Génesis 50:10 - Qullan Arunaka DC

¹⁰ Jordán jawir jak'ankir Atad sata chiqar purisinsti, taqpachaniw Jacobun jiwatapat jachapxäna, Joseasti ukan paqallqu urunakaw awkipat jachäna.

Aymar Bibliia 1986

¹⁰ Cunapachatejj Goren-ha-atad sisqui uca chekar puripjjän ucqhasti, ucajj Jordán jawirat inti jalsu tokenquiwa, ucqhanwa mä suma jach'a tantachasïwi lurapjjaraquïnjja. Ucanwa Joseajj awquipatjja pakallko uru lutt'asiraquïnjja.

Qullan Arunaca

¹⁰ Cunapachatejj Goren-ha-atad sisqui uca chekar puripjjän ucqhasti, ucajj Jordán jawirat inti jalsu tokenquiwa, ucqhanwa mä suma jach'a tantachasïwi lurapjjaraquïnjja. Ucanwa Joseajj awquipatjja pakallko uru lutt'asiraquïnjja.

Génesis 50:10 Jak'a apnaqawi uñst'ayäwi

Génesis 27:41

Ukürut uksaruw Esaú chachax, Jacob jilapar uñisïna, awkipan jupar aski waxt'äwinak churatapata, jupasti akham amtarakïna: “Awkixax niyaw jiwxani; uka qhipat Jacob jilaxarux jiwayä” sasa.

Génesis 50:11

Uksa tuqin jakir cananeo jaqinakasti ukham jachir uñjasax sapxänwa: “Egiptonkirinakax wali sum mä amay imt'asiñ yatipxatayna” sasa. Ukat uka chiqarux “egipcionakan jachañ pampa” sas sutichapxäna.

Génesis 50:3

Pusi tunk urunakaw qullirinakax q'apkir qullanakamp uka amayar jawsupxäna, ukkha urunakarakiw wakisïna mä jiwat amayar q'apkir qullanakamp jawsuñaxa. Egiptonkir jaqinakasti paqallq tunka uruw Jacobun jiwatapat jachapxäna,

Génesis 50:4

uka urunak qhipatsti, Joseax faraonan jach'a utapankirinakampiw parläna, sarakïnwa: —Jumanakatix chiqpachan munapxchista ukaxa, faraonar akham sarapipxita,

Génesis 50:9

Joseamp chikasti, jaqinakax carretanakata, caballonakat sarapxäna, jaqix waljapunïnwa.

2 Samuel 1:17

Davidax jacht'asisaw Saúl reyimpina, Jonatán yuqapampin jiwatapat aka q'uchu q'uchüna,

2 Samuel 11:26

Uriasan warmipasti, chachapan jiwatap yatisin wali llakt'ataw uñjasïna;

1 Crónicas 10:12

taqi jan axsarir jaqinakax mayaki sum amtasisinxa, Saúl reyimpina, yuqanakapampin jiwat janchip katusax Jabés markaruw apasxapxäna. Ukansti encina sat quqa thiyaruw jiwat janchinakap imt'xapxäna. Ukatsti paqallq uruw ayuno lurapxäna.

Job 2:13

Ukatsti Job chachamp chikaw qunt'asipxäna. Jupanakasti paqallqu urumpi paqallqu arumampiw ukankapxäna, janirakiw mä arsa arsupkänti Job chachan t'aqhisitapan sinti jan walïtap layku.

Eclesiastés 12:5

amsta chiqanakax axsarañ churani, thakhinsti chijinakaw utjani. Almendro alix panqarañ qalltani, t'iju t'ijusti jan walt'añ utjayani, alcaparra alix janiw kunatakis askïkxaniti. Ukampis jaqix wiñay utjasïwiparuw sarxani, jiwatat jachirinakax niyaw marka thakhinakan ist'asi.

Números 19:11

“Maynitix jiwat jaqin amayap llamkt'anixa, paqallqu uruw q'añut uñt'asini.

Números 20:29

Israelitanakasti Aaronan jiwatap yatisinxa, kimsa tunka uruw jupat jachapxäna.

Hechos 8:2

Estebanarusti Dios chuyma jaqinakaw imt'xapxäna, jupat wal jachapxarakïna.

Deuteronomio 1:1

Aka arunak Moisesax taqpach Israel markar parläna, kunapachatix jupanakax Cadés-barnea sat moabita markan jikxatasipkän ukapacha, Arabá sat wasarana, Jordán jawirat inti jalsu tuqinkir Suf chiqa uñkatasina. Uka jak'an Parán, Tófel, Labán, Haserot, Dizahab markanakax jikxatasi.

Deuteronomio 34:8

Israelitanakax Moab wasaran kimsa tunka uruw Moisesat jachapxäna, ukhamat jiwatapat jachaña, llakisiñ urunak phuqhasa.

1 Samuel 31:13

Ukatsti amayanakan qhillapxa, Jabés chiqan mä quqa k'uchuruw imt'xapxäna. Ukatsti paqallqu uruw llakisiñat ayunapxäna.