Isaías 1:2 - Qullan Arunaka DC

² Alaxpachampi, akapachampi, ist'apxam kuntix Tatitux siski uka: “Wawanak jilarañapkamaw uywasta, ukampis jupanakax nayatakikiw sayt'asxapxi.

Aymar Bibliia 1986

² Alajjpachamp acapachampi, ist'apjjam cuntejj Tatitojj sisqui uca: “Wawanac uywasta jilarañapcama, ucampis jupanacajj nayataquiquiw sayt'asjjapjje.

Qullan Arunaca

² Alajjpachamp acapachampi, ist'apjjam cuntejj Tatitojj sisqui uca: “Wawanac uywasta jilarañapcama, ucampis jupanacajj nayataquiquiw sayt'asjjapjje.

Isaías 1:2 Jak'a apnaqawi uñst'ayäwi

2 Reyes 21:22

Ukham lurasaw jupax nayra awkinakapan Tatit Diosaparu apanuküna, janiw jupan munañaparjam lurkänti.

Salmos 49:1

1 (2) Taqpach markanaka, aka arunak ist'apxam, akapachan jakirinaka, sum ist'apxam,

Salmos 50:4

Diosax alaxpacharu akapacharuw jawsi, markapar taripäwi uñjayañataki.

Isaías 30:1

Tatitusti siwa: “¡Ay, kunakïkan kutkatasir israelit jaqinakatakixa, jan nayar jiskt'asisaw kuns amtapxi, nayan jan amuyt'ayat amtäwinak wakichapxi, juchsa mayampi mayamp lurapxi!

Isaías 30:9

Aka markax Tatitur saykatir markawa, janiw taqi chuymäkiti, Tatitun yatichäwinakapsa janiw ist'añ munkiti.

Isaías 31:6

Israelan wawanakapa, khitirutix chuymap wal ust'ayapkta ukar kuttxapxam.

Isaías 34:1

Markanaka, ist'añatak jak'achasinipxam; jach'a markanaka, wal wal ist'apxam. Taqi akapachan utjirinak ist'pan, kunanakatix achki ukanakamppach ist'arakpan.

Isaías 63:16

¡Jumätaw nanakan awkixaxa! Abrahamax janisay nanakar uñt'apkitpan, Israelax janisay nanakat amtasipkitpan, ukampis Tatay, jumaw nanakan awkixätaxa; nayratpacha jumaw nanakan qhispiyirixätaxa.

Isaías 65:2

Mä uru phuqhatarakiw amparax luqatatat jikxatasta, nayatak sayt'asir markar katuqxañataki, uka markasti jan wali thakhinjam sararaki, pachpa amtatanakapar arkasa.

Jeremías 13:15

Israelitanaka, Tatitux siwa: Jan jach'a jach'a tukupxamti, sum ist'apxam.

Jeremías 22:29

Uraqi, uraqi, uraqi: Tatitun arunakap ist'am.

Jeremías 3:22

¡Nayatak sayt'asir wawanaka, nayan ukar kuttanxapxam! ¡Nayaw ist'asir wawanakar tukuyxapxäma!” sasa. “Tatay, akankapxtwa, jumaruw makhatxapxsma, jumätaw nanakan Tatitu Diosaxaxa.

Jeremías 31:9

Tatitur yuspagarasa, jacht'asisarakiw kuttanxapxani. Nayasti jalir uma thiyanakaruw jupanakar irparakï, jan liwisipxañapatakisti, mä suma khuskhachat thakhinjam irparakï. Nayaw Israelan awkipätxa, jupasti jilïr yuqall wawaxarakiwa.

Jeremías 6:19

Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Ezequiel 24:3

Ukatsti aka nayataki sayt'asir markatak aka uñtasïwi arsurakim, jupanakan amuyt'asipxañapataki. Nayan sutixar sarakim: “ ‘Nina patar mä phukhu itxatam, ukarusti umampi warantam;

Ezequiel 36:4

Ukhamasti, Israelankir jaqinaka, kuna arunaktix Tatitux jach'a qullunakaru, jisk'a qullunakaru, jawiranakaru, qhirwanakaru yatiyki ukanak ist'apxam; Israel uraqin ch'usa wasara tukuyata markanakaru, uka jak'ankir yaqha markanakampi lunthatjatäki, jisk'achañampi uñjatäpki uka markanakax ist'apxpan.

Amós 3:1

Israelitanaka, Tatitun arunakap ist'apxam, Egipto uraqit irpsunki uka markar arsut arunaka:

Miqueas 1:1

Aka yatiyäwinakax kuntix Tatitux Moréset chiqan utjir Miqueas profetarux parlxaykän uka arunakawa. Tatitusti juparux uñacht'äwi tuqiw yatiyäna kunanakatix Samariana, Jerusalenana luraskani ukanakata, ukasti Jotán, Ahaz, Ezequías reyinakax Judá marka apnaqkän uka urunakan yatiyasïna.

Miqueas 1:2

Taqi markanaka, akanak ist'apxam; taqi markpachan utjir jaqinaka, sum ist'apxam: Tatitux qullana utapatpach jumanakatak arsuni.

Miqueas 3:8

Ukampis nayarux Tatitun ajayupawa, ch'amapampi, chiqa kankañampi, jan axsarañampi phuqt'itu, ukhamat Israel markaru Tatitur saykatatapata, jucha luratapatsa qhankatañaxataki.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Hechos 4:20

Nanakax janipuniw amukt'apkiristti kuntix uñjapkta ist'apkarakta ukanakat arsuñxa —sasa.

Deuteronomio 1:31

wasaran lurkän uksa uñjapxarakta ukhama. Jumanakan Tatit Diosamaw kawkha thakhinjamtix jutapkta ukanxa amparapar irpanipxtam, aka chiqar puriniñkama, kunjämatix mä awkix wawapar irpki ukhama.’

Deuteronomio 30:19

Alaxpachampi, akapachampiw qhanañchani; jichhürun nayan jumanakar jakañampita, jiwañampita ajllisiñamatak uñachayataxa; ukhamarak aski waxt'äwimpita, ñanqhachäwimpit ajllisipxañamataki. Ukhamax jakañay ajllisipxam, jumanakasa, wawanakamasa jakapxañamataki;

Deuteronomio 32:1

“Alaxpacha, ist'am, nayaw parlä; uraqi, arunakax ist'am.

Deuteronomio 4:26

alaxpachampi, akapachampiw qhanañchirit sayt'ani, janiw walja urunak Jordán jawira khurkatankir uraqin jakapkätati, jan ukasti taqi jumanakax t'unjataw uñjasipxäta.