Isaías 17:3 - Qullan Arunaka DC

³ Efrainax Israelan jach'achasiñap markawa, jichhax pirqamp jan muyuntataw uñjasini; Siria markat qhiparir Damasco markas q'ala chhaqtayatäniwa. Ukham siw taqi ch'aman Tatituxa.

Aymar Bibliia 1986

³ Efrainasti, qhititejj Israelan jach'achasiñapäqui ucajj janiw mayampis mä jach'a ch'amani marcapajj utjcjjaniti; uqhamaraquiw Damascosa, cunatejj Siriat kheparqui ucajja, janiw juc'ampi mä reino tucjjaniti. Uqham siw take ch'amani Tatitojja.

Qullan Arunaca

³ Efrainasti, qhititejj Israelan jach'achasiñapäqui ucajj janiw mayampis mä jach'a ch'amani marcapajj utjcjjaniti; uqhamaraquiw Damascosa, cunatejj Siriat kheparqui ucajja, janiw juc'ampi mä reino tucjjaniti. Uqham siw take ch'amani Tatitojja.

Isaías 17:3 Jak'a apnaqawi uñst'ayäwi

2 Reyes 16:9

ukatsti Ahaz reyin mayitaparu ist'asinxa, Damasco markar katuntañatakiw wakt'ayasïna, uka marksti katuntänwa, uka qhipatsti markachirinakaparux Quir sat chiqaruw apanukuyäna, Resín reyirux jiwayarakïnwa.

2 Reyes 17:6

Qhiparusti, Oseas reyix llätunka mara marka apnaqkän ukapachaw, Asiriankir reyix Samaria marka katuntasïna, israelit jaqinakarusti Asiria markaruw katuntat apäna, ukatsti jupanakarux Halah sat chiqaruw utjnuqtayäna, Habor jawir chiqankir Gozán uraqina, ukhamaraki medonakan markanakapana.

Isaías 10:9

Nayatakix Calnó, Carquemis uka markanakax kipkakiwa, Hamat markas Arpad markampix kipkakiwa, Samaria markas Damasco markampix kipkakirakiwa.

Isaías 16:14

Jichhasti Tatitux siwa: “Mä irnaqirin luräwipax kimsa maratakikiwa. Ukat sapxsma, akat kimsa mararusti, Moab markan jach'a kankañapax q'ala tukjatäniwa. Jaqinakapax q'ala jiwarayatäniwa; mä qawqhanikiw jan jiwayat qhiparapxani, uka qhiparirinakasti pisi ch'aman jaqinakkamakïniwa.”

Isaías 17:4

Uka urunxa Jacobun jach'achasiñap Samaria markax jan ch'amaniw uñjasini, qamir kankañapas chhaqtayatäniwa.

Isaías 25:2

Markanaksti qala chhaxwanak tukuytaxa, suma pirqantat markanaksti q'al t'unthaptaxa; uñisirinakan reyi utanakapsa q'al allthaptaxa, janirakiw mayampis utachatäkxaniti.

Isaías 7:16

Ukampis uka wawaxa, janïra kunatix askïki, ukhamaraki jan walïki ukanakat amuykani ukapachaw uka pani reyinakan markanakapax apanukutäni, kawkïri markanakatix jumarux axsarayktam uka markanaka.

Isaías 7:8

Damasco markasti Siria markan qamäwi markapawa, Resín sat chachasti uka Damasco markan reyiparakiwa. Samariasti Israel markan qamäwi markapawa, Pécah sat Remaliasan yuqapasti Samarian reyiparakiwa. Akat paqallq tunka phisqani mararuxa, Israel markax q'ala chhaqtayatäniwa; jumanakatix jan suma iyawsañanipkäta ukapachaxa, janiw suma ch'amani sayt'ayatäpkätati’ ” sasa.

Isaías 8:4

Janïra uka wawax: ‘Tata, mama’ sañ yatkani ukapachaw Asiriankir reyix Damasco, Samaria markanakarux q'al tukjani, jupasti uka markanakan qamir yänakapampiw qhiparxani.”

Oseas 1:4

Ukatsti Tatitux Oseas profetarux sänwa: “Uka yuqall wawarux Jezreel sas suticham, nayasti akat mä juk'a urunakatxa, Jehú reyin wawanakaparux mutuyäwa, Jezreel chiqan jaqinakar jiwarayapxatapata, Israel markansti janiw reyinakax juk'ampi utjkxaniti.

Oseas 1:6

Gómer warmisti wasitat usur jaqiptarakiki, ukatsti mä imill wawa wawachasïna. Tatitux Oseas profetarux sänwa: “Jichhax uka imill wawarux Lo-ruhama sas suticham, ukasti ‘jan khuyapt'ayata’ sañ muni, nayasti Israel markarux janiw juk'ampi khuyapt'aykxäti, janirakiw juchanakapsa pampachkxäti.

Oseas 10:14

jan walt'añanakakiw jumanak taypin utjani, ukatsti taqi sayt'asiña pirqanakamasa tukjatäniwa, kunjämatix Salmán reyix Bet-arbel markaru uka nuwasiñ urun tukjkäna, warminakarus wawanakapamppach jiwaraykarakïn ukhama.

Oseas 3:4

Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Oseas 8:8

¡Israelasti jichhax manq'antatawa! Yaqha markanakasti jan kunatak askïkaspas ukham uñjapxi,

Oseas 9:11

Israelan jach'a kankañapasti, jamach'ir uñtataw sarawayxani. Janiw juk'ampi wawanakas yurkxaniti, janiw usur warminakas utjkxaniti, janirakiw warminakas usur jaqiptkxapxaniti.

Amós 8:14

Samaria markankir k'ari diosanakan sutipxar juramento luririnaka; khitinakatix sapki: ‘Dan markan diosap layku’, ‘Beerseba markan diosanakap layku’ sasa, ukanakax jan mayampi sartañatakiw jiwarapxani.”