Jeremías 10:22 - Qullan Arunaka DC

²² ¡Wal ist'apxam! ¡Mä jan wali yatiyäwiw purini! Amsta tuqit mä jach'a ejercitow jutanti, ukasti Judá uraqinkir markanakxa ch'usa wasararuw tukuyani, qamaqinakakiw ukan jakxapxarakini.

Aymar Bibliia 1986

²² ¡Wal ist'apjjam! ¡Mä yatiyäwiw purini! Amsta tokenquir mä marcat mä jach'a ojjtañaw juti, ucasti Judá orakenquir marcanacjja wasararuw tucuyapjjani, kamakenacaquiw ucanjja jacjjapjjaraquini.

Qullan Arunaca

²² ¡Wal ist'apjjam! ¡Mä yatiyäwiw purini! Amsta tokenquir mä marcat mä jach'a ojjtañaw juti, ucasti Judá orakenquir marcanacjja wasararuw tucuyapjjani, kamakenacaquiw ucanjja jacjjapjjaraquini.

Jeremías 10:22 Jak'a apnaqawi uñst'ayäwi

Isaías 34:13

Reyi utanakapansti, jach'a pirqanakapansa, itapallunakampi, kunayman ch'aphi quranakampiw jilantxani. Qullu anunakan utjäwipaw tukxani, suri jamach'inakan utjäwiparuw tukxani.

Jeremías 1:14

Ukat Tatitux sarakitu: “Amsta tuqitpach jan walt'añanakax aka markan utjir jaqinakxarux jutani.

Jeremías 1:15

Naya, Tatituw uk arsta, amsta tuqinkir marka apnaqäwinakaruw jawsarakï. Reyinakapasti jutasinxa, pachpa Jerusalén marka mantañaruw reyi qunuñanakap uskusipxani, muyuntki uka pirqanakapa uñkatasiru, Judá uraqin utjir taqi markanak nayraqataru.

Jeremías 2:15

¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 4:15

Dan siski uka uraqitpacha, Efraín qullunak tuqit jan wali yatiyäwinakax purini:

Jeremías 4:6

Jerusalén tuqir uñtat wiphal aytapxam; ¡imantasiñ chiqanak thaqtapxam, jan suyapxamti! Nayasti amsta tuqit jach'a t'aqhisiñanakampi, tukjatäñanakampi apayanïxa.

Jeremías 49:33

Hasor markasti wiñayatak ch'usa wasarar tukuyatäniwa, qamaqinakan putuparakïniwa, janipuniw khitis ukan jakañ munkaniti.”

Jeremías 5:15

Tatitux siwa: “Israelitanaka, jayat jutir marka jumanakatak apayanï, wali ch'aman marka, nayratpach utjir marka. Jumanakax parlap janiw yatipktati, kuntix sapki uksa janiw amuyt'apkaraktati.

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Jeremías 6:22

Tatitux siwa: “Amsta jaya uraqinakatpach mä ch'aman markax jutantañatak wakichasiski.

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Lamentaciones 1:4

¡Jerusalén markan thakhinakapax llakiskayawa! ¡Janiw khitis phunchhäwinakar kusisir jutirix utjkxiti! Markan punkunakapasti ch'usa wasarar tukutawa; sacerdotenakax wal jachapxi, tawaqunakas wal llakisipxi, Jerusalén markax walpun t'aqhisi.

Ezequiel 12:19

Aka uraqin jakir jaqinakaru, Jerusalén markan jakirinakaru, taqpach israelita jaqinakarusti sarakim: ‘Tatitux akham siwa: Manq'anakam wali llakisiñampiw manq'apxäta, umañanakamsti wali axsarasaw umapxäta; aka markax jaqinakapan jan walinak lurapxatapat q'ala t'unjata, ch'usarakiw tukuni.

Malaquías 1:3

Esaú chacharusti uñisiyätwa, qullunakap ch'usa wasar tukuyäyäta, uraqinakapsti wasarankir qamaqinakaruw utjasiñapatak katuyäyäta” sasa.