Génesis 49:9 - Qullan Arunaka DC

⁹ ¡Jumasti Judá, wawaxa! Mä león qallur uñtatätawa; katuntatapar manq'antasaxa, uraqir alintasaw liwnuqtaraki, mä jach'a leonäkaspas ukhama. ¿Khitirak sartayaspasti?

Aymar Bibliia 1986

⁹ ¡Jumasti, Judá wawajja! Jumajj mä león kallur uñtatätawa, cunapachatejj catuntatapar mank'antjje uqhama, ucapachajj alt'asiwa, orakeruw liwnoktaraqui, mä jach'a leonäcaspas uqhama. ¿Qhitirac fastidiaspa?

Qullan Arunaca

⁹ ¡Jumasti, Judá wawajja! Jumajj mä león kallur uñtatätawa, cunapachatejj catuntatapar mank'antjje uqhama, ucapachajj alt'asiwa, orakeruw liwnoktaraqui, mä jach'a leonäcaspas uqhama. ¿Qhitirac fastidiaspa?

Génesis 49:9 Jak'a apnaqawi uñst'ayäwi

1 Reyes 10:20

Ukxarux tunka payan sayt'at leonanakaw utjarakïna, suxta makhatañanak thiyana. ¡Janipuniw kawkha markansa ukham suma qunuñ lurapkataynati!

2 Crónicas 9:18

Reyi qunuñasti suxta makhatañ patillanïnwa, kayu takt'asiñapasa qurit luratänwa, qunuñan purap thiyapansti ampar ayxatasiñaw utjäna, uka jak'ansti pä sayaskir leonanakaw utjäna.

Ezequiel 19:5

Uka tayka leonasti ukham suyt'äwipa ina ch'usar tukutap uñjasinxa, león qallunakapat yaqharuw irptasini, ukarusti uywsurakiwa.

Oseas 5:14

Kunjämatix mä leonax wal qhurutasixa, ukhamaw nayax Israel markampiru, Judá markampirux qhuruchasis katjarakï; naya pachpaw jisk'a jisk'a tukjä, janirakiw khiti arxatt'iris utjkaniti.

Oseas 5:4

Yaqha diosanakaruw yupaychapxtaxa, janiw nayarux jumanakan Diosamat katuqapkistati, janirakiw jucha luratanakamatsa kutikipstanipktati.

Miqueas 5:8

8 (7) Ukapachasti, walja markanak taypinxa, Jacobun markapat jilt'irinakax ch'umi manqha laq'unak taypin mä leonjamäniwa, kunjämatix leonax ovej tama taypinkasaxa, katurasin q'al tukjkixa, janiraki maysa ukhamaki jilt'aykiti ukhamäniwa.

Números 23:24

Aka markax axsarkañ leonar uñtataw sartasi, katjatapar manq'antañkamax janiw samarkaniti, uñisirinakapar atipjat uñjañkamax janiw samarkaniti” sasa.

Números 24:9

Samarañatak winkt'aski uka leonar uñtata ukhamätaw jumax, Israel. ¡Janiw khitis sartayañ yant'kaspati! ¡Jumar jach'añchirix, jach'añchataw uñjasini, jumar ñanqhachirix, ñanqhachataw uñjasini!” sasa.

1 Corintios 15:24

Uka qhipat aka uraqin tukusiñapax purinini, ukapachaw Cristox taqi munañaninakaru, marka apnaqir jilïrinakaru, ch'aman kankañaninakar t'unjani, ukatsti Dios Awkiruw marka apnaqañ katuyxani.

Deuteronomio 33:20

Gad ayllurusti sarakïnwa: “¡Diosax jach'añchatäpan, jach'a uraqinak jumar churatapata! ¡Leonar uñtataw katuntañatak suyxattaxa! Jumax suma uraqinak kattaxa, Tatitur taqi kunan jaysatamata, chiqa kankañamp Israel markan uñjatamata” sasa.

Apocalipsis 5:5

Ukampis uka jilïrinakat maynïriw akham situ: “Jan juk'ampi jachkxamti, uñtam, Judá ayllunkir Leonaw atipji, jupax Davidan jathapat saraqiriwa, jupax ch'amaniw uka qillqat jist'arañataki, uka paqallqu sellonak ch'iyarañatakisa” sasa.