Génesis 5:22 - Qullan Arunaka DC

²² Henoc chachasti Tatit Diosan munañaparjamapuniw sarnaqäna. Matusalén wawapan yuritapatsti, Henoc chachax kimsa patak maranakampiw jakaskäna, yuqanakani, phuchhanakani kuna;

Aymar Bibliia 1986

²² Enocasti Diosan munañaparjamapuniw sarnakäna. Matusalenan nacitapatsti, Enocajj quimsa pataca maranacampwa jacascäna, yokanacani, phuchanacani cuna.

Qullan Arunaca

²² Enocasti Diosan munañaparjamapuniw sarnakäna. Matusalenan nacitapatsti, Enocajj quimsa pataca maranacampwa jacascäna, yokanacani, phuchanacani cuna.

Génesis 5:22 Jak'a apnaqawi uñst'ayäwi

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 24:40

Jupasti sarakituwa: “Nayax Tatitun thakhipan sarnaqawayta, jupaw mä angelap khithanini, saräwiman yanapañapataki, ukhamat wila masix taypita, awkixan wila masinakap taypit mä warmi wawaxatak irpaniñamataki.

Génesis 48:15

Ukatsti aka arunakampiw Josear aski waxt'äwinak churäna: “Abraham achachilaxana, Isaac awkixan Diosapawa, yurïwixatpach irpaskitu.

Génesis 5:21

Henoc chachax suxta tunk phisqan maranïnwa, kunapachatix Matusalén wawapax yurkän ukapachaxa.

Génesis 5:23

ukhamasti kimsa patak suxta tunk phisqan maranakaw jakäna.

Génesis 5:24

Henoc chachan Tatit Diosan munañaparjam sarnaqatapatxa, mä uruw chhaqtxäna, Tatiturakiw juparux irpasxatayna.

Génesis 6:9

Noé chachan sarnaqäwipax akhamänwa. Noé chachax aski jaqïnwa, Diosar jaysasapuniw sarnaqirïna. Jaqinak taypinsti, jupa sapakiw Diosan munañaparjam sarnaqäna.

1 Reyes 2:4

Tatitusti kuntix nayar arsuwaykitu uk phuqharakini: “Wawanakamatix naya nayraqataxan chiqa kankañampi, taqi chuymampi, taqi jakañapampirak sum sarnaqapxani ukkhaxa, janipuniw wila masim taypit Israel markan reyi qunuñankañax tukuskaniti” sasa.

2 Reyes 20:3

“Tatay, achikt'assmawa, nayat amtasikitaya, nayax chiqa chuymampi, kunatix jumar kusisiyktam ukhamarjamaw luqtawaysma” sasa. Ukatsti jupax walpun jachäna.

Salmos 116:9

Aka uraqin jakkasax Tatitur jaysasapun sarnaqä.

Salmos 128:1

Tatitur axsartir jaqix kusisiñaniwa, Tatitur jaysir jaqix kusisiñaniwa.

Salmos 16:8

Nayax Tatitumpi chikapuniw sarnaqaskta; jupaw kupi tuqixanki, janiw kunas tinkuykitaniti.

Salmos 26:11

Sarnaqäwixasti jan kun kamskayawa; ¡nayar qhispiyasita, nayat khuyapt'ayasita!

Salmos 56:13

13 (14) jiwañat nayar qhispiyatam layku, tinkuñat nayar jark'aqatam layku, Diosan nayraqatapansti jakañ qhanan sarnaqañaxataki.

Salmos 86:11

Tatay, thakhimay uñacht'ayita, jan saraqtas arkañaxataki. Chuymaxasti sutim waqaychirïpan.

Éxodo 16:4

Ukat Tatitux Moisesar säna: —Nayax alaxpachat t'ant'a jalluyanï, jaqinakax sapüruw apthapisipxani, qawqhatix uka urutak wakiski ukhamarjama. Ukhamat nayax uñjä arunakaxar jaysirïpxatapsa, jan jaysirïpxatapsa.

Cantar de los cantares 1:4

¡Jank'akiy jumamp chik irpita! ¡Reyixay, utamar irpita! Jumampix wali k'uchikïñäniwa; munart'asiñamatsti vinot sipansa juk'amp amtasiñäni. ¡Ukat warminakax wal munasipxtam!

Oseas 14:9

9 (10) Yatiñani, ch'ikhi jaqinakas aka arunak amuyt'apxpan: Tatitun thakhipax chiqapawa, chiqa jaqinakakiw ukanjam sarapxi; ukampis ñanqha jaqinakax uka thakhin liwisipxiwa.

Levítico 26:12

jumanak taypinpun sarnaqasï, nayax jumanakan Diosamäyäwa, jumanakasti nayan markaxäpxätawa.

Amós 3:3

Mä amtakïsipki ukkhaw jaqix panini suma sarnaqapxixa;

Miqueas 4:5

Yaqha markanakax pachpa diosanakaparuw jaysapxi, ukampis jiwasanakax Tatit Diosasarupuniw jaysañäni.

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Malaquías 2:6

Leví sacerdotex kunatix chiqapäki uk yatichäna, janirakiw lakapan ñanqha parlañax utjkänti. Nayampisti sumana, aski samarañan jakarakïna, waljanirurakiw jucha lurañat jithiqtayäna.

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Hechos 9:31

Ukapachasti jach'a samarañaw iglesianakan utjxäna, Judeana, Galileana, Samaria uksa tuqinakana. Jupanakasti wali ch'amaniw tukxapxäna. Tatitur axsarasaw sarnaqapxäna, Qullan Ajayun ch'amapampisti, waljaniptapxarakïnwa.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

1 Corintios 7:17

Kunjämäskpansaya, sapa mayniw Tatitun churäwinakaparjam jakañapa, kunjämtix Diosax jupar jawski ukhamarakïñapawa. Nayax aka yatichäwi taqi iglesianakar churta.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Efesios 5:15

Ukhamasti wali amuyumpi sarnaqapxam. Janiy pisi amuyunjamax jakapxamti, jan ukasti ch'ikhi kankañampi jakapxam.

Deuteronomio 13:4

4 (5) Tatit Diosam saparukiw arkapxäta, jach'añchapxarakïta, kamachi arunakap phuqhapxam, arunakap ist'apxam, juparu yupaychapxam; jupamp chikt'atapun jakapxarakim.

Deuteronomio 28:9

“Jumatix kamachi arunakap phuqhäta, thakhipanjam arkarakïta ukkhaxa, Tatit Diosamax jupatak yaqhachat marka tukuyätam, kamisatix juramentomp arsuwayktam ukhamarjama.

Deuteronomio 5:33

Tatit Diosamax uñacht'ayapktam uka thakhinjam sarapxam, katuqapkäta uka uraqin walja maranak jakapxañamataki.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

Colosenses 4:5

Tatitur jan iyawsirinakampisti, suma amuyt'ampi sarnaqapxam, sapa kuti ukham lurañ utjkipansa, askinak lurapxam.

1 Tesalonicenses 4:1

Jichhasti jilatanaka, aksti Tatit Jesusan sutipxaruw achikt'apxsma, iwxt'apxaraksma: nanakat yatiqapkista ukarjamay Diosar kusisiyañatak jakapxam, kamisatix niy jakapkta, ukat juk'amp sum jakapxarakim.

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.