Jeremías 1:5 - Qullan Arunaka DC

⁵ “Jumar jakaña janïr churkäyäsma ukkhatpach ajllissma; jumax janïr yurkäyät ukkhatpach nayax yaqhachassma; markanakan profetapäñamatakiw jumarux uchsma” sasa.

Aymar Bibliia 1986

⁵ “Janïra jumar jacaña churcäyäsma ucqhatpachwa ajllïsma; janïra nascäyäta ucqhatpachwa nayajj yakhachäsma; marcanacan profetapäñamataquiw jumarojj uchsma” sasa.

Qullan Arunaca

⁵ “Janïra jumar jacaña churcäyäsma ucqhatpachwa ajllïsma; janïra nascäyäta ucqhatpachwa nayajj yakhachäsma; marcanacan profetapäñamataquiw jumarojj uchsma” sasa.

Jeremías 1:5 Jak'a apnaqawi uñst'ayäwi

Salmos 139:15

Janchixan jiltatapax juman uñjatänwa, jan khitin uñjkat irnuqatäkäyät ukchañkama, uraq manqhan utjayatäkäyät ukchañkama.

Salmos 139:16

Nayranakamax janchixan lurasitap uñjäna; taqi ukanakasti qillqatamar qillqantatänwa. Jakañ urunakaxax suma jakhutänwa, nayrïr uru janïr purinkipana.

Éxodo 33:12

Moisesasti Tatituruw säna: —Jumax “aka marka irpam” sasaw mayista, ukampis janiw khititix nayamp chik sarkani uk siskistati. Sarakistawa: “Jumar uñt'smawa, munasiñaxaw jumatak utjitu” sasa.

Éxodo 33:17

Tatitusti sarakïnwa: —Kuntix siskta ukxa, lurarakïwa, arsutamar jaysatax layku, nayraqataxan khuyapayasiñax jikxatatam laykuraki —sasa.

Isaías 44:2

Nayätwa jumar irnuqir Tatitumaxa, janïra taykaman purakapat yurkta ukkhatpach jumarux sayt'aysma, ukatsti yanapt'araksma. Jacobun markapa, jan axsaramti, jumätaw nayan luqtirixaxa, nayan ajllisita markaxa,

Isaías 49:1

Jach'a quta tuqinkir markanaka, ist'apxita, jayankir markanaka, wal wal ist'apxita: Janïra nayax yurkta ukkhatpachaw Tatitux nayar jawsitu, nayax, taykaxan purakapankaskäyäta ukkhatpach sutix arsuraki.

Isaías 49:5

Tatituxan nayraqatapansti jach'añchatäñ katuqta, jupaw nayan ch'amañchirixaxa. Tatitusti jupan luqtiripäñaxatakix taykaxan purakapatpach nayar sayt'ayitu, Israel markan kuttanxañapataki, ukatsti jupampi mayakïxañapataki. Jawskitu uka Tatitux akham siwa:

Jeremías 1:10

“Nayaw arunakax lakamar uchta. Jichhax taqi munañanïñ chursma, marka apnaqäwinakxaru, markanakxaru, ukanakar jik'inukuñamataki, tinkuyañamataki, t'unjañamataki, pampa tukuyañamataki, ukhamaraki, wasitat utacht'asin sayt'ayañamataki” sasa.

Jeremías 1:4

Tatit Diosax nayaruw parlxayitu akham sasa:

Jeremías 20:15

Ñanqhachatäpan khititix awkixar yatiykäna mä yuqall wawan yuritapata.

Jeremías 25:13

Uka markxarusti taqi kunatix aka qillqatan utjki, kunanaktix yatiykta taqi ukanak puriyanï; taqi kunanaktix Jeremías profetax nayan sutixar taqi markanakar yatiykäna ukanaka.

Jeremías 36:2

“Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.

Jeremías 50:34

Ukampis qhispiyiripax jach'a ch'amaniwa, sutipasti “Taqi Ch'amani Tatitu” satarakiwa. Jupaw taqi kunsa chiqapar uñjani; markarusti sumankañ apanini, ukampis Babiloniankir jaqinakatakix jach'a axsarkañanak apanirakini” sasa.

Lucas 1:15

aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa.

Lucas 1:41

Kunapachatix Isabelax Marian aruntap ist'kän ukapachaw, Isabelan purakapan wawax unxtäna, ukatsti Isabelax Qullan Ajayumpi phuqt'ataw uñjasïna.

Lucas 1:76

Jumasti, munat wawa, alaxpachankir Diosan profetapa satäyätawa, jumaw Tatitun nayraqatap saräta, thakhinakap wakicharakïta,

Juan 10:36

Dios pachpatix nayar ajllisin akapachar khithanchitu ukaxa, ¿kunatarak jumanakasti “nayax Diosan Yuqapätwa” sataxampi Diosarus ñanqhachkirista ukham amuyapxtasti?

Romanos 1:1

Roma markan iglesiankir munat jilatanaka, kullakanaka: Naya Pablox Jesucriston luqtiripa, apostoluparakïtwa, Diosaw nayar ajllisitu suma yatiyäwi arunak jaqinakar qhanañchañaxataki.

Romanos 8:29

Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.

1 Corintios 8:3

Ukampis maynitix Diosar munchixa, Diosax juparux uñt'iwa.

Efesios 1:22

Taqi kunsa Criston munañanïñaparuw utt'ayi, pachpa Cristoruw iglesian p'iqipat uchawayi.