Génesis 49:1 - Qullan Arunaka DC

¹ Jacobusti wawanakaparuw jawsäna, ukat jupanakar sarakïna: “Jak'achasinipxam, ukatsti kunäkanitix akat qhiparu uk sapxäma:

Aymar Bibliia 1986

¹ Jacobosti wawanacaparuw jawsäna, ucatsti saraquïnwa: “Jac'achasinipjjam, cunatejj acat kheparojj lurascani uc sapjjäma:

Qullan Arunaca

¹ Jacobosti wawanacaparuw jawsäna, ucatsti saraquïnwa: “Jac'achasinipjjam, cunatejj acat kheparojj lurascani uc sapjjäma:

Génesis 49:1 Jak'a apnaqawi uñst'ayäwi

Salmos 105:15

Jupax sänwa: “Ajllitanakaxarux jan llamkt'apxamti, profetanakaxarus janirak t'aqhisiyapxamti” sasa.

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Isaías 2:2

Qhipa urunakan kawkhankkitix Tatitun utapax uka qullux suma sayt'ayatäniwa. Uka qullusti alayarux wali jach'äniwa, taqi qullunakat sipansa wali jach'arakïniwa. Ukarux taqi markanakaw jutapxani;

Isaías 22:14

Ukampisa taqi ch'aman Tatitux nayaruw uñstitu, ukatsti sarakituwa: “Janipuniw uka jucha luratanakap pampachkäti; jan ukasti jumanakax jiwarapxätawa” sasa. Aka arunakax taqi ch'aman Tatitun arunakapawa.

Isaías 39:6

‘Mä uruw purinini, kunatix reyi utaman utjki, kunanaktix nayra awkinakamas imapkän ukanakax Babiloniar apatäniwa. Janirakiw akarux kunas qhiparkxaniti.

Isaías 48:14

Ukhamax israelitanaka, jichhax tantacht'asipxam, ist'apxarakim: ¿Khitis jumanakatxa kunatix lurasiñapäkän uk yatiyixa? Kawkïr jaqtix nayax ajlliskta ukaxa Babiloniarux jan waliruw tukuyani, caldeo jaqinakarus uka kipkarak lurani.

Isaías 53:1

Isaías profetasti siwa: ¡Janipuniw khitis yatiyäwinakasar ist'apkiti! ¡Janirakiw khitis Tatitun ch'amap uñjkiti!

Jeremías 23:20

Tatitun amtäwinakap phuqhasiñapkamasti phiñasiñapax janiw tukuskaniti. Mä uruw jumanakax taqi akanakat amuythapisipxäta, akanakat yatipxarakïta.

Daniel (hebreo) 10:1

Persia markankir Ciro reyin kimsa mara marka apnaqäwipan, Danielax khititix Beltsasar satäkaraki ukax, mä chiqpach unañchäwi uñjäna, uka unañchäwisti janiw amuyt'añjamäkänti. Ukampis Danielax wali amuyumpiw ukanak uñjäna, ukatsti uka uñjäwin qhanañchäwip amuyt'arakïna.

Daniel (hebreo) 10:14

Jichhasti nayax, kunanakatix markaman akat qhiparu utjkani ukanakat qhanañchiriw jutta, unañchäwi uñjatamax uka urunakat yatiyi’ sasa.

Daniel (hebreo) 2:47

Danielarusti sarakïnwa: —Chiqpachapuniw jumanakan Tatitumax taqi diosanakan Diosapaxa; ¡taqi reyinakansa reyipawa! Jupax taqi kun yati, ukat jumax aka jan amuyt'kay samksa qhanañcharakistaxa —sasa.

Amós 3:7

Tatitux janipuniw kunsa lurkaspati profeta luqtirinakapar jan yatiykasaxa.

Miqueas 4:1

Qhipa urunakanxa, kawkhankkitix Tatitun utapax uka qullux suma sayt'ayatäniwa. Uka qullusti taqi qullunakat sipansa wali jach'äniwa. Taqi markanakaw ukarux jutapxani,

Números 24:14

Jichhax markaxar kuttawayxä, ukampis janïr sarkasin, kuntix akat qhipar Israel markax markamar lurkan uk arsuwayä —sasa.

Lucas 2:26

ukarakiw juparux yatiyäna, Cristor uñjañkam jan jiwañapata.

Hechos 2:17

“Tatitux siwa: Tukuya urunakan taqi jaqinakxaruw nayan Ajayux warxatanï; yuqanakamasa, phuchhanakamasa kunatix luraskani ukanak yatiyapxani, waynanakax unañchäwinak uñjapxani, ch'ama qarit jaqinakasti samkanak samkasipxarakini.

Deuteronomio 31:12

Ukapachasti taqpach markaw tantachasiñapa, taqi jaqinaka, warminaka, wawanaka, jumanak taypin jakir yaqha markat jutir jaqinakas tantachasiñaparakiwa, uka kamachinak ist'apxañapataki, Tatit Diosamar axsartañ yatiqapxañapataki, uka kamachinakarjam sarnaqapxañapatakiraki.

Deuteronomio 4:30

Kunapachatix jumanakax taqi uka t'aqhisiñanakana, llakisiñanakan uñjasisina, Tatitur kuttapxäta, iyawsapxarakïta ukkhaxa,

1 Timoteo 4:1

Qullan Ajayux qhanpach arsu: Qhipa urunakan yaqhipanakax iyawsäwit kutiqxapxaniwa, k'ari yatichäwir ist'asa, ñanqha ajayunakan yatichäwipar iyawsasa.

2 Timoteo 3:1

Qhipa urunakan jan wali urunakaw jutani, uksti yatiñamawa.

Hebreos 1:2

Aka qhipa urunakansti Yuqap tuqiw parlarakistu, juparuw taqi luratanakap katuyi, jupa tuqi aka uraq luratap layku.

Hebreos 13:1

Maynit maynikam jilapurjam munasipxam.

Apocalipsis 4:1

Uka qhipatsti alaxpachan mä punku jist'arat uñjta; ukatsti trompetan phust'atapar uñtat nayraqat parlxaykitu uka arux sarakituwa: “Akawjar makhatanim, ukatsti kunanakatix akat qhipar luraskani ukanak uñacht'ayäma” sasa.