Génesis 5:29 - Qullan Arunaka DC

²⁹ uka wawaparusti Noé sasaw sutichäna, sarakïnwa: “Tatit Diosaw aka uraqirux ñanqhachi, yapuchañasatakisti wali ch'ama tukuñasawa; ukampis aka wawaw uka ch'ama tukutasatxa samarayxistani” sasa.

Aymar Bibliia 1986

²⁹ uca wawaparusti Noé sasaw sutichäna, saraquïnwa: “Tatitu Diosaw aca orakerojj maldici, yapuchañasataquisti wali ch'ama tucuñasawa; ucampis aca wawaw samarayistani” sasa.

Qullan Arunaca

²⁹ uca wawaparusti Noé sasaw sutichäna, saraquïnwa: “Tatitu Diosaw aca orakerojj maldici, yapuchañasataquisti wali ch'ama tucuñasawa; ucampis aca wawaw samarayistani” sasa.

Génesis 5:29 Jak'a apnaqawi uñst'ayäwi

Génesis 5:28

Lámec chachax pataka kimsaqallq tunk payan maranïnwa kunapachatix wawapax yurkän ukkhaxa,

Génesis 5:30

Noen yuritapatsti, Lámec chachax patak llätunk tunk phisqan marampiw jakaskäna, ukatsti walja yuqall wawani, imill wawanakanïnwa;

Génesis 7:23

Khitinakatix Noé chachampi arcankapkän jupanakakiw qhispipxäna, ukat uksarusti, jaqisa, uywañ animalanakasa, jamach'inakasa, uraqinjam qatatnaqtir animalanakas q'ala tukjataw uñjasipxäna.

Génesis 9:24

Noé chachasti machatap apaqtayasisin sartxasinxa, kuntix sullka yuqapax jupar lurkatayna uk yatisax

Isaías 54:9

Tatitusti Israel markarux siwa: “Uma juiciompi aka uraq q'al chhaqtaykäyäta ukkhaxa, Noé chacharux mä juramentompiw akham sas arsüyäta: ‘Janipuniw mayampsa aka uraqirux uma juiciompi mutuykxäti’ sasa. Uka kipkarakiw jichhax juramentompi arsta, jumampix janipuniw mayampsa phiñaskxäti, janirakiw mayampsa axsaraykxämati.

Ezequiel 14:14

Uka markantix Noé, Daniel, Job chachanakax jakapxaspaxa, uka kimsanikiw aski jaqïpxatapat qhispipxaspa. Naya, Tatituw uk arsta.

Ezequiel 14:20

ukantix Noé, Daniel, Job chachanakax jakapxaspa, ukapachax janiw yuqanakaparusa, phuchhanakaparus qhispiyapkaspati; jupanak sapakiw aski jaqïpxatapat qhispiyasipxaspaxa. Naya, Tatituw jakañax layku juramentompi uk arsta.

Mateo 24:37

“Kunjämatix Noen urunakapan luraskatayna ukhamarakiw Jaqin Yuqapax jutkani ukkhax lurasini.

Lucas 3:36

Selahsti Cainanan yuqapänwa, Cainanasti Arfaxadan yuqapänwa, Arfaxadasti Seman yuqapänwa, Semasti Noen yuqapänwa, Noesti Lamecan yuqapänwa,

Romanos 8:20

Kuna amtampitix akapachax luratäkäna ukax janiw phuqhaskiti, janiw akapachan munatap laykuti, jan ukasti Diosaw ukhamäñapatak wakichatayna; ukampis suyt'äwipax utjaskapunïnwa,

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.

1 Pedro 3:20

Uka ajayunakasti nayrax jan ist'asir tukupkäna ukanakänwa, kunapachatix Noé chachax arca lurkän ukkhaxa, Diosax jupanakaruw suyt'askäna jupar jaysapxañapataki. Uka arcansti kimsaqallqunikiw umamp mutuyatäñat qhispipxäna.

2 Pedro 2:5

Janirakiw Diosax nayra jaqinakarus pampachkänti, jan ukasti, uka jan wali jaqinakxarux uma taripäwi puriyanïna. Noé saparukiw qhispiyäna, chiqa arunak parlatapata, jupamp chikasti paqallqunikiw qhispipxäna.