Génesis 6:9 - Qullan Arunaka DC

⁹ Noé chachan sarnaqäwipax akhamänwa. Noé chachax aski jaqïnwa, Diosar jaysasapuniw sarnaqirïna. Jaqinak taypinsti, jupa sapakiw Diosan munañaparjam sarnaqäna.

Aymar Bibliia 1986

⁹ Acaw Noen sarnakäwipajja. Noesti wali suma jakënwa, Diosar jaysasapuniw sarnakaraquirïnjja. Jakenac taypinsti jupa sapaquiw Diosan munañaparjamajj sarnakäna.

Qullan Arunaca

⁹ Acaw Noen sarnakäwipajja. Noesti wali suma jakënwa, Diosar jaysasapuniw sarnakaraquirïnjja. Jakenac taypinsti jupa sapaquiw Diosan munañaparjamajj sarnakäna.

Génesis 6:9 Jak'a apnaqawi uñst'ayäwi

Génesis 10:1

Uma taripäwi qhipatsti, Noé chachan Sem, Cam, Jafet yuqanakapax wawanakanïnwa. Jupanakan wawanakapasti akanakänwa:

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 2:4

Ukhamaw alaxpachana, akapachan lurasïwipaxa. Kunapachatix Tatit Diosax alaxpacha, akapacha lurkatayna ukapachaxa,

Génesis 48:15

Ukatsti aka arunakampiw Josear aski waxt'äwinak churäna: “Abraham achachilaxana, Isaac awkixan Diosapawa, yurïwixatpach irpaskitu.

Génesis 5:1

Diosax jupar uñtasit jaqirux luräna.

Génesis 5:22

Henoc chachasti Tatit Diosan munañaparjamapuniw sarnaqäna. Matusalén wawapan yuritapatsti, Henoc chachax kimsa patak maranakampiw jakaskäna, yuqanakani, phuchhanakani kuna;

Génesis 5:24

Henoc chachan Tatit Diosan munañaparjam sarnaqatapatxa, mä uruw chhaqtxäna, Tatiturakiw juparux irpasxatayna.

Génesis 6:10

Noé chachax kimsa wawanïnwa, Sem, Cam, Jafet satäpxänwa.

Génesis 7:1

Uka qhipatsti Tatitux Noé chacharuw sarakïna: “Taqi jaqinak taypin juma sapakiw aka pachan nayan munañaxarjam sarnaqtaxa. Uka layku, jichhax wila masinakamamp arcar mantam.

2 Samuel 22:24

Jan kamskayaw nayraqatapan sum sarnaqta, ñanqha lurañat jithiqtasta.

1 Reyes 3:6

Salomonasti ukxaruw säna: “Tatay, juman luqtirima David awkixarux wali suma chuymampiw uñjäyätaxa, jupax juma nayraqataman chiqa aski chuymampiw sarnaqäna, taqi kunan jaysarakïyätam. Ukat jumax wali khuyapayasiñampi jupar uñjaraktaxa, mayni yuqaparusa reyi qunuñaparuw qunt'asiytaxa, kamisatix jichhürun uñjaski ukhama.

2 Crónicas 15:17

Israelan qullu patanakapan utjkäna uka yupaychañ utanakax janis tukjatäkchïn ukasa, Asá reyix taqi chuymaw Tatitur arkäna,

2 Crónicas 25:2

Amasías reyin luratanakapax Tatit nayraqatan askïnwa, ukampis janiw suma chiqa chuymampi sarnaqkänti.

Job 1:1

Uz sat chiqan mä chachaw utjäna Job sutini. Jupasti aski, chiqa jaqïnwa, Diosar axsartirïnwa; ñanqha lurañatsa jithiqtatarakïnwa.

Job 1:8

Ukat Tatitux juchañchir angelar sarakïna: —¿Job luqtirixar uñjaniwaytati? Janiw khitis jupjamax uraqin utjkiti. Jupax chiqap jakiri aski jaqiwa, Diosar axsartiri, jan wali lurañat jithiqtatawa —sasa.

Job 12:4

Mä urunakan, Diosar art'askäyät ukapachaxa, jupax mayisitaxar ist'apunitänwa; ukampis jichhax, masinakaxamppachaw nayat larusipxitu; nayax jan kuna juchanïkta ukasa, taqiniw nayat sawkasipxitu.

Salmos 37:37

Aski jaqir sumpach uñtam: jutir jakañapax sumankañ jakañawa.

Salmos 37:39

Aski jaqinakax Tatitut yanap katuqapxi, juparakiw jan walt'añ urunakan arxatiripaxa.

Proverbios 4:18

Aski jaqinakan sarnaqäwipax willjta qhanjamawa; urutatañkamaw juk'at juk'at qhanti.

Eclesiastés 7:20

Ukatsipana, akapachan janiw khitis jan juch luras aski jaqix utjkiti.

Ezequiel 14:14

Uka markantix Noé, Daniel, Job chachanakax jakapxaspaxa, uka kimsanikiw aski jaqïpxatapat qhispipxaspa. Naya, Tatituw uk arsta.

Ezequiel 14:20

ukantix Noé, Daniel, Job chachanakax jakapxaspa, ukapachax janiw yuqanakaparusa, phuchhanakaparus qhispiyapkaspati; jupanak sapakiw aski jaqïpxatapat qhispiyasipxaspaxa. Naya, Tatituw jakañax layku juramentompi uk arsta.

Habacuc 2:4

Kunatix qillqañamäki ukax akawa: ‘Ñanqha jaqinakax jach'a jach'aw tukupxi, ukampis aski jaqinakax Tatitur chiq arkatapampiw jakapxani’ sasa.”

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Lucas 2:25

Khä urunakansti Jerusalén markan mä chachaw utjäna Simeón sata. Jupax Dios chuyma aski jaqïnwa, Israel markan qhispiyasiñap suyt'askäna. Qullan Ajayusti jupampïnwa,

Lucas 23:50

Mä suma aski jaqiw utjäna, Judea uraqinkki uka Arimatea markankir José sata. Jupax judionakan Jach'a Tantachasïwipan maynïrïnwa. Joseasti Diosan qhapaq markap suyt'askäna, jupasti kuntix Jach'a Tantachasïwix lurkatayna ukampix janiw kunapachas “walikiw” siskänti,

Hechos 10:22

Jupanakasti ukxaruw sapxäna: —Cornelio capitanaw khithanipxitu. Jupax aski jaqiwa, Diosar axsartas sarnaqir jaqirakiwa, judío jaqinak taypin sumat uñt'ata, taqinin munatawa. Diosan mä angelapaw jupar uñstasin satayna: “Utamar Pedro irpayanim, jupax siskätam uk sum ist'äta” sasa.

Romanos 1:17

Ukampis Diosan suma yatiyäwi arunakapax kunjäm tuqis Diosax aski jaqinakar tukuyistaspa uk uñacht'ayistu: qalltat tukuykamax iyawsäwi tuqikiwa. Qillqatanakax akham siwa: “Aski jaqix iyawsäwi laykukiw jakani” sasa.

Gálatas 3:11

Qhanakïskiwa, janiw khitis kamachi phuqhatap laykux Diosan nayraqatapan askit katuqatäkiti; Qillqatan akham siwa: “Aski jaqix, iyawsäwi laykuw jakani” sasa.

Deuteronomio 18:13

Jumanakasti Diosampix chiqa chuymampipuniw sarnaqapxäta.

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.

2 Pedro 2:5

Janirakiw Diosax nayra jaqinakarus pampachkänti, jan ukasti, uka jan wali jaqinakxarux uma taripäwi puriyanïna. Noé saparukiw qhispiyäna, chiqa arunak parlatapata, jupamp chikasti paqallqunikiw qhispipxäna.