Génesis 48:15 - Qullan Arunaka DC

¹⁵ Ukatsti aka arunakampiw Josear aski waxt'äwinak churäna: “Abraham achachilaxana, Isaac awkixan Diosapawa, yurïwixatpach irpaskitu.

Aymar Bibliia 1986

¹⁵ Ucat Josearojj aca arunacampiw bendiciraquïna: “Cawquïri Diosarutejj, Abraham, uqhamarac Isaac awquejjajj ist'apcäna, cawquïri Diosatejj nacïwejja urutpach imquitu,

Qullan Arunaca

¹⁵ Ucat Josearojj aca arunacampiw bendiciraquïna: “Cawquïri Diosarutejj, Abraham, uqhamarac Isaac awquejjajj ist'apcäna, cawquïri Diosatejj nacïwejja urutpach imquitu,

Génesis 48:15 Jak'a apnaqawi uñst'ayäwi

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 24:20

Ukatsti jank'akiw uywa umañawjaru wakullapat uma warsüna, ukatsti walja kutirakiw phuch'ut uma waysunïna, camellonakar umart'ayañataki.

Génesis 24:40

Jupasti sarakituwa: “Nayax Tatitun thakhipan sarnaqawayta, jupaw mä angelap khithanini, saräwiman yanapañapataki, ukhamat wila masix taypita, awkixan wila masinakap taypit mä warmi wawaxatak irpaniñamataki.

Génesis 27:27

Jacobusti jak'achasisin awkipar jamp'att'äna. Isaacasti Jacobun isip mukt'asin aka arunakampiw aski waxt'äwi churäna: “Jïsa, aka q'aphix wawaxan q'aphipawa. Diosan jach'añchat pampanakan q'aphipjamawa.

Génesis 27:4

Ukatsti mä suma manq'a phayt'arapita, kunjämtix munirïktxa ukhama, ukatsti nayan manqt'asiñaxatak apanirapita. Ukat nayax janïr jiwkasin aski waxt'äwinak churawayxäma —sasa.

Génesis 28:20

Uka qhipatsti Jacobux aka arunak arsüna: “Diosatix nayampïni, aka saräwinsa yanaparakitani, manq'añsa, isisiñsa churitani,

Génesis 28:22

Aka qala mä pilarar uñtata akawjar sayt'ayataxasti, Diosan utapäniwa. Dios Tatay, taqi kunanaktix churkitäta ukatxa, sapa tunkat maya churapunïmawa” sasa.

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 35:3

Jank'ak Betel uraqir sarxañäni, ukan nayax mä altar sayt'ayä, kawkïr Diosatix nayaru llakisiñaxan jikxataskasin yanapt'kitäna, ukhamarak kawkirutix sarkta ukan nayamp chikäskäna uka Diosar yupaychasa.

Génesis 48:16

Jupaw angelapar khithanirakitu walja ñanqhanakat nayar imiri. Jupay aka pä wawarux aski waxt'äwinak churpan. Sutixasti jupanak tuqi amtatäpan, Abraham achachilaxan sutipasa, Isaac awkixan sutipasa. Jupanakasti walja wawanakanïpxpan, aka uraqinsti waljanirurak tukupxpan” sasa.

Génesis 49:22

“Jumasti, José, uma thiyan wali achuri alir uñtatätawa, pirqa patanakaruw layminakapas alintaraki.

Génesis 49:24

ukampis jumax wali ch'aman amparanakanïtawa, mich'inak antutañsa sum katxäsiraktaxa. ¡Taqi ch'amani Diosax yuspagaratäpan! ¡Awatirin sutiparu, Israelar uñjiriru yuspagaratäpan!

Génesis 49:28

Akanakaw Israelan tunka payan ayllunakapaxa, uka arunakarak awkipax sapa maynir askinak churas arsuwayi.

Génesis 6:9

Noé chachan sarnaqäwipax akhamänwa. Noé chachax aski jaqïnwa, Diosar jaysasapuniw sarnaqirïna. Jaqinak taypinsti, jupa sapakiw Diosan munañaparjam sarnaqäna.

1 Reyes 3:6

Salomonasti ukxaruw säna: “Tatay, juman luqtirima David awkixarux wali suma chuymampiw uñjäyätaxa, jupax juma nayraqataman chiqa aski chuymampiw sarnaqäna, taqi kunan jaysarakïyätam. Ukat jumax wali khuyapayasiñampi jupar uñjaraktaxa, mayni yuqaparusa reyi qunuñaparuw qunt'asiytaxa, kamisatix jichhürun uñjaski ukhama.

1 Crónicas 5:1

Israel chachan Rubén sat jilïr yuqapan wawanakapa: Hanoc, Falú, Hesrón, Carmí. Chiqpachansa Rubén chachaw jilïr yuqapänxa, ukampis awkipan warmipamp sarnaqasaw jilïr kankañap apt'asïna, jupan jilïr kankañapax Josean wawanakapar churatäxänwa, Joseasti Israel chachan maynïr wawaparakïnwa. Ukatsipana, Judá chachax jilanakapat sipan juk'amp munañaniw tukxäna, jupatarak mä jilïris mistüna; ukampis jilïr kankañapax Josear churatänwa.

Salmos 16:8

Nayax Tatitumpi chikapuniw sarnaqaskta; jupaw kupi tuqixanki, janiw kunas tinkuykitaniti.

Salmos 23:1

Tatituw awatirixaxa, janiw kunatsa t'aqhiskäti:

Salmos 37:3

Tatitur taqi chuymamp alkatasax ask luram, aka uraqin utjasim, chiqaparak sayt'am.

Éxodo 3:16

Jichhasti saram, israelitanakan jilïrinakap tantachthapisin jupanakar sarakim: “Abraham, Isaac, Jacob, nayra awkinakaman Tatit Diosapaw nayar uñstasin akham situ: ‘Nayax jumanakar ist'apxsmawa, kunjämtix Egipton jumanakar lurapktam ukanaksa uñjaraktwa.

Éxodo 4:5

—Israelan jilïrinakap nayraqatan uka pachparak luram. Ukhamat iyawsapxani Abraham, Isaac, Jacob uka nayra awkinakaman Tatit Diosapan jumar uñstatapa —sasa.

Eclesiastés 5:12

12 (11) Irnaqir jaqix juk'sa, jan ukax waljsa manq'askpan, sumpun ikt'asi; ukampis qamirirux yänakapax janiw ikthapiykiti.

Eclesiastés 5:18

18 (17) Nayax akhamak amuyta: jakäwin askipax manqt'asiña, umt'asiña, aka uraqin mä juk'a urunak Diosax churkistu ukan jan inakt'as irnaqatasat kusist'aña ukakiwa, ukampis ukaw jiwasanakar wakt'istu.

Eclesiastés 6:7

Jaqix manq'añatakix jan inakt'asaw irnaqi, ukampis janiw sisthapkiti.

Isaías 30:21

Kupi tuqiru, jan ukax ch'iqa tuqirus saranukütaxa, qhipäxamatsti mä aru ist'äta, sarakïtamwa: “Aka chiqaw thakhixa, sarasipkakim” sasa.

Isaías 33:16

ukakiw chiqpachansa taqi kunat imat jakani, qarqat lurat mä suma utan samart'ani, manq'añapas jan tukuskirïniwa, umas janirakiw jupatak pist'kaniti.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

1 Corintios 10:31

Ukhamasti manq'apxamsa, umapxamsa, jan ukax kunsay lurapxam, Diosar jach'achañatak lurapxam.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

Deuteronomio 33:1

Moisesax Diosar luqtir mä jach'a profetänwa. Janïra jiwkasin jupax israelitanakar aski arunak arsüna,

Colosenses 2:6

Jumanakax Tatituruw iyawsxapxtaxa, ukatpï kunjämtix Tatitux munki ukhamar jakapxañamaxa,

Hebreos 11:21

Jacobux iyawsäwi laykuw niya jiwañampïkasin Josean sapa mayni wawanakapar walja askinak churañatak arsüna, ukatsti Diosarux thujrupat thujrt'asisaw yupaychäna.