Génesis 50:3 - Qullan Arunaka DC

³ Pusi tunk urunakaw qullirinakax q'apkir qullanakamp uka amayar jawsupxäna, ukkha urunakarakiw wakisïna mä jiwat amayar q'apkir qullanakamp jawsuñaxa. Egiptonkir jaqinakasti paqallq tunka uruw Jacobun jiwatapat jachapxäna,

Aymar Bibliia 1986

³ Pusi tunca ururaquiw kollirinacajj tardapjjäna uca amaya embalsamañanjja, uqha urunacaraquiw chekpachansa munasejja mä jiwat amaya embalsamañataquejja. Egiptonquir jakenacasti pakallko tunca ururaquiw Israelatjja lutt'asipjjäna.

Qullan Arunaca

³ Pusi tunca ururaquiw kollirinacajj tardapjjäna uca amaya embalsamañanjja, uqha urunacaraquiw chekpachansa munasejja mä jiwat amaya embalsamañataquejja. Egiptonquir jakenacasti pakallko tunca ururaquiw Israelatjja lutt'asipjjäna.

Génesis 50:3 Jak'a apnaqawi uñst'ayäwi

Génesis 50:10

Jordán jawir jak'ankir Atad sata chiqar purisinsti, taqpachaniw Jacobun jiwatapat jachapxäna, Joseasti ukan paqallqu urunakaw awkipat jachäna.

Génesis 50:4

uka urunak qhipatsti, Joseax faraonan jach'a utapankirinakampiw parläna, sarakïnwa: —Jumanakatix chiqpachan munapxchista ukaxa, faraonar akham sarapipxita,

Números 20:29

Israelitanakasti Aaronan jiwatap yatisinxa, kimsa tunka uruw jupat jachapxäna.

Deuteronomio 21:13

Ukxarusti uchatäkän uka isip apsusisin machaq isimpiw uchasini, ukatsti uka utan jakiriw qhiparxarakini. Awkiparu, taykapar jaytjanitapatsti, mä phaxsiw jachani; ukanak qhipatsti, israelit jaqix uka warmimpiw jaqichasxani; ukatsti chacha warmïxapxaniwa.

Deuteronomio 34:8

Israelitanakax Moab wasaran kimsa tunka uruw Moisesat jachapxäna, ukhamat jiwatapat jachaña, llakisiñ urunak phuqhasa.