakarux ayrunttaxa, jupanakasti saphintapxiwa, jilatatasinsti, achunak churapxi. Jupanakax lakampikiw juma jak'ankasipki, chuymanakapanxa jumat wali jayankapxiwa.

Jeremías 18:15

Ukampis markaxax nayar armituwa, ukatsti k'ari diosanakaruw inciensonak luqtasipki. Nayra thakhipatsti yaqha thakhiruw saranukupxi, jan uñt'at thakhinjam sarapxaraki.

Jeremías 18:8

Ukampis uka markatix ñanqha lurañanakat jithiqtxaspa ukkhaxa, kuna mutuyäwitix wakichatäkän ukxa janiw apayankxiristti.

Jeremías 19:15

“Israelan taqi ch'aman Dios Tatitupax akham siwa: ‘Aka markampiru, jak'ankir yaqha markanakampirusa, kuna mutuyäwtix jupanakatak arskta uk apayanï, kuna arunaktix nayax arskäyäta uka arunakar k'ullusipxatapata, janirak uka arunakar jaysapxatap layku.’ ”

Jeremías 2:21

Mä suma uva alïkasmas ukham nayax ayrusïyäsma, wali suma uva jathat jutirïkasmas ukhama. ¡Ukampis jichhax q'ala jan wali tukutätawa, jan uñt'añjamarakïxtawa.

Jeremías 24:6

nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Jeremías 26:13

Ukhamax sarnaqäwinakama, luräwinakamsa askichasipxam, jumanakan Tatitu Diosamaruk ist'apxam, ukatsti Tatitux janiw kuna jach'a t'aqhisiñanaktix arski ukanak apayanipkätamti.

Jeremías 26:19

“Miqueas profetax ukham siskchïna ukasa, juparux janiw jiwayapkänti. Jan ukasti, reyisa, markankirinakasa taqiniw Tatit nayraqatan llamp'usipxäna, Tatitusti jupanakarux pampacharakïnwa. Ukampis jiwasatix Jeremías profetar jiwayañänixa, Tatitux ukham luratasat mutuyistaniwa” sasa.

Jeremías 32:29

Babilonio soldadonakax Jerusalén markaruw nuwantapxani, ukatsti kawkïr utanakantix Baal diosar incienso luqtasipxirïkäna, vinonaksa yaqha jan uñt'at diosanakar luqtapxirïkän taqi uka utanak phichhantapxani; ukham yaqha diosanakar yupaychapxatapampisti nayaruw q'apisiyapxitäna.

Jeremías 32:30

Qalltatpach Israelankirinakampi Judá markankirinakampix kunatix nayatak jan walïki ukanak lurapxirïna; israelitanakasti jupanakan lurat diosanakampiw ñanqhachapxitäna. Naya, Tatituw uk arsta.

Jeremías 35:17

Ukat naya, Israelan Diosapa taqi ch'aman Tatitux sistxa: Judá uraqina, Jerusalén markan utjasir jaqinakxaruxa kunayman jan walinak apayanï, kuntix jupanakar yatiykäyäta taqi ukanaka. Nayasti jumanakarux parlxayapxsmawa, ukampis janiw nayarux ist'apkistati, jawsapxsmawa, ukampis jumanakax janiw jaysapkistati.’ ”

Jeremías 36:7

Inampis ukhamat Tatitur mayisipxchispa, uka ñanqha luräwinakapsa apanukupxarakchispa, Tatitun aka markatak arski uka phiñasiñapax axsarkañawa” sasa.

Jeremías 40:2

Uñjirinakan jilïripasti Jeremiasarux yaqha chiqar irpaqasin jiskt'äna: “Tatitu Diosamaw aka jan walt'añanak aka uraqxar apayaniñatak arsurakïna,

Jeremías 40:3

jichhasti uka arsutapax phuqhasiwa. Tatitun nayraqatapan jucha lurapxatamata, jupar jan jaysapxatamat taqi akanakax ukham phuqhasi.

Jeremías 42:10

‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Jeremías 44:5

Ukampis jumanakax janiw nayarux ist'apkistati, arunakaxarus jaysapkaraktati. Uka ñanqha luräwinak apanukuñat sipansa, juk'ampikiw uka diosanakarux inciensonak luqtasipxtaxa.

Jeremías 44:8

Aka Egipto markar jakir jutasax yaqha diosanakar yupaychasaw incienso luqtasipxta, ukham luratanakamampix jumanakpachakiw ñanqha lurasisipktaxa, taqi markanakan uñjkañaw jumanakax t'unjatäpxäta, uka markanak nayraqatansti mä p'inqaw tukupxarakïta.

Jeremías 45:4

Jichhasti Tatitux jumxat akham siwa, ukatsti jumar yatiyiriw khithanitu: ‘Nayax kuntix sayt'aykta ukxa t'unjtwa, kuntix ayruntkta uksa jik'inukuraktwa. Jichhax taqi akapachampix ukhamarak lurä.

Jeremías 7:18

Wawanakax lawa apthapipxi, awkinakasti nina naktayapxi, warminakasti muxsa t'ant'anak lurañatakix t'ant'a masa wakichapxi, ukatsti uka t'ant'anakxa, Alaxpacha Mama sapki uka diosaruw luqtapxaraki. Yaqha diosanakar waxt'äwinak luqtasitanakapampix ñanqhachapxituwa.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Ezequiel 17:5

Ukatsti uraqit mä jatha apti, mä wakichat uraqiruw satanti, walja umani jawir thiyaru.

Oseas 10:1

Israelax walja achuni uva alir uñtat wali qamiriwa; ukampis ukham tukutapatxa, juk'ampikiw altaranak yaqha diosanakatak lurarasipxäna; uraqipan juk'amp sumätapatsa, juk'ampikiw yaqha diosanakatak qala chutanakapsa lurasipxäna.