Génesis 48:21 - Qullan Arunaka DC

²¹ Ukxarusti Josearuw sarakïna: —Nayax jiwañampïxtwa; ukampis Diosaw jumanakampïskani, ukatsti nayra awkinakaman uraqiparuw kuttayxapxarakïtam.

Aymar Bibliia 1986

²¹ Ucjjarusti Josearojj saraquïnwa: —Nayajj jiwañampëjjtwa; ucampis Diosaw jumanacampïsqui, ucatsti nayra tiempo awquinacaman orakeparus cuttayjjapjjaraquïtamwa.

Qullan Arunaca

²¹ Ucjjarusti Josearojj saraquïnwa: —Nayajj jiwañampëjjtwa; ucampis Diosaw jumanacampïsqui, ucatsti nayra tiempo awquinacaman orakeparus cuttayjjapjjaraquïtamwa.

Génesis 48:21 Jak'a apnaqawi uñst'ayäwi

Génesis 12:5

Jupampi chiksti, Sarai warmiparu, Lot sobrinoparu, qawqha jaqinaktix Harán chiqan jikxatkatayna taqi jupanakaruw irpxäna, yänakapsa taqi apasxäna. Kunapachatix Canaán uraqir puripkän ukkhasti,

Génesis 15:14

Ukampis nayarakiw t'aqhisir jaqir tukuyir markarux mutuyä, ukatsti wawanakamax qhispiyataw mistunxapxani, walja qamir yänakampi phuqt'ataw jutxapxarakini.

Génesis 15:16

Pusi patak mara qhipatsti, wawanakamax aka chiqaruw kuttanxapxani, ukkhakamasti amorreonakan jucha luratanakapax janïraw sinti jan walïkaniti.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 28:15

Nayaw jumampïskta; kawkirutix sarkäta ukan imaskapunïmawa, ukatsti aka pachpa uraqiruw kuttayanxäma. Arsutaxar phuqhañkamax janipuniw antutkämati” sasa.

Génesis 37:1

Jacobux Canaán uraqin jakiriw qhiparxäna, kawkintix awkipax jaya jaqjam jakawaykatayna ukana.

Génesis 46:4

Nayaw jumamp chika Egiptor saraskä; naya kipkarakiw wawanakamarux ukat irpsunxä. Ukhamarusa, jiwxäta ukapachax, Joseax jumamp chikäskaniwa —sasa.

Génesis 47:29

Mä urusti Jacobux jiwirjamäxänwa, ukat José yuqapar jawsayasin jupar säna: —Chiqpachapuni munaschista ukaxa, amparam lankhu charax manqhar ucham, ukatsti kuntix maykäma uk phuqhañatak juramento lurarapita. ¡Janipuniw Egipto uraqir imayitätati!

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

Génesis 50:6

Faraonasti sarakïnwa: —Awkima mayitaparjam jupar imt'ayir saraskakim —sasa.

Salmos 18:46

46 (47) ¡Tatitux jallallatäpan! ¡Arxatirixax qullanäpan! ¡Qhispiyir Tatituxax jach'añchatäpan!

Lucas 2:29

“Tatay, jichhakuchaw kusisit jiwxä. Kuntix luqtirimar arsktas uka arunakamar phuqxtawa.

Hechos 13:36

Chiqpachansa Davidax Diosan arsutaparjamaw jaysäna. Ukampis qhipat jiwxänwa, nayra awkinakapan amay imäwipar imt'atäxarakïnwa, janchipasti ñusjxarakïnwa.

Deuteronomio 30:3

Tatit Diosamax jumanakat khuyapt'ayasisin, wasitat jumanakar aski waxt'äwinak churxapxätam; wasitat tantachxapxätam jaqunukupktam uka markanakat irpthapisa,

Deuteronomio 31:8

Tatituw juman nayräxam sarani, jumampïskaniwa; janiw jaytkätamti janirakiw antutkätamsa; ukhamasti, jan axsaramti, janirak llajllasimsa.”

2 Timoteo 4:6

Nayan jiwañaxax niy jak'ankxiwa, jiwäwixax Diosatak mä wilañcha luqtäniwa.

Hebreos 7:3

Jupan awkipatsa, taykapatsa, nayra awkinakapatsa janiw kunas yatiskiti; janirakiw kawkhan yuritapasa, jiwatapas yatiskiti; ukat jupax Diosan Yuqapäkaspas ukham wiñay sacerdotexa.

Hebreos 7:8

Jiwasanak taypinsti jiwiri jaqinakaw sapa tunkat maya mayipxi; ukampis Qillqatax Melquisedec sacerdoten jakaskatapat parli.

Josué 1:5

Juman jakañamkamax janiw khitis atipjkätamti, nayasti kunjämatix Moisesamp chikäkäyät ukhamarakiw jumampïskä, janipuniw jumarux jaytanukkämati.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 23:14

“Nayax niyaw jiwxä, ukampis nayraqatax muntwa, jumanakan taqi chuymampi, taqi amuyumpi amtasiñanakama, kuna askinaktix Tatitux arsuwayapktam taqi ukanakan taqpacha phuqhasitapa. Janiw mä arsutapas jan phuqhaskiti.

Josué 3:7

Tatitusti Josué chacharux sänwa: “Jichhürut uksarux israelitanakan nayraqatapan jach'aruw tukuyäma, ukhamat jupanakax nayan jumampïskatax yatipxani, kunjämatix nayax Moisesampïkäyät ukhama.

2 Pedro 1:14

Jesucristo Tatitusasti, jiwañaxan jak'ankxatap niy yatiyxarakituwa;