Hechos 2:3 - Qullan Arunaka DC

³ Ukatsti nina lawranakjamaw sapa maynxan uñstäna.

Aymar Bibliia 1986

³ Ucatsti sapa maynjjana lajjrar uñtata ninanacaw uñstaräna.

Qullan Arunaca

³ Ucatsti sapa maynjjana lajjrar uñtata ninanacaw uñstaräna.

Hechos 2:3 Jak'a apnaqawi uñst'ayäwi

Génesis 11:6

ukatsti sänwa: “Jupanakax mä sapa markakïpxiwa, mä sapa laxrak parlapxaraki, ukatpï uka lurañ qalltapxixa, jichhasti jupanakarux janiw kunas uk lurañ jark'kaspati.

Salmos 55:9

9 (10) Tatay, jupanakarux tukjam, amtäwinakapsa t'unjam, nuwasiñampi uñisisiñampik jupanak taypin uñjta,

Isaías 6:5

Nayasti sarakïyätwa: “¡Ay, kunakïkan nayatakixa, jichhax jiwapunïwa! Nayraxampiw taqi ch'amani Tatitu Reyirux uñjta, nayasti jucharar jaqïtwa, jucharar jaqinak taypin jakarakta” sasa.

Mateo 3:11

Nayasti, chiqpachansa umampiw bautisapxsma, ukhamat jumanakax Tatitur kutikipstapxatam uñacht'ayañataki; ukampis khititix nayat qhipa jutki ukax Qullan Ajayumpi, ninampiw bautisapxätam. Jupasti nayat sipan juk'amp ch'amaniwa, nayasti janirakiw jupan wiskhup apañatakis askïkti.

Mateo 3:15

Jesusasti ukxarux sarakïnwa: —Jichhax ukhamäpan sama, wakisiw Diosan munañap phuqhañasaxa —sasa. Ukat Juanax Jesusar bautisäna.

Lucas 24:32

Jupanakasti purapat sasipxäna: —¿Janit chuymanakasax ninjam aqkänsti qillqatanakat thakhin qhanañchkistän ukkhasti? —sasa.

Hechos 1:15

Ukürunakansti niya patak pä tunkan jilatanakaw tantacht'asipxäna. Pedrosti jupanak taypin sayt'asisin säna:

Hechos 2:11

mayninakax yurïwitpach judiöpxiwa, yaqhipanakasti judionakan iyawsäwipar kutikipstirinakarakiwa. ¡Taqiniw Diosan jach'a muspharkañ luräwinakapat arunakasatkam parlir ist'apxtan! —sasa.

Hechos 2:2

Ukatsti akatjamat alaxpachat ist'asïna ch'aman thayasa purintankaspa ukhama. Uka thayasti kawkhantix jupanakax tantachatäpkän uka utaruw phuqhantäna.

Hechos 2:4

Jupanakasti taqpachaniw Qullan Ajayump phuqt'at jikxatasipxäna, ukatsti yaqha arunakat parlañ qalltapxäna, Qullan Ajayux parlaykän ukhamarjama.

1 Corintios 12:10

Yaqhipanakax muspharkañanak lurañatakiw ch'am katuqapxi, yaqhipanakasti profecía arunak yatiyañatakiw mä churäwi katuqapxi. Yaqhiparux Diosax aski ajayunaka, ñanqha ajayunak uñt'añ ch'ama churi, yaqhipanakarusti yaqha arunakat arsuñ ch'ama churaraki; ukhamarus yaqhipanakarux uka yaqha arunakat arsutanak qhanañchañ ch'ama churi.

Santiago 3:6

Kuna arunaktix laxrasamp arsktan ukax ninamp sasiwa. Laxrasax ñanqhanak lurañatak wali ch'amaniwa, jakañasarus janiw walt'aykistaspati, ukatsti manqhapachan nakharaksna.

Apocalipsis 11:3

Nayasti pani profetanakaruw khithanï nayan chiqpach yatiyäwix parlapxañapataki. Jupanakarusti chhankha isinakampi isthapit khithanï, profecía arunak uka waranqa pä pataka suxta tunkani urun yatiyapxañapataki” sasa.

Apocalipsis 14:6

Ukxarusti yaqha angelaruw alaxpachan tuyunaqaskir uñjta, jupasti wiñay suma yatiyäwi apt'atänwa, uraqin jakir jaqinakar yatiyañataki, taqi markanakaru, kunayman jaqinakaru, kunayman parlan jaqinakar yatiyañatakiraki.