Jeremías 11:13 - Qullan Arunaka DC

¹³ Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Aymar Bibliia 1986

¹³ Judá marcajj walja diosanacaniwa kawkhäquitejj marcanacapajj ucqha, uqhamaraqui Jerusalenanquiri jakenacasti walja altaranacaracwa Baal diosataquejj sayt'ayapjje kawkhäquitejj Jerusalén marcan callenacapajj ucqharaqui.

Qullan Arunaca

¹³ Judá marcajj walja diosanacaniwa kawkhäquitejj marcanacapajj ucqha, uqhamaraqui Jerusalenanquiri jakenacasti walja altaranacaracwa Baal diosataquejj sayt'ayapjje kawkhäquitejj Jerusalén marcan callenacapajj ucqharaqui.

Jeremías 11:13 Jak'a apnaqawi uñst'ayäwi

2 Reyes 23:13

Ukatsti Josías reyix, Jerusalén markat inti jalsu tuqin utjkatayna uka yupaychañ utanak takichasirakïna, Olivos qullut aynach tuqina, ukanaksti Israelan Salomón reyipaw luratayna sidonionakan Astarté sat axtkañ diosapataki; moabitanakan Quemós sat uñiskañ idolopataki; amonitanakan Milcom sat uñiskañ idolopataki.

2 Crónicas 28:25

Judá uraqin markanakapansti yupaychañ utanak lurayäna, inciensonak yaqha diosanakar nakhayañataki, ukhamat nayra awkinakapan Tatitu Diosapar q'apisiyasa.

Isaías 2:8

¡Israel markax yaqha diosanakampi phuqhantatawa! Jaqinakasti jupanakan lurat diosanakaruw yupaychapxi, pachpa amparanakapamp lurat diosanakaruw yupaychapxi.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 17:1

“Judá marka, juchamax hierro cincelampi qillqantatawa, qala chuymamxar diamante arimpi qillqantatawa, altaranakamas juchanakamampi qillqantatawa.

Jeremías 18:15

Ukampis markaxax nayar armituwa, ukatsti k'ari diosanakaruw inciensonak luqtasipki. Nayra thakhipatsti yaqha thakhiruw saranukupxi, jan uñt'at thakhinjam sarapxaraki.

Jeremías 19:4

Israelitanakax nayarux apanukupxituwa, aka uraqsti yaqha uraqiruw tukuyapxaraki, aka chiqan yaqha diosanakar inciensonak luqtasipxaraki, uka diosanaksti janiw jupanakax uñt'apkänti; janirakiw nayra awkinakapasa, Judá uraqinkir reyinakas uñt'apkänti; aka chiqanarak jan juchan jaqinakarus jiwarayapxi.

Jeremías 19:5

Ukhamarus Baal diosar wawanakap wilañcha luqtañatakiw altaranak lurarasipxaraki, janiw nayax ukham lurapxañap jupanakar siskäyätti, janirakiw ukham lurapxañapsa amtkäyätti.

Jeremías 2:28

Judá, ¿kawkinkarak juman lurasit diosanakamasti? ¡Uka diosanakamax markanakar uñtat waljapuniwa! ¡Kunapachatix jan walt'añax purinkätam ukkhax jupanakay jumar qhispiyirix jutapxpan!

Jeremías 3:24

Yaqha diosanakar mä p'inqa yupaychatanakaxax, kuntix awkinakaxax wawäpkäyäta ukapacha jikxatapkatayna, ovejanaka, uywanaka, yuqall wawanaka, imill wawanaka, taqi ukanak apt'asiyapxitu.

Jeremías 3:25

Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Jeremías 32:35

Ben-hinom sata qhirwansti Baal diosatakix altaranak lurasipxi, ukat juk'ampi jan wali luratanakapax axtasiyitu, uka altaranakan imill wawanakaparu, yuqall wawanakapar Moloc diosar wilañcha luqtapxi, ukhamat Judá markarux juchar puriyapxi, uka axtaskañ lurañanaksti janiw nayax jupanakarux ‘Lurapxam’ siskti, janirakiw akch'as amuyuxarux ukanakax jutkarakïnti.

Jeremías 44:21

—¿Jumanakasti Tatitux janis ukanak yatkaspa ukhamti amuyapxta? Janiwa, Tatitux sum yatïnxa, jumanakana, awkinakamana, reyinakamana, jilïrinakamana, taqi jaqinakana uka yaqha diosanakar Judá uraqina, Jerusalén marka thakhinakansa yupaychapxatanakamxa.

Jeremías 44:5

Ukampis jumanakax janiw nayarux ist'apkistati, arunakaxarus jaysapkaraktati. Uka ñanqha luräwinak apanukuñat sipansa, juk'ampikiw uka diosanakarux inciensonak luqtasipxtaxa.

Jeremías 48:35

Tatitux siwa: “Nayaw Moab markankir jaqinakarux t'unjä, qullu patanakar yaqha diosanakaru yupaychañ utanakar makhatapki, inciensonaka, wilañchanaka uka diosanakapar luqtasir sarapki ukanakaru” sasa.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Ezequiel 16:24

taqi qhanawjanakaruw diosanakamar yupaychañatakix mä chiqa wakichastaxa, uka chiqanakan yaqha chachanakampiw sarnaqaraktaxa.

Oseas 10:1

Israelax walja achuni uva alir uñtat wali qamiriwa; ukampis ukham tukutapatxa, juk'ampikiw altaranak yaqha diosanakatak lurarasipxäna; uraqipan juk'amp sumätapatsa, juk'ampikiw yaqha diosanakatak qala chutanakapsa lurasipxäna.

Oseas 12:11

11 (12) Galaad chiqan yaqha diosanakaw utji, k'ari diosanakkamakiwa. Guilgal chiqansti urqu vacanakrak wilañcha luqtapxi; altaranakapasti q'ala tukjatawa, qala qutunakjam yapunak taypin willtatarakiwa.”

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.