Isaías 2:2 - Qullan Arunaka DC

² Qhipa urunakan kawkhankkitix Tatitun utapax uka qullux suma sayt'ayatäniwa. Uka qullusti alayarux wali jach'äniwa, taqi qullunakat sipansa wali jach'arakïniwa. Ukarux taqi markanakaw jutapxani;

Aymar Bibliia 1986

² Khepa urunacansti suma sayt'atäjjaraquiniwa, cawqhancquitejj Tatitun templopajj uca kollojja. Wali alto kollüniwa, take kollunacat sipansa wali altoraquïniwa. Take marcanacasti uca kolluruw jutapjjaraquini,

Qullan Arunaca

² Khepa urunacansti suma sayt'atäjjaraquiniwa, cawqhancquitejj Tatitun templopajj uca kollojja. Wali alto kollüniwa, take kollunacat sipansa wali altoraquïniwa. Take marcanacasti uca kolluruw jutapjjaraquini,

Isaías 2:2 Jak'a apnaqawi uñst'ayäwi

Génesis 49:1

Jacobusti wawanakaparuw jawsäna, ukat jupanakar sarakïna: “Jak'achasinipxam, ukatsti kunäkanitix akat qhiparu uk sapxäma:

Job 19:25

Nayax Diosaxan jakaskatap yattwa, jupaw aka uraqin nayan arxatirixäni.

Salmos 102:23

23 (24) Jupaw chika thakhin ch'amaxar thayjtayi, jakañ urunakax juk'aptayaraki.

Salmos 2:8

Jumax nayat mayiskakita: katuqäwimjam markanak katuyxäma, uraq tukuskam apnaqañamatakiw churxarakïma.

Salmos 22:27

27 (28) Taqpach jaqinaka, taqpach markanaka, aka uraqpachan jakir jaqinaka: Tatitut amtasipxam, jupar makhatxapxam; ¡nayraqatapar killt'asipxam!

Salmos 22:28

28 (29) Tatituw reyixa, jupaw taqi markanakarux apnaqi.

Salmos 48:2

2 (3) ¡Qullan jach'a qullux munkayawa, alay tuqin jikxataski uka qulluxa! ¡Taqi akapachan kusisiñapawa! ¡Jach'a ch'aman reyin markapawa!

Salmos 68:17

17 (18) Diosan nuwasiñ carronakapax waranqanakawa; Diosax Sinaí qullut ukanakxat utapar jutanti.

Salmos 72:8

¡Maysa lamar qutat maysa lamar qutkam apnaqpan, Éufrates jawirat qalltasa, aka uraq tukuskama!

Salmos 86:9

Tatay, jumaw taqpach markanak utjaytaxa, jupanakasti jumar yupaychiri, sutim jach'añchiriw jutapxani.

Salmos 87:1

Diosan markapax qullan qullunakxar utt'ayatawa.

Salmos 87:2

Tatitux Jerusalén markarux wal munasi, Israelan taqpach markanakapat sipana.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Isaías 25:6

Taqi ch'aman Tatitusti, taqi markanakatakiw Jerusalén markan mä suma manq'äwi wakichani, suma manq'anakampi, suma vinonakampi.

Isaías 27:13

Uka urunsti mä jach'a trompetaw phust'asini, khitinakatix Asiria markan katuntatäpkän ukanakaxa, Egiptor apayatäpkäna ukanakasa, Tatitur yupaychiriw Jerusalén qullana markar jutapxani.

Isaías 30:29

Ukampis jumanakax q'uchunak ist'apxäta, qullana phunchhäwi arumanjama; chuymamasti wali kusisitäniwa, pinkillun phust'asitaparjam sarnaqkis ukhama, ukhamat Tatitun qullupar sarañataki, Israelan imantasiñ markapar sarañataki.

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 56:5

nayaw jupanakarux wawanakat sipansa juk'ampi sumanak churä, jupanakan sutinakapasti wiñayataki qillqatäniwa, nayan utaxana, pirqanakax taypinsa; wiñay suti juparux churarakï, janipuniw kunapachas uka sutix chhaqtayatäkaniti.

Isaías 56:7

nayax qullana qulluxaruw jupanakarux irpanï, nayar mayisiñ utaxansti k'uchikïpxaniwa. Altaraxan wilañchanak luqtasitanakapsti katuqarakïwa, nayan utaxax taqi markanakatakix Tatitur mayisiñ uta satäniwa.”

Isaías 60:3

Markanakax uka qhanamaruw jutapxani, reyinakas qhantati qhanamaruw jutapxani.

Isaías 65:11

Ukampis jumanaka, khitinakatix Tatitut jayarst'apkta, qullana qulluxatsa armasipxta, Gad, Mení siski uka qamir yänak churiri diosanakaruw manq'sa, vinsa churapxarakta,

Isaías 66:20

Jupanakax taqi markanakat jumanakan marka masinakamarux irpanxapxani, yaqhipanakarux caballonakxata, mayninakarusti carronakxata, mulanakxata, camellonakxat kuna. Jerusalén qullan qulluxanxa, jupanakax nayatak mä waxt'äwjamäniwa, kunjämtix Israelitanakax nayan utaxaru q'uma qirunakar waxt'äwi apanipki ukhama. Naya Tatituw ukham arsta.

Isaías 66:23

Sapa phaxsi qalltana, sapa sábado samarañ urunxa, taqi jaqinakax nayraqatar killt'asiriw jutapxani. Naya Tatituw uk arsta.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 23:20

Tatitun amtäwinakap phuqhasiñapkamasti phiñasiñapax janiw tukuskaniti. Mä uruw jumanakax taqi akanakat amuythapisipxäta, akanakat yatipxarakïta.

Jeremías 26:18

“Ezequiasax aka Judá uraqi apnaqkän uka urunakanxa, Moréset sat chiqat jutir Miqueasaw Tatitun sutipxar taqi jaqinakar yatiyäna, akham sasa: ‘Taqi ch'aman Tatitux akham siwa: Sión qullux mä qhullinukut yapjamaw qhiparani, Jerusalenasti laqayanakjam mayjar willthapitaw uñjasini, Tatitun utapax utachatäki uka qullusti, quranakampi phuqhantataw uñjasini’ sasa.

Jeremías 3:17

Ukapachasti Jerusalén markax Tatitun qunuñapa satäniwa; taqi markanakaw ukan tantacht'asipxani, ukatsti nayaruw jach'añchapxitani, janirakiw chuymanakapan jan wali amtatanakapar arkxapxaniti.

Jeremías 30:24

Tatitun phiñasiñapax janiw tukuskaniti, jupan taqi amtäwinakap phuqhañapkama. Mä uruw jumanakax taqi akanak amuyt'apxäta.

Jeremías 31:12

“Jerusalén markar purinisinsti, kusisiñat q'uchupxani, Tatitut katuqapkani uka askinakat kusisipxani: trigo, vino, aceite, ovejanaka, vacanaka, taqi ukanakata. Suma qarpata muxsa achunak churir yapjamäxaniwa, janirakiw ch'amapas tukuskxaniti.

Jeremías 48:47

Ukampisa tukuyarusti, nayaw Moab markan saräwipxa sumar tukuyxä; naya, Tatituw uk arsta.” Ukaw Moab markataki arsuta Tatitun mutuyäwipaxa.

Jeremías 49:39

Ukampisa, akat qhiparux Elam markan sarnaqäwip sumaruw tukuyarakï. Naya, Tatituw uk arsta.”

Jeremías 51:44

“Babilonia chiqan Bel sat diosarux mutuyarakï, kuntix manq'antkatayna uksa waq'aqsuyäwa, markanakasti janirakiw jupar yupaychirix jutkxapxaniti. ¡Babilonian pirqanakapax liwirtxiwa!

Ezequiel 38:16

ukatsti Israel markaxaruw nuwantäta. Gog, jumasti uka markarux mä ch'iyar qinayäkasmas ukhamaw chhaqtayäta. Uka qhipa urunakansti nayax markaxar nuwantañamatakiw jumar irpanïma, ukhamat juma tuqi yaqha markanakax yatipxani, nayarus uñt'apxarakitani kunapachatix nayax jupanakaru q'uma kankañax uñacht'aykä ukapacha’ sasa.

Daniel (hebreo) 10:14

Jichhasti nayax, kunanakatix markaman akat qhiparu utjkani ukanakat qhanañchiriw jutta, unañchäwi uñjatamax uka urunakat yatiyi’ sasa.

Daniel (hebreo) 2:28

Ukampis mä Diosaw alaxpachan utji, jupax jan amuyt'kayanak qhanañchiriwa, juparakiw juma jach'a reyirux yatiytam kunatix akat qhiparu utjkani taqi ukanaka. Nayaw juma jach'a reyir qhanañchäma kunanaktix ikkasina samkaskta, unañchäwinaksa uñjkarakta taqi ukanakata:

Daniel (hebreo) 2:35

Ukapachasti hierrosa, ñiq'isa, broncesa, qullqisa, qurisa laq'aruw tuküna, kunjämtix jawq'a pachan jawq'sut trigox khuysuski ukhama, thayasti jan akch'sa jilt'ayasaw uk apasxäna. Ukampis uka jaqiru jaqkattir qalasti, mä jach'a qulluruw tukuwayxäna, ukat uka qullux taqi aka uraqpachan phuqhantäna.

Daniel (hebreo) 2:45

Uk sañ muni, qullut jan khitinsa nukt'kat qurumt'ankäna, jach'a jaqir t'unjkarakïna uka qalaxa. Jach'a ch'aman Diosaw juma reyirux uñacht'aytam kunatix akat qhiparu utjkani ukanaka. Uka samkax chiqawa, qhanañchäwipas chiqarakiwa.”

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Zacarías 14:10

Taqpach markax pamparuw tukuni, Jerusalén markat aynach tuqinkir Gueba chiqat qalltasa, Rimón chiqakama. Jerusalén markasti alay qullupankaniwa, ukanarak suman jakasipxani. Benjaminan Punkupata, Ángulo sat Punkukama, ukhamaraki Hananelan pukarapata reyin aceitep ch'irwañäki ukkhakama.

Zacarías 14:9

Uka uruw Tatitux taqi akapach apnaqani. Jupa sapakiw Tatitünixa, sutipasti mä sapakirakïniwa.

Zacarías 8:22

Jerusalén markarusti walja jaqinaka, ch'amani markanakaw jutapxani, taqi ch'amani Tatitur thaqhiri, jupanakatak aski waxt'äwip mayiri.

Zacarías 8:3

Jerusalén markar jakiriw kutt'anï. Ukapachasti Jerusalenax Chiqa Marka satäniwa; taqi ch'amani Tatitun qullupasa Qullan Qullu satarakïniwa.

Malaquías 3:12

Ukatsti taqpach markanakaw jumanakar wali kusisiñan markat uñt'apxätam, munkaya uraqinïpxatam layku. Naya, taqi ch'aman Tatituw arsta”.

Números 24:14

Jichhax markaxar kuttawayxä, ukampis janïr sarkasin, kuntix akat qhipar Israel markax markamar lurkan uk arsuwayä —sasa.

Hechos 2:17

“Tatitux siwa: Tukuya urunakan taqi jaqinakxaruw nayan Ajayux warxatanï; yuqanakamasa, phuchhanakamasa kunatix luraskani ukanak yatiyapxani, waynanakax unañchäwinak uñjapxani, ch'ama qarit jaqinakasti samkanak samkasipxarakini.

2 Timoteo 3:1

Qhipa urunakan jan wali urunakaw jutani, uksti yatiñamawa.

Hebreos 1:2

Aka qhipa urunakansti Yuqap tuqiw parlarakistu, juparuw taqi luratanakap katuyi, jupa tuqi aka uraq luratap layku.

2 Pedro 3:3

Nayraqatax ak amuyt'asipxam: Qhipa urunakan jan wali jaqinakaw sartapxani, jan wali amtataparjamaw sarnaqapxani, jumanakat phiskasisasti,

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 20:4

Ukatsti reyi qunuñanak uñjarakta, uka qunuñanakansti, khitinakatix Jesucriston qhanañchataparu, Diosan yatiyäwipar taqi chuymampi sayt'apxatap layku jiwayat uñjasipkatayna, ukanakaw qunt'atäsipkäna. Jupanakax janiw uka jach'a axsarkañ animalarusa, ukar uñtasit lursutarus yupaychapkataynati, janirakiw chimpupsa paranakaparu, amparanakapar uchayasipkataynati. Jupanakasti jaktapxänwa, Diosasti jupanakar reyi qunuñanak churäna, Cristompi waranqa mara apnaqapxañapataki.