Jeremías 1:14 - Qullan Arunaka DC

¹⁴ Ukat Tatitux sarakitu: “Amsta tuqitpach jan walt'añanakax aka markan utjir jaqinakxarux jutani.

Aymar Bibliia 1986

¹⁴ Ucat Tatitojj saraquituwa: “Amsta toketpachwa jan walt'añanacajj aca marcan utjir jakenacjjarojj wartasini.

Qullan Arunaca

¹⁴ Ucat Tatitojj saraquituwa: “Amsta toketpachwa jan walt'añanacajj aca marcan utjir jakenacjjarojj wartasini.

Jeremías 1:14 Jak'a apnaqawi uñst'ayäwi

Isaías 14:31

¡Filisteo markanaka, wararipxam, ayquñat wararipxam, mulljasiñatsa khathatipxam! Jichhasti alay tuqit mä ejercitow jutanti jiwq'i qinayar uñtata; soldadonakapasti nuwantañatakix wakicht'atäpxiwa.

Isaías 41:25

Tatitux saskakiwa: “Persia markat mä reyiw juti, nayax sutipat jawsarakta, jupax marka apnaqirinakaruw takxatani. Amsta tuqit purintanini, sañu lurir jaqix ñiq'i taksux ukham taksuni.

Jeremías 10:22

¡Wal ist'apxam! ¡Mä jan wali yatiyäwiw purini! Amsta tuqit mä jach'a ejercitow jutanti, ukasti Judá uraqinkir markanakxa ch'usa wasararuw tukuyani, qamaqinakakiw ukan jakxapxarakini.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 31:8

Nayaw Babilonia markat kuttayanxapxäma, aka uraqi tukusitpach jumanakarux tantachxapxäma. Jumanakampi chikasti juykhunaka, kayu wixchunakaw kuttanxapxani, usur warminakasa, wawachasxapxi ukanakasa, ¡waljanipuniw kuttanxapxani!

Jeremías 4:6

Jerusalén tuqir uñtat wiphal aytapxam; ¡imantasiñ chiqanak thaqtapxam, jan suyapxamti! Nayasti amsta tuqit jach'a t'aqhisiñanakampi, tukjatäñanakampi apayanïxa.

Jeremías 46:20

Egipto markan sumätapax q'ala tukjatäniwa, Babilonia markaw amsta tuqit jutantasin nuwantani.

Jeremías 47:2

“Tatitux akham siwa: Amsta tuqit walja umanakax mantani, jawirat jilarir umanakjama, aka markarusti, kunanakapatix utjki ukanakamppach q'ala chhaqtayi, uka markanakan jakirinakarusa, q'ala chhaqtayaraki. Uka markan jakirinakax taqiniw arnaqasipxi, jaqinakax walpun ayquñat arnaqasipxi.

Jeremías 50:41

“Amsta tuqinkir jaya markanakatpacha, mä jach'a ch'amani markaw jutantaski jupa chikasti walja reyinakaw jutantapxaraki.

Jeremías 50:9

Nayaw amsta tuqinkir ch'aman markanakampi Babilonia markarux nuwantayä. Jupar katuntañatakix wakicht'asipxaniwa. Nuwasiñataki suma yatxatat jaqinakäpxiwa, mich'inakapsti jan pantjasaw antutt'apxi.

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Jeremías 6:22

Tatitux siwa: “Amsta jaya uraqinakatpach mä ch'aman markax jutantañatak wakichasiski.

Ezequiel 1:4

Ukapachaw nayax uñjta, amsta tuqit mä jach'a tutuka thayar uñtat jutaskiri; mä jach'a qinayatsti ninarakiw lliju llijur uñtat mistuskäna, uka qinayarusti mä jach'a qhanaw muytarakïna. Uka nina taypinsti mayaw k'ajaskarakïna, mä suma metaläkaspas ukhamaw llijunïna,

Ezequiel 24:3

Ukatsti aka nayataki sayt'asir markatak aka uñtasïwi arsurakim, jupanakan amuyt'asipxañapataki. Nayan sutixar sarakim: “ ‘Nina patar mä phukhu itxatam, ukarusti umampi warantam;

Joel 2:20

Amsta tuqit jutir t'iju t'ijunaksa jumanakat wasararuw apanukü. Nayraqat saririnakapsti Mar Muerto sat qutan axskatayä, qhipa saririnakapsti Mediterráneo sat jach'a qutan axskatayarakï, janchinakapas ñusantasax jan wal q'aphini. ¡Nayax jach'a luräwinak lurä!”

Zacarías 6:6

Ch'iyar caballonakan qatatit carrox amstankir markaruw sari; janq'u caballonakan qatatit carrosti, jalanta tuqinkir markaruw sari; ch'ikhu caballonakan qatatit carrosti aynachankir markaruw sararaki” sasa.