Hechos 2:2 - Qullan Arunaka DC

² Ukatsti akatjamat alaxpachat ist'asïna ch'aman thayasa purintankaspa ukhama. Uka thayasti kawkhantix jupanakax tantachatäpkän uka utaruw phuqhantäna.

Aymar Bibliia 1986

² Ucatsti acatjamatwa alajjpachat ist'asïna mä jach'a thayan thayt'atapjama. Uca thayasti uca utpacharuraquiw phokhantäna, cawquintejj jupanacajj kont'atäpcäna ucaru.

Qullan Arunaca

² Ucatsti acatjamatwa alajjpachat ist'asïna mä jach'a thayan thayt'atapjama. Uca thayasti uca utpacharuraquiw phokhantäna, cawquintejj jupanacajj kont'atäpcäna ucaru.

Hechos 2:2 Jak'a apnaqawi uñst'ayäwi

1 Reyes 19:11

Ukat Tatitux jupar säna: “Anqar mistunim, ukatsti qullu patxan nayraqataxan sayt'asim” sasa. Ukapachaw Tatitux uka chiqa sarakipawayäna, ukatsti mä jach'a wali ch'aman thayaw qullu allinuküna, qarqanaksti Tatitun nayraqatapan jaljtayarakïna; ukampis Tatitux janiw uka thayankkänti. Uka thaya qhipatsti mä uraqi khathatiw utjarakïna; ukampis Tatitux janiw uka uraqi khathatinkkänti.

Salmos 18:10

10 (11) Mä chhiqhanin chhiqhapxaruw qunxatäna, thayampi chikaw chhiqhanakap patanjam jaltäna.

Cantar de los cantares 4:16

Amsta thaya, ¡sartasim! Aynach thaya, ¡aksar thayt'anim! ¡Panqar yapuxar thayt'anipxam, suma q'aphinakap taqi tuqir phusanukupxam! Munasitaxay, panqar yapumar jutam, suma muxsa achunakap manq'asim.

Isaías 65:24

Janïraw jupanakax jawsapkitaniti, ukkhax niyaw nayax jupanakar jaysä; janïraw parlañsa tukuyapkaniti, ukkhax niyaw jupanakar ist'ä.

Malaquías 3:1

Taqi ch'aman Tatitux siwa: “Nayaw yatiyirixa khitanï, jupaw nayatak thakhi wakichani. Jumanakax thaqhapkta uka Tatitux, akatjamat utaparux mantanini. ¡Arust'äwir mantat yatiyirix niyaw purisinki!”

Lucas 2:13

Ukspachaw uka angelamp chikax alaxpachan walja angelanakax uñstäna, jupanakasti Diosaruw yupaychapxäna akham sasa:

Juan 3:8

Thayax kawksatsa thayt'anikiwa, thayt'atapsa ist'askam, ukampis janiw yatktati kawksat jutatapsa, kawksar saratapsa. Ukhamarakiw Ajayut yuritanakaxa —sasa.

Hechos 2:3

Ukatsti nina lawranakjamaw sapa maynxan uñstäna.

Hechos 2:6

Jach'a thayjam thayt'anitap ist'asinsti, walja jaqinakaw ukawjar tanthaptanipxäna, jupanakasti janiw kunätapsa amuyapkänti, sapa mayniw iyawsirinakar kipka arunakapat parlir ist'apxäna.

Hechos 4:31

Tatitur mayisiñ tukuyasinsti, tantachasipkän ukawjax khathatïnwa; taqiniw Qullan Ajayumpi phuqt'at uñjasipxäna, ukatsti jan axsarasaw Diosan arup yatiyapxäna.

1 Pedro 1:12

Ukampis Diosax jupanakaruxa, kuntix yatiyapkäna ukax jan jupanakatakïtapa, jan ukasti jiwasatakïtap amuyt'ayarakïna. Ukatpï jichhax, jumanakarux uka pachpa arunak khitinakatix parlapktam jupanak tuqi yatiyataxa. Jupanakasti alaxpachat khithanit Qullan Ajayun ch'amapampiw parlapxaraktamxa. Angelanakasti ukanak uñjañ munapxarakïnwa.