Génesis 7:11 - Qullan Arunaka DC

¹¹ Payïr phaxsitsti, tunka paqallqun uruw saraqxäna. Noé chachasti ukapachax suxta patak maranïnwa. Uka pachpa uruw manqhankir jach'a qutan jalsunakapax phalläna, alaxpachatsa jallux walipuniw purintäna.

Aymar Bibliia 1986

¹¹ Payïri phajjsitsti, tunca pakallkon uruw sarakjjaraquïna. Noesti ucapachajj sojjta pataca maranïnwa. Uca quipca uruw mankhanquir jach'a kotan jalsunacapajj phalläna, alajjpachatsa jallojj walipuniw purinïna.

Qullan Arunaca

¹¹ Payïri phajjsitsti, tunca pakallkon uruw sarakjjaraquïna. Noesti ucapachajj sojjta pataca maranïnwa. Uca quipca uruw mankhanquir jach'a kotan jalsunacapajj phalläna, alajjpachatsa jallojj walipuniw purinïna.

Génesis 7:11 Jak'a apnaqawi uñst'ayäwi

Génesis 1:7

Ukatsti ukhamapunïnwa. Diosasti umanak jaljtayir uchäna, ukhamat mä chikat uman aynachankañapataki, mä chikat umasti alayankañapataki.

Génesis 6:17

Nayasti mä jach'a jallu apayanï, uka jallun umapaw taqpach uraqi chhaqtayani, aka uraqin taqi kunatix jakki uksa q'al tukjani. Aka uraqin jakirinakas taqiniw jiwarapxani.

Génesis 7:6

Kunapachatix umax aka uraqi chhaqtaykän ukkhasti, Noé chachax suxta patak maranïnwa.

Génesis 8:14

Payïr phaxsina, pä tunka paqallqun uru saraqatarusti, uraqix suma wañäxänwa.

Génesis 8:2

lamar qutan jalsunakapasa, alaxpachan punkunakapas jist'antasxänwa. Jallux janiw purkxänti,

2 Reyes 7:19

Reyin yanapiripasti profetarux sataynawa: “Tatitux alaxpacha ventananaksa jist'arasinkpan, janiw ukax luraskaspati” sasa. Eliseosti ukxaruw jupar satayna: “Jumax pachpa nayranakamampiw uñjäta, ukampis janiw uk manq'kätati” sasa.

2 Reyes 7:2

Reyin yanapiripasti ukxaruw profetar säna: —Tatitux alaxpachat ventananak jist'arankaspa ukasa, janiw kuntix sisktas ukax luraskaspati —sasa. Ukampis Eliseox saskakïnwa: —Jumax pachpa nayranakamampiw uñjäta, ukampis janiw uk manq'kätati —sasa.

Job 12:15

Jupatix jallun purxatañap jark'xäschi ukaxa, pampanakax taqpachaw wañsuwayxi; jallu apayanki ukkhasti, taqi uraqpachaw umampi phuqhantat uñjasi.

Job 28:4

Mä wiskat warkuqtasin uraq manqhanakaruw mantapxi; qarqanak p'iyantapxi, kawki chiqantix jaqis jan sarnaqki uka chiqana, markanakat jayana.

Job 38:16

¿Jumax jach'a quta manqhanakkam manttati, kawkhattix jach'a qutanakax sartanki uk uñjtati?

Job 38:37

¿Khitirak wali ch'ikhi kankañani qinayanak jakht'añatakisti? ¿Khitirak uka qinayanakat jalluyanirakispa,

Salmos 33:7

Jupaw lamar quta umanak mayawjaruk tantthapi.

Salmos 74:15

Jumaw uma jalsunaksa, jawiranaksa jalsuytaxa, jumaw jan wañsur jawiranak wañt'aytaxa.

Proverbios 3:20

Yatiñ kankañampiw lamar quta jaljtayi, yatiñ kankañampiw qinayanakat jallu purxatayani.

Isaías 24:18

Jiwayirinakat jaltirixa, p'iyaruw jalantani, uka p'iyat misturisti sipitaruw jalt'ani. Alaxpachatsti jallux walipuniw purxatanini, aka uraqin qalltanakapas khathatirakiniwa.

Isaías 24:19

Aka uraqisti axsarkañaw khathatini, khathatisinsti jisk'a jisk'aw tukusini.

Jeremías 5:22

Naya, Tatituw jiskt'apxsma: ¿Janit jumanakax nayar axsarapkista? ¿Janit naya nayraqatan khathatipkta? Nayaw quta thiy uskta, jach'a qutatakix qurpapäkaspas ukhama, uka qurpsti janiw jach'a qutax llumikipankaspati. Mathapinakapas inamayakiw ukan sartaski, qhuthutiskaraki, ukampis janiw umax jilarankaspati.

Jeremías 51:16

Jach'a arupampiw alaxpachanak wal qhuthutiyi, qinayanakarusti jayanakat sarthapiyani, jach'a lliju llijunak taypina, jach'a thayanak sartayasin Tatitux jallu purintayi.

Ezequiel 26:19

Tatitusti akham sarakiwa: “Jumarusti q'ala t'unjat apanuküma, jan jaqinakan markaruw tukuyäma. Jach'a qutankir umanakampiw chhaqtayäma,

Malaquías 3:10

Sapa tunkat maya churañamäki uksti nayan utaxar apanipxam, ukhamat manq'añax utaxan utjañapataki. Jichhax yant'apxita, nayaw jumanakaru alaxpach ventananak jist'arasin jilarkir suma waxt'äwinak apayanipxäma.

Mateo 24:38

Uma juicio janïr purinkän uka urunakanxa, jaqinakax manq'asipkänwa, umasipkänwa, jaqichasisipkarakïnwa, Noé chachan arcar mantañapkama.

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.

2 Pedro 3:6

Ukhamarak uma taripäwimpi uka urunakan utjir jaqinakar Tatitun mutuyatapsa.