Génesis 49:25 - Qullan Arunaka DC

²⁵ ¡Awkiman Diosapax yuspagaratäpan, jupaw yanapirimaxa! ¡Taqi ch'aman Diosax yuspagaratäpan jupaw askinak churaskätam! ¡Alaxpacha askinakampi! ¡Jach'a quta manqhankir askinakampi! ¡Wawanak uywir taykanakan askinakapampi!

Aymar Bibliia 1986

²⁵ ¡Awquiman Diosapajj yuspagaratäpan, jupaw yanapascätam; take ch'amani Diosaw bendiciscätam! ¡Alajjpacha bendicionanacampi! ¡Jach'a kota mankhanquir bendicionanacampi! ¡Walja wawanïña bendicionanacampi!

Qullan Arunaca

²⁵ ¡Awquiman Diosapajj yuspagaratäpan, jupaw yanapascätam; take ch'amani Diosaw bendiciscätam! ¡Alajjpacha bendicionanacampi! ¡Jach'a kota mankhanquir bendicionanacampi! ¡Walja wawanïña bendicionanacampi!

Génesis 49:25 Jak'a apnaqawi uñst'ayäwi

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 27:28

Diosay jumarux alaxpach jallu apayanpan, suma achu churir uraqsa churpan. Walja trigompi, walja vinomp jumar churarakpan.

Génesis 28:13

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Génesis 28:21

awkixan utaparus sumakirak kuttayxitani ukapachax, chiqpachansa Tatitux Diosaxäniwa.

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 32:9

9 (10) Ukatsti Diosat mayisïna: “Tatay, Abraham achachilaxan Diosapa, Isaac awkixan Diosapa, jumaw uraqixar kuttayanista, wila masinakaxan ukarusa; jumarakiw taqi kunansa yanapaskista.

Génesis 35:11

Tatitux saskakïnwa: “Nayätwa taqi ch'aman Diosaxa; wawanakamasa, wawanakaman wawanakapas waljapunïpan. Jumat mä jach'a markax mistuni, walja markanakasa, wawanakam taypinsti reyinakaw utjani.

Génesis 35:3

Jank'ak Betel uraqir sarxañäni, ukan nayax mä altar sayt'ayä, kawkïr Diosatix nayaru llakisiñaxan jikxataskasin yanapt'kitäna, ukhamarak kawkirutix sarkta ukan nayamp chikäskäna uka Diosar yupaychasa.

Génesis 43:23

Uka jilïr jaqisti sarakïnwa: —Suyt'apxakim, jan llakisipxamti. Jumanakampina, awkimampin Diosapaw uka qullqxa costalanakamar uchpacha, nayasti kuntix jumanakax churapkatäta uka qullqxa katuqtwa —sasa. Jilïr jaqisti Simeonaruw irpsuwayäna, ukatsti kawkhankkäntix jilanakapax ukkharuw irpäna.

Génesis 48:3

Josearusti akham sarakïna: —Taqi ch'aman Diosaw nayarux Canaán uraqinkir Betel markan uñstitu, ukatsti aka arunakampiw aski waxt'äwinak churitu:

Salmos 84:11

11 (12) Diosaw qhan churistu, imarakistu; jan kamskay askin jakirinakarux, jupaw khuyapayasiñampi, aytat kankañampi churi, Tatitux taqi kun churi.

Salmos 85:12

12 (13) Tatit pachpaw jallu apayanini, uraqisasti sum achurakini.

Éxodo 18:4

Maynïr wawapasti Eliézer satarakïnwa; Moisesasti akham sarakitayna: “Awkixan Diosapaw nayar yanapitu, faraonan espadapatsa qhispiyarakitu” sasa.

Mateo 6:33

Ukhamasti, nayraqatax Diosan qhapaq markap thaqhapxam, kunatix jupan nayraqatapan chiqäki ukarak lurapxam, ukatsti taqi yänakax churatakïsipkätawa.

Efesios 1:3

Jesucristo Tatitusan Dios Awkipax jach'añchatäpan, Cristonkatas laykux jupaw alaxpachat ajay waxt'äwinak churanistu.

Deuteronomio 33:1

Moisesax Diosar luqtir mä jach'a profetänwa. Janïra jiwkasin jupax israelitanakar aski arunak arsüna,

Deuteronomio 8:17

“Janirak ukatxa chuymanakaman amuyapxamti: ‘Taqi aka yänak ch'amasampiw jikxatasisktan’ sasa.

Filipenses 4:19

Ukhamax taqi kunatix jumanakan jan utjkani uksti, Diosaxaw jumanakar churapxätam, Jesucriston qhapaq qamir kankañapax utjki ukarjama.

1 Timoteo 4:8

Janchin jalnaqas ch'amachasiñax janchin k'umaräñapatakix askipuniwa, ukampis Tatitur chuyma katuyañatak ch'amachasiñaw taqi kunat sipan askixa, ukasti akapachan jakañatakiw yanapi, jutir pachan jakañatakisti yanaparakiwa.