Génesis 49:18 - Qullan Arunaka DC

¹⁸ “¡Tatay, qhispiyasiñam suyaskaktwa!

Aymar Bibliia 1986

¹⁸ “¡Tata, khespiyasiñamwa suyt'ascta!

Qullan Arunaca

¹⁸ “¡Tata, khespiyasiñamwa suyt'ascta!

Génesis 49:18 Jak'a apnaqawi uñst'ayäwi

Génesis 49:17

Dan chachasti mä katarir uñtatäniwa, thakhi jak'anakan liwisiskir katariru, caballon kayu wintup achjiri, caballon lat'xatat jaqirusa qhipäxat liwiqtayiri.

Salmos 119:166

Tatay, nayar qhispiyañam suyt'askta, kamachi arunakamarjamaw sarnaqta.

Salmos 119:174

Tatay, ¡nayarux qhispiyakitaya! ¡Yatichäwinakamampix kusisitätwa!

Salmos 119:41

Tatay, khuyapayasiñamay uñacht'ayita, qhispiyäwimax arsutamarjamay purinitpan.

Salmos 123:2

Achikt'asiñ chuymampiw Tatit Diosaxarux uñtapxta, Tatitun khuyapayasiñap suyasa, uywatanakax uywiripat suyapki ukhama, uywat warmix uywiripat suyki ukhama.

Salmos 130:5

Taqpach ajayuxampiw Tatitur suyt'askta, taqpach chuymaxampiw arunakapar iyawsta.

Salmos 14:7

¡Israel markan qhispiyasiñapax Jerusalén markatpach jutakispa! Tatitux t'aqhisiyat markapar kusisiykan ukapachaxa, Jacobun wawanakapax kusisiniwa, Israel markpachaw kusisirakini.

Salmos 40:1

1 (2) Nayax Tatituruw taqpach chuymaxamp suyt'ta: jupasti naya tuqir alt'anisin arnaqasitax ist'itu;

Salmos 62:1

1 (2) Dios sapanak ajayuxax samarañ jikxati; qhispiyasiñaxax jupat juti.

Salmos 62:5

5 (6) Nayax Dios sapanak samarañ jikxatta, suyt'añaxax jupat juti.

Salmos 85:7

7 (8) Tatay, ¡munasiñam uñacht'ayapxita, qhispiyapxarakita!

Éxodo 15:2

Q'uchuxax Tatitutakiwa, jupaw ch'amañchirixaxa, qhispiyirixasa. Jupaw Diosaxaxa, juparuw yupaycharakï; jupaw awkixan Diosapaxa, juparuw jach'añcharakï.

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Isaías 25:9

Uka urunsti satarakïniwa: “Akapï jiwasan Tatitusaxa, juparuw iyawstan, juparakiw qhispiyistu, kusisipxañäni, k'uchirt'asipxañäni, jupaw qhispiyistu.”

Isaías 30:18

Ukampis Tatitux jumanakat khuyapayasiñatakiw suyasipktam, jupax walipuniw munasiñap uñacht'ayañ munapxtam, Tatitusti khuyapayasiri chiqap Diosarakiwa. ¡Jupar suyt'irinakax kusisiñanïpxiwa!

Isaías 33:2

Tatay, nanakat khuyapt'ayasipxita, jumarukiw suyt'apxsma. Sapa qhantatiy ch'ama churapxita, jan walt'añansti yanapt'apxitaya.

Isaías 36:8

Jichhax mä arust'äwir Asiriankir reyimpi mantam, jupax nayan jilïrixawa; nayax pä waranqa caballonak churäma, inach ukanakataki jaqinak jikxatäta.

Isaías 8:17

Tatitux Jacobun markapatak phiñasitäkchi ukasa, nayax khuyapayasiñaparux iyawsaskakipuntwa, jupakiw nayan suyt'añaxasa.

Lamentaciones 3:25

Tatitux jupar iyawsirinakatakix askiwa, jupar jak'achasipki ukanakatakisa.

Oseas 12:7

7 (8) Tatitux siwa: “Canaán jaqinakax k'ari tupuñanak apnaqañ yatipxi, sallqjañ munapxapuniwa.

Miqueas 7:7

Ukat nayax Tatitur suyt'añar uchasta, jupaw nayan qhispiyirixaxa, jupa Tatitusti nayarux ist'itaniwa.

Mateo 1:21

Mariax mä yuqall wawa wawachasini, juparusti JESÚS sasaw sutichäta, juparakiw markaparux juchapat qhispiyani” sasa.

Marcos 15:43

Ukxarusti Arimateankir Joseaw jutäna, jupasti Jach'a Tantachasïwi taypin mä jilïrirakïnwa, jupas Diosan qhapaq markap suyarakïna. Jupax jan axsarasaw Pilaton ukar mantäna, ukatsti Jesusan amayap mayïna.

Lucas 1:30

Ukat angelax juparux säna: —María, jan axsaramti, jumax Diosan nayraqatapan khuyapayasiñap jikxattaxa.

Lucas 2:25

Khä urunakansti Jerusalén markan mä chachaw utjäna Simeón sata. Jupax Dios chuyma aski jaqïnwa, Israel markan qhispiyasiñap suyt'askäna. Qullan Ajayusti jupampïnwa,

Lucas 2:30

Nayraxampiw Qhispiyirirux uñjta,

Romanos 8:19

Akapachan taqpach jakirinakaw suyt'aski, kunürutix Diosan wawanakapätasax qhanañchatäkani uka.

Romanos 8:25

Ukampis kuntix suyapktan uktix janïr uñjapkstanxa, llamp'u chuymampiw suyt'apxañasa.

Gálatas 5:5

Ukampis jiwasanakanxa, Ajayu tuqi, iyawsañ tuqitarakiw, Diosan nayraqatapan katuqatäñ suyt'äwisax utjistu.

1 Tesalonicenses 1:10

Diosan Jesús Yuqapar alaxpachat kutiniñap suyapkta ukanakata, juparusti Diosaw jiwatanak taypit jaktayäna. Jesusasti, jutkani uka axsarkañ mutuñat qhispiyistu.