Hechos 5:3 - Qullan Arunaka DC

³ Ukat Pedrox Ananiasar säna: —Ananías, ¿kunatarak supayasti chuymamar manti, Qullan Ajayur k'arintañamataki, uraqi aljat qullqit mä chikat imaqañamatakisti?

Aymar Bibliia 1986

³ Pedrojj saraquïnwa: —Ananías, ¿cunats Supayajj chuymamar manti, Kollan Ajayuru c'arintañamataquejja uqhamarac orakem aljat kollket mä chicat imantañamataquisa?

Qullan Arunaca

³ Pedrojj saraquïnwa: —Ananías, ¿cunats Supayajj chuymamar manti, Kollan Ajayuru c'arintañamataquejja uqhamarac orakem aljat kollket mä chicat imantañamataquisa?

Hechos 5:3 Jak'a apnaqawi uñst'ayäwi

Job 22:13

¿Kamisarak sätasti: “Diosax janiw amuyaskiti, jach'a qinayanakaw taripañatak juparux jan uñjaykiti” sasasti? ¿Kamisarak sätasti: “Diosax janiw uñjkiti, alaxpachan mä thiyat mä thiy saranaqaski” sasasti?

Proverbios 20:25

Diosar mä kun churañataki arsuñaxa, wali amuyasiñawa, uka qhipat arsutap phuqhañ jan munaskañataki.

Eclesiastés 5:4

4 (3) Kunapachatix kun lurañatakis Diosar arsüta ukkhaxa, jank'ak uk phuqham, jupax janiw pisi amuyt'anirux munkiti. Kuntix lurañatak arskta uk phuqham,

Isaías 29:15

¡Ay, kunakïkan khitinakatix Tatitut imantasipki ukanakatakixa, jupanakax amtäwinakap Tatitut imantapxi, aruma ch'amakanakan ñanqhanak lurapxi, sapxarakiwa: “Janiw khitisa uñjkistuti, janiw khitis amuykiti!” sasa.

Jeremías 23:24

¿Khitis naya nayräxat imantasispa? Alaxpachansa, akapachansa nayax taqi chiqanktwa. Naya, Tatituw uk sista.

Oseas 11:12

12 (1) “Israel markankirinakax taqi pachan k'arintapxitu; sallqjapxarakitu. Judá markankirinakasti Tatitut jithiqtxapxiwa, jichhasti yaqha diosanakaruw taqi chuyma arkapxaraki.

Números 30:2

2 (3) maynitix mä kun lurañatak Tatitur arsuni, jan ukax, phuqhañatak juramentompi arsuni ukapachasti, uka jaqix arsutap phuqhañapawa, kuntix arski taqi ukanak lurañaparaki.

Mateo 13:19

Khitinakatix Diosan suma yatiyäwip ist'apki ukat janirak amuyt'apki, ukanakax thakhir purkatayna uka jathamp sasiwa; supayasti jutasin chuymapar phawantat arunak apsuwayxi.

Lucas 22:3

Ukapachaw supayax Judas Iscarioten chuymapar mantäna, jupasti tunka payan yatiqirinakat maynïrïnwa.

Juan 13:2

Supayasti niyaw Simonan Judas Iscariote yuqapan chuymapar Jesusar aljantañ amta uchatayna. Jesusasti Diosat jutatap sum yatïna, ukatsti Diosar kutt'xañapa, Awkin taqi munañanïñ kankañ churatapsa yatirakïnwa; manq'kipansti, Jesusax sartasin patxa isip apsusïna, ukatsti ajanu phiskhurasiñ isimpiw wak'antasïna.

Juan 13:27

Judasan uka t'ant'a katuqipansti, supayax jank'akiw chuymapar mantäna. Jesusasti sarakïnwa: —Kuntix lurañamäki uk jank'ak luram —sasa.

Hechos 5:2

Uka chachasti, warmipamp arust'asisax, aljat qullqit imaqäna, ukat jilt'ir qullqik apostolunakar churäna.

Hechos 5:4

¿Janit uka uraqisti jumankkänsti? Aljstaxa, ¿janit uka qullqix jumankkarakïnxa? ¿Kunatarak akham lurañ amttasti? Chiqpachansa, janiw jaqinakar k'arintktati, jan ukasti Diosaruw k'arinttaxa —sasa.

Hechos 5:9

Pedrosti saskakïnwa: —¿Kunatarak jumanakasti Tatitun Ajayupar yant'añatak ukham yatichasipxtasti? Uñtam, chachaman amayap imt'irinakax ukaxay jutasipki, jichhasti jumarurakiw apapxätam —sasa.

Deuteronomio 23:21

21 (22) “Tatit Diosamar mä kun phuqhañatak arsupxäta ukaxa, jank'akiw phuqhapxäta, jan phuqhapkasma ukaxa, Tatit Diosamax wayt'apxiristamwa, juchañchataw uñjasipxarakisma.

Santiago 4:7

Ukhamasti Diosaruy jaysapxam. Supayampisti q'iwtasipxam, jupasti jumanakat jaltxaniwa.

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.