Jeremías 1:18 - Qullan Arunaka DC

¹⁸ Nayaw jichhax jumarux sayt'aysma, mä suma uyuchrantat markäkasmas ukhama, hierrot lurat sayir pirqäkasmas ukhama, broncet lurat pirqäkasmas ukhama, ukhamat Judá uraqin reyinakaru, jilïrinakaru, sacerdotenakaru, taqi jaqinakar saykatañamataki.

Aymar Bibliia 1986

¹⁸ Nayaw jichhajj jumarojj sayt'aysma, mä suma jach'a perkani marcäcaspas uqhama, mä hierrot sayir perkäcasmas uqhama, broncet lurat perkäcasmas uqhama, take Judá orakempi catuntasiñamataqui: reyinacapampi, jilïrinacapampi, sacerdotenacapampi, uqhamaraqui take jakenacampisa.

Qullan Arunaca

¹⁸ Nayaw jichhajj jumarojj sayt'aysma, mä suma jach'a perkani marcäcaspas uqhama, mä hierrot sayir perkäcasmas uqhama, broncet lurat perkäcasmas uqhama, take Judá orakempi catuntasiñamataqui: reyinacapampi, jilïrinacapampi, sacerdotenacapampi, uqhamaraqui take jakenacampisa.

Jeremías 1:18 Jak'a apnaqawi uñst'ayäwi

Isaías 50:7

Tatituw nayarux yanapaskitu: ukat jaqin jan wali arunakapax chuym jan ust'aykituti; ukatarak nayax mä qarqar uñtat sum sayt'asta, janirakiw p'inqachjatas uñjaskäti.

Jeremías 1:17

Jichhasti jumax ch'amañcht'asim; saram, ukatsti kuntix nayax sisksma taqi ukanak yatiyanim. Jan jupanakarux axsaramti, axsaräta ukapachasti, nayax jupanak nayräxan khathatiyäma.

Jeremías 1:19

Jupanakax walpun juma tuqix sayt'asipxani, ukampis janiw atipjapkätamti. Nayaw jumampïskä jumar imañataki. Naya, Tatituw uk arsta” sasa.

Jeremías 15:10

¡Ay kunakïkan nayatxa, taykaxay, jumaw wawachasista taqinimpi nuwasiñaxataki! Janiw khitirus qullqi mayt'kti, janirakiw nayarus mayt'apkituti, ukampis taqiniw nayarux ñanqhachapxitu.

Jeremías 15:20

Nayasti jumarux aka markatakix broncet lurat jan atipjkay pirqjam tukuyarakïma. Jumarux wal nuwantapxätam, ukampis janiw atipapkätamti, nayaw jumampi chikäskta, jumar qhispiyañataki. Naya, Tatituw uka arunak arsta.

Jeremías 20:11

Ukampis Tatay, jumax nayampïsktawa, nuwasïwin jan atipjkay nuwasir jaqjama; nayar arknaqirinakasti liwisipxaniwa, janiw atipjañatak ch'amanïpkaniti, aynacht'apxaniwa, mä p'inqaw uñjasipxani, wiñayatak p'inqachjatäpxaniwa.

Jeremías 21:4

Israelan Tatitu Diosapax akham siwa: ‘Babiloniankir reyisa, soldadonakapasa Jerusalén markar muyuntasaw nuwantaski. Ukham nuwantatasti, kawkïr soldadonakampitix jumanakax nuwantapkta ukanakax qhiparuw jitt'apxani, ukatsti pachpa marka taypiruw imantasipxarakini.

Jeremías 26:24

Ukampisa, Safán jaqina Ahicam sat yuqapaw Jeremías profetat arxatasis parläna, Jeremiasax markan amparapan jan jiwayat uñjasiñapataki.

Jeremías 34:3

Jumasti amparaparuw jalt'äta, ukatsti janiw qhispkätati; katuntapxätamwa ukatsti juparuw katuyapxätam, jupa nayraqatar uñstayatatsti Babiloniaru apayataw uñjasirakïta.

Jeremías 37:7

jupan sutipxar uka khithanit jaqinakar sañapataki: “Judá uraqinkir reyiru, kawkïritix nayar jiskt'añataki khithanipktam ukarux akham sapxam: ‘Faraonan ejercitopax jumanakar yanapt'iriw jutantaskäna, jichhasti Egipto markaparuw kuttawayxi.

Jeremías 38:18

Ukampis janitix jupanakar katuyaskäta ukapachasti, babilonio ejercitow aka markxa katuntasini, ukatsti ninampiw phichhantani, jumasti janirakiw ukat jaltkätati” sasa.

Jeremías 38:2

“Tatitux siwa: ‘Khititix aka markar qhiparkani ukax nuwasïwina, manq'atjama, jan ukax kunayman usumpiw jiwani. Ukampis khititix aka markat mistuwayxani ukat babilonionakar katuyasxarakini ukax janiw jiwayatäkaniti.’

Jeremías 42:22

Ukhamasti, jichhax sum yatipxam, kawkïr uraqirutix jakir sarapkäta ukanxa, nuwasiñanak utjatap layku, manq'atjam jiwarañ utjatap layku, kunayman usunakan utjatap laykuw jumanakax jiwarapxäta.”

Jeremías 6:27

Tatitusti sarakituwa: “Nayax aka markaxaru yant'añamatakiw jaytsma. Kunjämas sarnaqäwipax uk sum uñjam” sasa.

Juan 1:42

Ukatsti Andresax Simón jilaparuw Jesusan ukar irpäna. Jesusasti jupar uñjasin sänwa: —Jumax Juanan yuqapa, Simón sutinïtawa, ukampis jichhax Cefas sutinïyätawa, ukasti Pedro sañ muni —sasa.

Apocalipsis 3:12

Jan walt'äwinakar atipjirinakaru, nayar iyawsañ chuyma katxäsirinakarux, Diosaxan utapan katxäsir pirqanakapäkaspas ukham tukuyä, janipuniw mayampsa ukat mistkxapxaniti; ukanakaruw Diosaxan sutipsa qillqä, Diosaxan markapan sutipsa qillqarakï, ukasti alaxpachat saraqanir machaq Jerusalenawa; ukanakarusti machaq sutixsa qillqarakïwa.