Génesis 49:22 - Qullan Arunaka DC

²² “Jumasti, José, uma thiyan wali achuri alir uñtatätawa, pirqa patanakaruw layminakapas alintaraki.

Aymar Bibliia 1986

²² “Joseasti mä uma jac'anquir alir uñtatawa, wali achuri alir uñtata, ramanacapasti perka patanacaruw misturaqui.

Qullan Arunaca

²² “Joseasti mä uma jac'anquir alir uñtatawa, wali achuri alir uñtata, ramanacapasti perka patanacaruw misturaqui.

Génesis 49:22 Jak'a apnaqawi uñst'ayäwi

Génesis 41:52

Ukxankir wawaparusti Efraín sutimpiw ucharakïna, jupasti sarakïnwa: “Diosaw nayarux wawanak apayanitu, t'aqhiskta uka markana” sasa.

Génesis 46:27

Josean wawanakapasti paninïnwa, jupanakasti Egipton yuripxarakitayna. Ukhamasti Jacobun wila masinakapax paqallqu tunkaniw Egipto markar puripxäna.

Génesis 48:1

Mä qawqha pachatsti, Joseax awkipan sinti usutätap yatisin, jupax Manasés, Efraín wawanakap irpt'ataw awkipar tumpt'ir saräna.

Génesis 48:15

Ukatsti aka arunakampiw Josear aski waxt'äwinak churäna: “Abraham achachilaxana, Isaac awkixan Diosapawa, yurïwixatpach irpaskitu.

Génesis 48:16

Jupaw angelapar khithanirakitu walja ñanqhanakat nayar imiri. Jupay aka pä wawarux aski waxt'äwinak churpan. Sutixasti jupanak tuqi amtatäpan, Abraham achachilaxan sutipasa, Isaac awkixan sutipasa. Jupanakasti walja wawanakanïpxpan, aka uraqinsti waljanirurak tukupxpan” sasa.

Génesis 48:5

Jichhaxa, janïra nayax Egiptor purinkta ukapacha yuripki uka Efrainampi, Manasesampix, nayankxiwa, kunjämatix Rubén, Simeón wawanakax nayankkitu ukhama.

Génesis 49:23

Jan wali ñanqha jaqinakax nuwantapxtamwa, mich'inakampiw jumar antutt'anipxtam,

Salmos 128:1

Tatitur axsartir jaqix kusisiñaniwa, Tatitur jaysir jaqix kusisiñaniwa.

Salmos 128:3

Uta manqhimansti, warmimax wali achur uva alir uñtatäniwa; wawanakamasti manq'añawjamar muyuntataxa, külltanir olivo alinakar uñtatäniwa.

Salmos 80:10

10 (11) Ch'iwipax qullunak imt'äna, layminakapasti jach'a quqanakaruw imt'arakïna.

Ezequiel 19:11

Layminakapasti wali thurunakaw jilantxäna, reyinakan thujrup lurañatakjama, ukham jilatapampisti qinayanakkamaw purïna. Yaqha alinakat sipan wali jach'aw tuküna, walja layminïtap laykusti taqinin uñjkañänwa.

Oseas 13:15

Israel, inas wasitat qamiriptchisma, ukampis nayax q'al t'unjäma, kunjämtix wasarat sartankis uka thayax uma jalsu phuch'unaksa q'al wañt'ayki ukhama. Ukatsti uñisirinakamax suma imasitanakam q'al katuntasxapxani.