Jeremías 11:11 - Qullan Arunaka DC

¹¹ Uka laykuw jichhax mä jach'a jan walt'añ jupanakarux apayanï, uka jan walt'añatsti janiw kawksarus jaltapkaniti. Yanap mayisas arnaqasisipkpan, janiw nayax jupanakar ist'käti. Naya, Tatituw uk arsta.

Aymar Bibliia 1986

¹¹ Uca laycuw jichhajj mä jach'a jan walt'aña jupanacarojj apayanï ucatsti janiw khespiyañjamäpcaniti. Yanapa mayisa nayaru arnakasinipquitpan, ucampisa janiw nayajj jupanacarojj ist'cäti. Naya Tatituw ucjja arsta.

Qullan Arunaca

¹¹ Uca laycuw jichhajj mä jach'a jan walt'aña jupanacarojj apayanï ucatsti janiw khespiyañjamäpcaniti. Yanapa mayisa nayaru arnakasinipquitpan, ucampisa janiw nayajj jupanacarojj ist'cäti. Naya Tatituw ucjja arsta.

Jeremías 11:11 Jak'a apnaqawi uñst'ayäwi

2 Reyes 22:16

naya, Tatituw sista: Nayaw aka uraqirusa, jaqinakapxarus mä jan walt'añ apayanï, kunjämtix uka qillqatan Judá markankir reyix ullarki ukan yatiyatarjama.

2 Crónicas 34:24

naya Tatituw sista: Nayax aka chiqampiru, jaqinakapampirux mä jan walt'añ apayanï, kunjämtix Judá markankir reyin nayraqatapan ullart'apkta uka qillqatan ñanqhachäwinakax qillqatäki ukhamarjama.

Job 35:13

Taqi ch'aman Diosax janiw k'ari arunakarux ist'kiti.

Salmos 18:41

41 (42) Jupanakax yanap mayisipxäna, janiw khiti yanapt'iris utjkänti, Tatituruw art'asipxäna, jupasti janiw ist'känti.

Salmos 66:18

Jan wali amuyutix utjitasapänxa, Tatitux janiw ist'kitasapänti;

Proverbios 1:28

“Uka urukiw jumanakax jawsapxitäta, ukampis nayax janiw ist'apkämati; thaqhapxitätawa, ukampis janiw jikxatapkitätati,

Proverbios 29:1

Chiqachäwi jan katuqañ munir jaqix, jan mayampitakiw tukjat uñjasini.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Isaías 24:17

Aka uraqin jakir jaqinakasti jiwayañ animalanakjam arknaqatäpxaniwa, mä jach'a p'iyaru, jan ukax mä sipitar jalt'irjamäpxaniwa.

Jeremías 11:14

Ukhamasti jumax Jeremías, jan nayarux aka markataki mayistati; jupanakarusti janiw ist'käti kunapachatix jan walt'añanak taypinkkasin yanap mayipkitani ukapachaxa.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 14:2

“Judá markax llakisiñat jachi, markanakapasti llakt'atkamakiwa, jaqinakapas uraqir liwirtatkamakiwa; Jerusalenansti taqiniw wal jachapxi.

Jeremías 15:2

Ukattix jiskt'apxätam: ‘¿Kawkirus sarapxä?’ sasa, ukatsti nayan sutixar akham sarakim: “ ‘Usumpi jiwarañatak wakichatanakaxa, usumpi jiwarapxpan; nuwasïwin jiwarañatak wakichatanakasti, nuwasïwin jiwarapxpan; manq'atjam jiwarañatak wakichatanakaxa, manq'atjam jiwarapxpan; jayar apatäñatak wakichatanakasti, jayar apatäpxarakpan’ sasa.

Jeremías 18:11

“Jichhax Jerusalén markan jakir jaqinakaru, Judá uraqin utjirinakarus sarakim, naya Tatituw jupanakar sista: ‘Jumanakar jan walt'ayañatakiw amtaskta; jumanakar mutuyañ amtaskta. Ukhamax jan wali sarnaqäwinakam apanukupxam, luräwinakamsa, sarnaqäwinakamsa askichasipxarakim’ sasa.

Jeremías 19:15

“Israelan taqi ch'aman Dios Tatitupax akham siwa: ‘Aka markampiru, jak'ankir yaqha markanakampirusa, kuna mutuyäwtix jupanakatak arskta uk apayanï, kuna arunaktix nayax arskäyäta uka arunakar k'ullusipxatapata, janirak uka arunakar jaysapxatap layku.’ ”

Jeremías 19:3

Jupanakarusti sarakim: ‘Judá uraqinkir reyinaka, Jerusalén markan utjirinaka, Israelan taqi ch'amani Dios Tatitupan arunakap ist'apxam, jupasti siwa: Aka markarux mä jach'a t'aqhisiñ apayanï, taqi uka yatiyäwi ist'irinakasti wali mulljataw qhiparapxani.

Jeremías 23:12

Ukatpï jichhax sarnaqäwinakapax ch'amakar tukutänixa: Nayaw jupanakarux nukt'asin tinkuyäxa. Jupanakar luratanakapat wayt'kä ukkhasti, jach'a t'aqhisiñanak jupanakxarux apayanï. Naya, Tatituw uk arsta.

Jeremías 25:35

Awatirinakax janiw jaltapkaniti, tama irpirinakas janiw imantasipkaniti.

Jeremías 35:17

Ukat naya, Israelan Diosapa taqi ch'aman Tatitux sistxa: Judá uraqina, Jerusalén markan utjasir jaqinakxaruxa kunayman jan walinak apayanï, kuntix jupanakar yatiykäyäta taqi ukanaka. Nayasti jumanakarux parlxayapxsmawa, ukampis janiw nayarux ist'apkistati, jawsapxsmawa, ukampis jumanakax janiw jaysapkistati.’ ”

Jeremías 36:31

Ukatsti jumarusa, wawanakamarusa, jach'a jilïrinakamarusa jucha luratanakapat mutuyapxäma. Jumanakxarusti, Jerusalén markan utjirinakxarusa, Judá uraqin utjiri jaqinakxarusa, kuna jach'a t'aqhisiñattix yatiykta ukxa apayanipxapunïmawa, jumanakasti uka yatiyäwinakarux janiw ist'apkaraktati’ ” sasa.

Jeremías 6:19

Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Lamentaciones 2:22

Jan walt'añanaksti taqi tuqit apayantaxa, mä phunchhäwirus jutapkaspa ukhamaw purintanipxi; Tatay, juman q'apisiñam urunsti, janipuniw khitis jiwañat qhispkiti. Kawkïrinakarutix nayax uywaskäyäta, yatichkarakïyäta, ukanakarusti uñisirinakaw jan khuyapt'ayasis jiwarayxi.

Ezequiel 14:3

“Aka jaqinakax diosanakar yupaychañaruw katuyasxapxi, kunatix juchar puriyki uka uñkatatakïsipkiwa. ¿Ukatti nayax jupanakan jiskt'asitanakaparu iyawsästi?

Ezequiel 7:5

“Naya, Tatituw arsta: Amuyasim, tukuyan puriniñapax jak'ankxiwa, jan walt'añanakasti may mayaw jutani, juman tukusiñamasti niyaw jak'ankxaraki.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Miqueas 3:4

Tatitur arnaqasipkäta uka urusti, jupax janiw ist'apkätamti. Ñanqhanak lurapxatanakam laykuxa, jumanakatxa imantasxaniwa.

Zacarías 7:13

sarakïnwa: “Kunjämtix jupanakax nayan jawsatax jan ist'añ munapkitänxa, ukhamarakiw nayax jan ist'käti kunapachatix jupanakax art'asipkitani ukkhaxa.

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,