Jeremías 10:25 - Qullan Arunaka DC

²⁵ Jumaru jan uñt'ir markanakaru, jumaru jan art'asiri markanakarux q'apisiñamampi mutuyam, jupanakax q'alpun t'unjapxitu, markarus jan walt'añaruw puriyapxi.

Aymar Bibliia 1986

²⁵ Cawquïri marcanacatejj jan uñt'ctam ucanacjjaru colerasiñamjja warjjatam, cawquïri marcanacatejj jan jumaru art'asipctam ucanacjjaru, Jacobon marcaparu mank'antapjjatap laycu, k'alwa t'unjapjjaraquitayna, take marcpachsti k'ala t'unjata jaytapjjaraqui.

Qullan Arunaca

²⁵ Cawquïri marcanacatejj jan uñt'ctam ucanacjjaru colerasiñamjja warjjatam, cawquïri marcanacatejj jan jumaru art'asipctam ucanacjjaru, Jacobon marcaparu mank'antapjjatap laycu, k'alwa t'unjapjjaraquitayna, take marcpachsti k'ala t'unjata jaytapjjaraqui.

Jeremías 10:25 Jak'a apnaqawi uñst'ayäwi

Job 18:21

Ñanqha jaqin jakañapax ukhamaw tukusi, Diosar jisk'achir jaqin jakañapas tukusiraki.

Salmos 14:4

Ñanqha luririnakax jan amuyunïpxiwa, markaxarux t'ant'jam manq'antapxi, janiw Tatitun sutipsa art'asipkiti.

Salmos 147:20

Janiw kawkïr markampis ukham lurkänti, uka markanakax janipuniw arsutanakap uñt'apkänti. ¡Tatitur yupaychapxañäni!

Salmos 27:2

Ñanqha lurir jaqinakasa, uñisirinakaxasa, nayar chhukxatasin jiwayañatakiw mayacht'asipxi; ukampis jupanakakiw lanqtasxapxi, tinkxapxaraki.

Salmos 69:24

24 (25) Q'apisiñam jupanakxar samarasim; aqkir q'apisiñamax jupanakar katjpan.

Isaías 43:22

“Ukampis jumax, Israel, Jacobun markapa, janiw yupaychkistati, jan ukasti nayat qarjastawa.

Isaías 64:7

7 (6) Janiw khitis jumar mayisirix utjkiti, janirakiw khitis jumar alkatirix utjkiti; ukatpï nanakat imantasxtaxa, jucha luratanakaxat apanukupxistaxa.

Isaías 9:12

12 (11) Inti jalsu tuqitxa, sirio jaqinakaw nuwantapxi, inti jalanta tuqitsti filisteo jaqinakarakiw nuwantapxi. Israel markarux maypach uquntapxi. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Jeremías 11:1

Tatitux naya Jeremiasaruw parlxayitu, ukatsti sarakituwa:

Jeremías 30:16

Ukampis jumar manq'antirix, manq'antatäniwa, taqi uñisirinakamasti jayar apanukutäniwa; jumar lunthatirinakasti, lunthatjatarakïniwa.

Jeremías 50:17

“Israel markasti leonanakan arknaqat mä chhaqhat ovejar uñtatawa. Asiriankir reyiw nayraqat manq'anti, ukxarusti Babiloniankir Nabucodonosor reyiw ch'akhanakamppach manq'antaraki.

Jeremías 50:7

Uñisirinakapasti jupanakar uñjasax p'inqachjapxänwa, ukatsti sapxarakïnwa: ‘Janiw nanakan juchaxäkiti, jupanakaw Tatitu nayraqatan jucha lurasipki, taqi kunsa churir Tatit tuqi, nayra awkinakapan suyt'äwipäkän uka Tatit nayraqatana’ sasa.

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Lamentaciones 2:22

Jan walt'añanaksti taqi tuqit apayantaxa, mä phunchhäwirus jutapkaspa ukhamaw purintanipxi; Tatay, juman q'apisiñam urunsti, janipuniw khitis jiwañat qhispkiti. Kawkïrinakarutix nayax uywaskäyäta, yatichkarakïyäta, ukanakarusti uñisirinakaw jan khuyapt'ayasis jiwarayxi.

Sofonías 1:6

Ukatsti khitinakatix nayar arkkasin qhipar kuttapki ukanakarus tukjarakïwa, khitinakatix nayar jan thaqhapkitu, janirak nayar jiskt'asiris jutapki ukanakarus tukjäwa.”

Sofonías 3:8

Jichhaxa, ukham lurapxatanakamatxa, jumanakar mutuyañ urux jak'ankiwa. Naya, Tatituw Israel markan Diosapätxa, arsutaxarux phuqhapuniwa. Markanakar mayar tantachthapiñatakiw amtta, jach'a q'apisiñaxampiw uka markanakar mutuyä. Q'apisitäkta ukkhaxa, mä ninjamätwa; ¡aka uraqpach nakhantayarakïxa!

Zacarías 1:15

Ukat q'apisiñaxax ninjam aqti, uka jan yäqasir markanakataki, kunapachatix q'apisiñaxax juk'akïkän ukkhaxa, jupanakax ñanqha lurañanak juk'amp lurapxäna.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Hechos 17:23

Ukawjanak sarnaqkasin nayax uñjta jumanakan walja diosanakar yupaychapxatama, wilañchanak luqtasipxirïktas ukawjan mä altar jikxatta akham qillqatani: ‘Jan uñt'at Diosaru’ sasa. Jan uñt'kasin yupaychapktas uka Diosatpï nayax jumanakar yatiyapxsmaxa.

1 Corintios 15:34

Jumanakax sum amuyasipxam, janirak juch lurkxapxamti, jumanakat yaqhipanakax janïraw Diosar uñt'apkiti. Uksti jumanakan p'inqa tukuñamatakiw sapxsma.

1 Tesalonicenses 4:5

jan khitis inampst'añ chuymampi, jan wali amtañanakampi apayaspati, kunjämtix Diosar jan uñt'ir jaqinakax lurapki ukhama.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

Apocalipsis 16:1

Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.